" စိတ်ကူးတို့၏ ကွန့်မြူးရာ အနုပညာတို့ရဲ့ ပေါင်းစည်းရာ မိမိဖန်တီးထားတဲ့ ဒီဘလော့ရပ်ဝန်းလေးမှ မိတ်ဆွေအား နွေးထွေးစွာ ကြိုဆိုပါသည်...။

Monday, February 27, 2012

အမြင်မတူတဲ့အတွေးများ


လူ့ဘဝနဲ့အတွေး။ လူ့ဘဝကိုရလာသူတိုင်း အတွေးဆိုတာရှိစမြဲပါ။
အတွေးကိုအခြေခံပြီး အထက်တန်းစား ဘဝ များသို့ ရောက်ရှိသွားသူများရှိသလို၊
အတွေးကိုအခြေခံပြီး အောက်တန်းစားဘဝများသို့
ရောက်ရှိသွားသူတွေကလဲဒုနဲ့ဒေး။ လူ့ဘဝမှာအရေးပါလှတဲ့
အတွေးဆိုတဲ့အရေးကိစ္စမှာ မှန်ကန်တဲ့အတွေး၊ မှားယွင်းတဲ့အတွေး၊
ဒီအတွေးနှစ်ခု ဘယ်သင်းကိုအရင်စလို့ ဘယ်သင်းကိုနောက်ချပြီး
တွေးသင့်တယ်ဆိုတာ တွေးကြည့်ဖို့ပါ။

အဲဒီအတွေးနှစ်ခုကို မစဉ်းစားမီ စဉ်းစားစရာတစ်ခု ဖြစ်လာတာက
အတွေးဆိုတာဘာလဲ။ အတွေးကို ဗုဒ္ဓအဘိဓမ္မာ (ဗုဒ္ဓစ်(စ်)ဆိုက်ကိုလိုဂျီ) မှာ
“ဝိတက္က” လို့ အသုံးရှိပြီး၊ မြန်မာမှုပြုတော့ “ဝိတက်”၊
မြန်မာလိုအဓိပ္ပါယ်ပြန်တော့ “အတွေး”တဲ့။ “ညကဝိတက်တွေများနေလို့
အတော်နဲ့ကို အိပ်မပျော်နိုင်ဘူး”ဆိုတဲ့ စကားအသုံးအနှုံးကို
လူတိုင်းနီးနီးကြားဖူးမှာပါ။ အတွေးမှာ လွတ်လပ်ခွင့်ရှိတယ် ဆိုပေမဲ့လို့
တွေးချင်ရာတွေးလို့တော့မသင့်တော်ဘူး။ ဘာကြောင့်လဲဆိုရင် တွေးတတ်ရင်
ကုသိုလ် (စ်ိတ်) ဖြစ်နိုင်ပြီး၊ မတွေးတတ်ရင်တော့
အကုသိုလ်(စိတ်)တွေဖြစ်သွားနိုင်တယ်။ ကုသိုလ်ဖြစ်အောင်
တွေးတတ်တဲ့အလေ့အကျင့်မျိုးဆိုတာ အလေ့အကျင့်လုပ်ထားမှဖြစ်နိုင်တာ။
ဒီလိုဆို ကုသိုလ်ဖြစ်အောင် ဘယ်လိုတွေးမလဲ။
ဗုဒ္ဓအဘိဓမ္မာအရဆိုရင် “အတွေး”ကို စိတ်ကဆောင်ရွက်တာမဟုတ်ဘူး။
စေတသိက်ကဆောင်ရွက်တာ။ စိတ်ကတခြား၊ အတွေးကတခြားဆိုတာကို သိထားရမှာပါ။
“တွေးတဲ့”ကိစ္စကို စေတသိက်(၅၂)ပါးထဲမှာပါတဲ့ ဝိတက်ဆိုတဲ့ စေတသိက်က
ဆောင်ရွက်တာ။ လူအတော်များများဟာ စိတ်နဲ့ အတွေးကို အတူတူပဲလို့
ထင်မှတ်ထားကြတာ။ အဘိဓမ္မာသဘောအရ အာရုံကိုသိတတ်တဲ့စိတ်ကတစ်မျိုး၊
ထိုစိတ်ကို မှီတွယ်ပြီးဖြစ်ပေါ်လာတဲ့ စေတသိက်ကတစ်မျိုး ဒါကို
ခွဲခြားသိဖို့ပါ။ ထိုနည်းတူစွာပဲ ချစ်စိတ်၊ မုန်းစိတ်၊ မနာလိုစိတ်၊
ဝန်တိုစိတ်၊ မေတ္တာစိတ်၊ ကရုဏာစိတ်တို့ဆိုရာမှာလဲ အလားတူပဲ
ခွဲခြားသိဖို့ပါ။ အကျဉ်းချုပ်မှတ်သားထားသင့်တာကတော့ အတွေးဆိုတာ
စေတသိက်တစ်ခုရဲ့အမည်နာမပဲလို့ ရိုးရိုးရှင်းရှင်းလေးပဲ မှတ်ထားဖို့ပါ။

လူတိုင်းလူတိုင်း ဘဝအခက်အခဲတွေကို တွေ့ဖူး၊ ကြုံဖူးကြတာချည်းပဲ။
မတွေ့ဖူး၊ မကြုံဖူးသူရယ်လို့ ဒီလောကမှာ ရှိမှမရှိနိုင်တာ။ လူဆိုတာ
ဘဝအခက်အခဲတွေနဲ့ကြုံလာပြီဆိုရင် တစ်စုံတစ်ခုကိုလုပ်ဖို့ တွေးကြတာချည်းပဲ။
“လူဟာ ကြံရင်း သေတယ်၊ ငှက်ဟာပျံရင်းသေတယ်” “လူဟာတွေးရင်းသေတယ်၊
မြင်းဟာပြေးရင်သေတယ်”ဆိုတဲ့ စကားပုံ တွေလဲ ရှိနေတာပဲ။ တွေးတာဟာ
လူတွေရဲ့ဓမ္မတာသဘောလို့ဆိုနိုင်ပေမဲ့ လောကအကြောင်းကို တွေးတဲ့အခါမှာ
တွေးသင့်တဲ့ အရာရှိသလို၊ မတွေးသင့်တဲ့အရာတွေလဲရှိနေတာပဲ။
မှန်ကန်စွာ တွေးတတ်ရင် မဂ္ဂင်(၈)ပါးမှာပါဝင်တဲ့ သမ္မာသင်္ကပ္ပ
(မှန်ကန်သောအတွေး)ဖြစ်လို့ နိဗ္ဗာန်ရောက်ကြောင်းလမ်းစဉ်တစ်ခုဖြစ်တယ်။
မှားမှားယွင်းယွင်းတွေးပြီ ဆိုရင်တော့ အဲဒီအတွေးကိုအခြေခံပြီး
ထင်ရာစိုင်းတတ်ကြတယ်။ အဲဒီထင်ရာမြင်ရာစိုင်းတဲ့အမှုက အပါယ်လေးပါးထိ
ကျသွားနိုင်တယ်။
သာသနာသမိုင်းမှာထင်ရှားလှတဲ့ ဒေဝဒတ်ရဲ့အတွေးမျိုးကိုဒီနေရာမှာ နမူနာအဖြစ်
ထုတ်ပြချင်တယ်။ မဖြစ်စလောက်လေး သူရထားတဲ့တန်းခိုးကို အဟုတ်ကြီးထင်ပြီး
သူ့ကိုယ်သူစိတ်ကြီးဝင်ခဲ့တယ်။ တန်းခိုးရှင်ဖြစ်တဲ့ ဘုရားကိုသတ်ပြီး
သူကိုယ်တိုင်ဘုရားလုပ်မယ် ဆိုတဲ့အတွေး။ ကိုယ်တွေးတဲ့အတွေးကို “မှားတယ်၊
မှန်တယ်” ပြန်လှန် မတွေးနိုင်တော့ သူဒုက္ခရောက်တာပေါ့။
အတွေးနောက်စိတ်ပါပြီး မလုပ်သင့်တာတွေကိုလုပ်ခဲ့တယ်။ မှားယွင်းတဲ့
အတွေးကိုအခြေခံပြီး မလုပ်သင့်၊ မလုပ်ထိုက်တာတွေကို
လုပ်ခဲ့တဲ့အတွက်ကြောင့် ငရဲမှာကျပြီး ဆင်ရဲဒုက္ခတွေကို ခံစားရတော့တယ်။
ဒါကြောင့် အတွေးစိတ်ဆိုတာ ဒီလောက်အရေးမကြီးဘူးလို့ ထင်ရပေမဲ့ မတွေးတတ်ရင်
ငရဲထိ ကျသွားနိုင်တယ်ဆိုတာကို သတိပြုနိုင်ဖို့ပါ။
အတွေးက နှစ်မျိုးနှစ်စားရှိနိုင်တယ်။ အဲဒီနှစ်မျိုးကတော့
(၁) မှားယွင်းတဲ့အတွေး၊
(၂) မှန်ကန်တဲ့အတွေး-နှစ်မျိုးပါ။
တွေးစိတ်မှာ အစွမ်းသတ္တိတွေပါဝင်တယ်။ မှားယွင်းတဲ့အတွေးမှာ
အပြစ်တွေပါဝင်နေတယ်၊ ထိုအပြစ်တွေက ဆင်းရဲတဲ့အကျိုးကိုပေးတယ်။
မှန်ကန်တဲ့အတွေးမှာ အပြစ်ကင်းစင်တဲ့ ဂုဏ်သတ္တိတွေပါဝင်နေတယ်။
အဲဒီဂုဏ်သတ္တိတွေက ကောင်းကျိုးချမ်းသာကိုဖြစ်စေတယ်။ ကိုယ့်ကိုယ်လိုလဲ
မေးကြည့်ပါ။ လူ့ဘဝမှာနေရတုံးခဏလေးမှာ ဘယ်လို အတွေးမျိုးနဲ့နေမှာလဲ။
မှားယွင်းတဲ့ အတွေးနဲ့နေမလား၊ မှန်ကန်တဲ့အတွေးတွေနဲ့နေမလား။ You သဘောပါ။
လောက သဘောအရ မှန်ကန်တဲ့အတွေးဟာ မှားယွင်းတဲ့အတွေးထက်ပိုပြီ
အရင်ဖြစ်သင့်တယ်လို့ထင်ရပေမဲ့ ဘုရားရှင် ကိုယ်တော်မြတ်ကြီးကတော့
လမ်းညွှန်တဲ့အခါမှာ အမှန်လုပ်ဖို့ထက် အမှားမလုပ်ဖို့ကို အရင်ညွှန်ပြတယ်။
လိုက်ရမဲ့ လမ်းထက် မလိုက်ရမဲ့လမ်းကို အရင်ညွှန်းပြတယ်။
ဓမ္မစက္ကပဝတ္တနသုတ်မှာ အစွန်း(၂)ပါးဖြစ်တဲ့ မလိုက်သင့်တဲ့လမ်းကို
အရင်ညွှန်ပြပြီး၊ လိုက်သင့်တဲ့ မဇ္ဈိမပဋိပဒါလမ်းကိုတော့
နောက်မှညွှန်ပြထားတာကိုတွေ့ရတယ်။ မင်္ဂလသုတ်မှာလည်း အသေဝနာ စ ဗာလာနံ
(လူမိုက်ကို မပေါင်းရဘူး)ဆိုတဲ့ မလုပ်သင့်တဲ့အရာကို အရင်ညွှန်ပြပြီး၊
ပဏ္ဍိတာနဉ္စ သေဝနံ (ပညာရှိကို ပေါင်းရမယ်)ဆိုတဲ့ လုပ်သင့်တဲ့အရာကို
နောက်မှညွှန်ပြထားတာကို တွေ့ရတယ်။ သဘာဝကျပါတယ်။ လိုက်ရမဲ့လမ်းကို
မလိုက်ရင် အဆင်မပြေရုံပဲရှိမယ်။ ဒုက္ခတော့ မရောက်နိုင်ဘူး။
မလိုက်ရမဲ့လမ်းကို လိုက်မိရင်တော့ အဆင်လဲမပြေနိုင်ဘူး။
အကြီးအကျယ်လဲဒုက္ခရောက်သွားနိုင်တယ်။
အဖေကိုသတ်ခဲ့မိတဲ့ အဇာတသတ်မင်းသားလေးရဲ့ ဖြစ်အင်ကို ကြည့်နိုင်တယ်။
အဇာတသတ်မင်းသားဟာ တကယ်တော့ သူတော်ကောင်းလေးပါ။ မပေါင်းသင်း၊
မပေါင်းထိုက်တဲ့လူကို ပေါင်းသင်းမိလို့ သူ့ဘဝမှာ
ပေးဆပ်လို့မကုန်နိုင်တဲ့အမှားတွေကို လုပ်ခဲ့မိတယ်။ ဒါဟာ
သင်ခန်းစာယူသင့်တဲ့အချက်ပဲ။ အတွေးမှားရင် အယူမှားတတ်တယ်၊ အယူမှားရင်တော့
အလုပ်ပါမှားတတ်တာမို့ စနစ်တကျတွေးတတ်အောင် လေ့ကျင့်သင်ယူထားဖို့ပါ။
တွေးတတ်ရင် ချမ်းသာမယ်။ မတွေးတတ်ရင် ဆင်းရဲမယ်။ ဒါဟာ သီအိုရီပဲ။
အဘိဓမ္မာသဘောနဲ့နှီးနှောပြီးပြောရရင် အတွေးဆိုတာ
အမျိုးမျုိးရှိနိုင်သေးတယ်။ လောဘနဲ့တွေးတဲ့အတွေး၊ ဒေါသနဲ့တွေးတဲ့အတွေး၊
မာနနဲ့တွေးတဲ့အတွေး၊ မေတ္တာနဲ့တွေးတဲ့အတွေး၊
ကရုဏာနဲ့တွေးတဲ့အတွေး-စသည်ဖြင့် အတွေးပေါင်း ထောင်သောင်းမကရှိနိုင်တယ်။
ကိုယ်တွေးချင်သလို တွေးလို့ရတယ်။ ဒါပေမဲ့ တွေးတတ်ရင် သက်သာ တာပေါ့။
လောဘနဲ့တွေးရင် လောဘတွေးပေါ့။ လောဘအတွေးဆိုတာ လောဘစေတသိက်နဲ့ယှဉ်တွဲနေတဲ့
အတွေးကိုပြောတာ။ ဒေါသအတွေးဆိုတာ ဒေါသစေတသိက်နဲ့ယှဉ်တွဲနေတဲ့
အတွေးကိုပြောတာ။ ဒီလောက်ဆိုရင် အတွေးသရုပ်ကို မှန်းဆနိုင်ပြီပေါ့။
လောဘနဲ့တွေးတွေး၊ ဒေါသနဲ့တွေးတွေး၊ ဒီအတွေးမျိုးတွေကို အဘိဓမ္မာရှုထောင့်က
ကြည့်ရင် မကောင်းတဲ့အတွေးလို့ပဲ ပြောရမှာပဲ။ ဒါပေမဲ့ တချို့က
ဒီလိုအတွေးမျိုးတွေကိုတွေးတာ ကောင်းတယ်လို့ Debate (စကားစစ်ထိုးခြင်း၊
စကားရည်လုခြင်း) လုပ်လိုကြတယ်။
“လောဘနဲ့တွေးပြီး အလုပ်လုပ်တော့ စီးပွားတွေပိုဖြစ်ထွန်းတယ်၊
ပိုမိုအောင်မြင်တယ်”လို့ ထင်တတ်ကြတယ်။ မှန်သင့်သလောက်မှန်ပါတယ်။သို့သော်
လောဘဇောတိုက်ပြီးရှာထားတဲ့ စီးပွားဥစ္စာတွေဖြစ်နေလေတော့
ချမ်းသာကြွယ်ဝမှုရဲ့နောက်ကွယ်မှာ ပူစရာ၊ ပင်စရာတွေကအများကြီးရှိနေတတ်တယ်။
ဒီအခြေအနေမျိုးမှာ အောင်မြင်မှုကြောင့် သွေးနားထင်ရောက်နေတတ်ပြီမို့
အတ္တကြီးစိုးတဲ့မာနတွေ၊ ဒေါသတွေ၊ မောဟတွေ၊ ဣဿာမစ္ဆရိယတွေက
ထိုသူရဲ့နှလုံးသားထဲကို တန်းစီပြီးဝင်လာတယ်။ အတ္တတရားတွေ၊ မာနတရား
တွေကြောင့် ထိုသူရဲ့စီးပွားဥစ္စာတွေ
မပျက်စီးသင့်တဲ့အချိန်မှာပဲပျက်စီးရတတ်တယ်။ ဒီလိုဖြစ်ရတာဟာ
ထိုသူရဲ့သန္တာန်မှာ ရှိနေတဲ့ အတ္တတွေ၊ မာနတွေ၊ ဒေါသတွေကြောင့်
ဖြစ်ရတယ်ဆိုတာ အဖြေကရှင်းနေတာ။ ကိုယ်ပိုင်လွတ်လပ်တဲ့အတွေးနဲ့
ကိုယ်တိုင်ဆင်ခြင်နိုင်ဖို့ပါ။
အတ္တပါတဲ့အတွေး၊ မာနပါတဲ့အတွေး၊ ဒေါသပါတဲ့အတွေးမျိုးတွေဆိုတာ
စိတ်ကိုပူလောင်စေတယ်။ ဣဿာ မစ္ဆရိယပါတဲ့အတွေးမျုိးကတော့
စိတ်ကိုပင်ပမ်းစေတယ်။ မေတ္တာစိတ်နဲ့တွေးတဲ့ အတွေးမျုိးကြတော့
စိတ်လဲချမ်းသာတယ်။ ကျေလဲကျေနပ်စရာကောင်းတယ်။
မေတ္တာစိတ်နဲ့နေနိုင်ပြီဆိုရင်တော့ လောကကြီးတစ်ခုလုံးဟာ အလှတရားတွေချည်း
ဖြစ်နေတာ။ ဘဝမှာအေးအေးချမ်းချမ်းနဲ့နေချင်သူများဟာ မေတ္တာစိတ်နဲ့နေဖို့ပါ။
ဝမ်းသာပီတိမျိုးနဲ့ နေချင်ရင်တော့ မုဒိတာစိတ်နဲ့နေဖို့ပါ။
တည်တည်ငြိမ်ငြိမ်ဘဝမျိုးလေးကို မြတ်နိုးတယ်ဆိုရင်တော့လဲ
ဥပေက္ခာနှလုံးသားမျိုးနဲ့ နေတတ် ဖို့တော့လိုတာပေါ့။
တစ်ခုတော့သတိပေးပါရစေ။ တွေးတဲ့အခါမှာ အတွေးတွေ မရောထွေးဖို့လဲ
အရေးကြီးတယ်။ အတွေးတွေက ရောထွေးလာပြီဆိုရင် အမှားကိုအမှန်ထင်၊
အမှန်ကိုလဲအမှားထင်တတ်တယ်။ မိစ္ဆာဒိဋ္ဌိဆိုတာ မှားယွင်းတဲ့အတွေးတစ်ခုကို
လက်ခံမိရာက ကြီးမားတဲ့အမှားကြီးကို ယုံကြည်သွားတာကိုပြောတာ။ ဒါကြောင့်
မိမိယူထားတဲ့ အယူဝါဒတစ်ခု (သို့မဟုတ်) မိမိယုံကြည်ထားတဲ့ယုံကြည်မှုတစ်ခု
ကြီးထွားလာပြီဆိုရင်တော့ စာနဲ့ပေနဲ့တိုက်ဆိုင် ကြည့်ဖို့တော့
လိုလိမ့်မယ်။ တိုက်ဆိုင်ကြည့်တော့ အမှားနည်းတာပေါ့။
ဥပမာလေးတစ်ခုကိုပြောပြမယ်။ လောဘစိတ်ဆိုတာ လိုချင်တဲ့ အကုသိုလ်စိတ်လို့
ကြားဘူးထားတော့ နိဗ္ဗာန်ကိုလိုချင်တာ၊ တရားကိုလိုချင်တာ၊
စာပေတွေတတ်ချင်တာ၊ ဆင်းရဲသူများကို ပေးကမ်းလို၍
ပစ္စည်းဥစ္စာများကိုလိုချင်တာ-စတဲ့ ဒီလိုချင်မှုမျိုးတွေဟာ
အကုသိုလ်တရားတွေလို့ အထင်ရှိနေ တတ်ကြတယ်။ အထင်မမှားစေချင်ဘူး။
တောင်မြို့မဟာဂန္ဓာရုံဆရာတော်ဘုရားကြီးက ဒီအတွေးမျိုးတွေကို အထင်မမှား
စေချင်၍ ကိုယ်ကျင့်အဘိဓမ္မာစာအုပ်(နှာ ၂၄)မှာ မေတ္တာစိတ်နဲ့
ရေးသားဖေါ်ပြထားတယ်။ မုဒိတာစိတ်နဲ့ဖတ်ရှုဖို့ပါ။
“လိုချင်မှုသဘောသည် လောဘတည်း။ “လိုချင်”ဆိုသော်လည်း ကာမဂုဏ်ဆိုင်ရာ
လိုချင်မှုမျိုးကိုသာ လောဘဟုဆိုသည်။ နိဗ္ဗာန်ကိုလိုချင်မှု၊
တရားကိုလိုချင်မှု၊ စာပေတတ်ချင်မှု၊ ဆင်းရဲသူများကိုပေးကမ်းလို၍
ပစ္စည်းကို လိုချင်မှု-စသော ကောင်းသောအရာ၌ လိုချင်မှုမျိုးကား လောဘမဟုတ်။
ဆန္ဒ (ကုသလစ္ဆန္ဒ) သဘောသာဖြစ်ပေသည်” ဟု အတွေးမှားနေသူများကို
အတွေးမှန်ဖို့ထောက်ပြတော်မူခဲ့တယ်။ အတွေးနဲ့စပ်ပြီး
ဆင်ခြင်သင့်တဲ့အရာမျိုးတွေကို ဆင်ခြင်နိုင်ကြပါစေ။
တွေးတယ်ဆိုတာ တစ်ဦးတစ်ယောက်အတွက် (သို့မဟုတ်) တစ်စုံတခုအတွက်
တစ်ခုခုကိုပြုလုပ် ပေးလို၍ကြောင့်ကြစိတ်နဲ့တွေးတာမျုိးလဲ ရှိတတ်ပါတယ်။
ပြုလုပ်နိုင်စွမ်းမရှိပဲနဲ့ တောင်မြောက်လေးပါး၊ ထွေရာလေးပါးကို
တွေးတဲ့အတွေးမျိုးတွေလဲ ရှိနေတတ်ပါသေးတယ်။ အတွေးဋီကာချဲ့ရင်တော့
အတွေးသံသရာ ရှည်ရုံပဲရှိမှာပဲ။
အများအတွက် တစ်စုံတစ်ခုကိုပြုလုပ်ပေးချင်လို့ တွေးတဲ့အတွေးမျိုးကတော့
ဘုရားရဟန္တာများတောင် မကင်းနိုင်ဘူးတဲ့။ သိဒ္ဓတ္ထဘုရားလောင်း
ဗောဓိပင်ရင်းမှာဘုရားဖြစ်ပြီးတဲ့နောက် သူရရှိထားပြီးတဲ့တရားတော်များကို
အပြန်အလှန် ဆင်ခြင်ကြည့်တော်မူတယ်။ “ငါဘုရားသိထားတဲ့ တရားတော်တွေဟာ
အလွန်ကိုသိမ်မွေနက်နဲတယ်။ သိနိုင်ဖို့၊ မြင်နိုင်ဖို့ဆိုတာ
ပုထုဇဉ်တွေအတွက်အလွန်ခက်ခဲလိမ့်မယ်။ ကြံစည်စဉ်းစားရုံမျှနဲ့လဲ
ဥာဏ်မှာမထင်နိုင်တဲ့တရားမျိုး။ အာရုံများတဲ့ (အတွေးများတဲ့)
ပုထုဇဉ်တွေကို တရားဟောလဲ ပင်ပမ်းရုံပဲရှိလိမ့်မယ်။
တရားမဟောပဲကြောင့်ကြမဲ့နေပြီး တရားချမ်းသာနဲပဲနေရတာ
ကောင်းလိမ့်မယ်ထင်တယ်”လို့ အကြံဖြစ်တော်မူတယ်။ ဆိုလိုတာက မြတ်စွာဘုရား
ဒီအတွေးကိုတွေးမိတယ်။ မြတ်စွာဘုရားဒီလိုတွေးနေတာကို
သဟမ္ပတိဗြဟ္မာကြီးကသိနေတယ်။ “ဒုက္ခပဲ၊ ဘုရားရှင် ကိုယ်တော်မြတ်ကြီးသာ
တရားမဟောပဲနေခဲ့ရင် လောကကြီးတော့ပျက်စီးတော့မှာပဲ”လို့ တွေးမိပြီး
လူ့ပြည်ကို ချက်ချင်းပဲဆင်းလာတယ်။ ဘုရားကိုဖူးမျှော်ပြီး တရားမဟောဘဲ
မနေဖို့ လျှောက်ထားတယ်။
ဘုရားရှင်ရဲ့စိတ်အကြံအစည်ကိုသိထားတဲ့ဗြဟ္မာကြီးဟာ
ဘုရားရှင်ကိုယ်တော်မြတ်ကြီး တရားမဟောပဲ နေခဲ့ရင်
ဆိုတဲ့အတွေးကရှိနေသေးတာမို့ တရားဟောဖို့ အကြောင်းခိုင်လုံအောင်
အတိတ်ကဖြစ်ပျက်ခဲ့တဲ့အကြောင်းအရာနဲ့ မြတ်စွာဘုရားကို အမှတ်ရစေတယ်။
“အရှင်ဘုရား သတိတရားရတော်မူပါ၊ အရှင်ဘုရားသုမေဓာရှင်ရသေ့ဘဝက
ဒီပင်္ကရာမြတ်စွာဘုရားရဲ့ခြေတော်ရင်းမှာ ဘုရားဆုကို ပန်ယူခဲ့စဉ်အခါက “ငါသာ
သစ္စာလေးပါးတရားကို ထိုးထွင်းသိခဲ့ မယ်ဆိုရင် သတ္တဝါတွေကိုလဲ သိစေမယ်
(ဗုဒ္ဓေါ ဗောဓေယျ)ံ။ ငါသာ သံသရာအနှောင်အဖွဲ့မှ လွတ်မြောက်ခဲ့မယ်ဆိုရင်
သတ္တဝါတွေကိုလည်း လွတ်မြောက်စေမယ် (တိဏ္ဏော တာရေယျံ)။ ငါသာ
မွန်းကျပ်နေတဲ့ဆင်းရဲဒုက္ခတွေမှ လွတ်မြောက်ခဲ့ မယ်ဆိုရင် သတ္တဝါတွေကိုလည်း
လွတ်စေရမယ် (မုတ္တော မောစေယျံ)”လို့ အရှင်ဘုရား ကြွေးကြော်ခဲ့ဘူးသည်ကို
အမှတ် ရတော်မူပါဘုရား”တဲ့။
ဗြဟ္မာကြီးဟာ ဘုရားတရားမဟောပဲနေမှာစိုးလို့
လေးသင်္ချေနဲ့ကမ္ဘာတစ်သိန်းအလွန်ကစကားကို ဘုရားရှင်အားပြန်ပြီးအမှတ်ရစေတာ။
ဗြဟ္မာကြီးက ဝေနေယျသတ္တဝါတွေအတွက် ဘုရားတရားမဟောမှာကို စိတ်ပူလို့
လျှောက်ထားနေခြင်းပါ။ တကယ်တော့ ဘုရားရှင်များဟာ ပါရမီတော်တွေကို
ပင်ပင်ပမ်းပမ်းဖြည့်ကျင့်ခဲ့တာဟာ သတ္တဝါတွေအတွက်ပါ။ သတ္တဝါတွေကို
တရားဟောနိုင်ဖို့ ဘုရားတစ်ဆူမှာရှိသင့်ရှိထိုက်တဲ့ အရည်အသွေးမျုိးတွေရှိ
လာအောင် ပါရမီတော်တွေကို ဖြည့်ကျင့်ခဲ့တာပါ။ သတ္တဝါတွေအပေါ်မှာထားရှိတဲ့
ဘုရားလောင်းများရဲ့မွန်မြတ်တဲ့ စိတ်ထားကို သိစေဖို့ပါ။
တကယ်တော့ လူတိုင်းလူတိုင်း အများအကျိုးရှိစေမဲ့ အလုပ်မျိုးကို
ဆောင်ရွက်ပေးလိုတဲ့အတွေးမျိုးတွေ အနဲဆုံး တစ်ကြိမ်တခါလောက်တော့
ဖြစ်ခဲ့ဖူးကြမှာပါ။ အကြောင်းမညီညွတ်တာရယ်၊ ဆန္ဒတွေနည်းသွားတာရယ်၊
အုပ်ချုပ်သူ လူတန်းစားတွေကို မကျေနပ်တာရယ်၊ အတ္တဖက်မှာ အလေးသာသွားတာရယ် …
စတဲ့အကြောင်းတွေကြောင့် မူလရည်ရွယ် ချက်တွေ ပျက်ပြယ်ခဲ့ကြတယ်။
အတိတ်ကဖြစ်ရပ်လေးတွေကို ပြန်ပြောခွင့်ပေးပါ။ နိုင်ငံခြားကို
ပညာလာသင်ကြတဲ့ ကျောင်းသားအားလုံးနီးနီးသာ တိုင်းပြည်က မထွက်ခွါခင်မှာတော့
“ငါသာ ခေတ်မှီပညာရပ်တွေကို နိုင်ငံခြားမှာ သင်ကြားခွင့်ရခဲ့မယ်ဆိုရင်
ငါ့တိုင်းပြည်၊ ငါ့လူမျိုးတွေကိုလဲ ဒီခေတ်မှီပညာရပ်တွေနဲ့
တိုင်းပြည်တိုးတက်အောင် ငါပြန်လည်ပြုလုပ်ပေးမယ်။ ငါသာ
လုံခြုံမှုမရှိတဲ့ဘဝအနှောင်အဖွဲ့တွေမှ လွတ်မြောက်ခဲ့မယ်ဆိုရင်
ငါ့တိုင်းပြည်၊ ငါ့လူမျိုး တွေကိုလဲ ဘဝအနှောင်အဖွဲ့ဘေးတွေမှ
လွတ်မြောက်အောင် ငါကူညီပေးမယ်။ ငါသာ ငတ်မွတ်ကျပ်တည်း ဆင်းရဲနွမ်းပါး
တဲ့ဘေးတွေမှ လွတ်မြောက်ခဲ့မယ်ဆိုရင် ငါ့တိုင်းပြည်၊ ငါ့လူမျိုးကိုလဲ
ဆင်းရဲနွမ်းပါးတဲ့ဘေးမှ လွန်မြောက်အောင် ငါဆောင်ရွက်ပေးမယ်” တဲ့။
ဒါဟာ အဲဒီအချိန်တုံးကတော့ တကယ်ကို စစ်မှန်တဲ့စေတနာနဲ့တွေးတဲ့
အတွေးတွေဖြစ်မှာပါ။ ဒါပေမဲ့ ဒီအတွေးတွေဟာ အကြောင်းအမျိုးမျုိးကြောင့်
အတိတ်မှာကျန်ရစ်ခဲ့ပြီ။ နေပြည်တော်လည်း မျှော်လေတိုင်း ဝေးခဲ့ရပြီ။
ဖြစ်ပျက်ခဲ့တဲ့အတွေးပုံရိပ်လေးတွေက လွမ်းချင်ဖွယ်ရာတွေဖြစ်ခဲ့ရပြီ။
ဒီအတွေးမျိုးတွေကို ကံရှုထောင့်ကနေ ကြည့်ပြီး သုံးသပ်မယ်ဆိုရင်တော့
ပြည့်သူတွေကပဲ ကံဆိုးတာလား၊ ကူညီချင်သူတွေကပဲကံဆိုးတာလား အတွေးနယ်
ချဲ့ရန် ခက်လှပါဘိ။
ပြောချင်တာရှိတာလေးတွေကိုပြောနေရင်း စာကအတော်ရှည်သွားပြီး။ ဒီတော့လဲ
တွေးလက်စ အတွေးများကိုလဲ ရပ်တန့်ရတော့မည်။ ရေးလက်စစာကြောင်းများကိုလဲ
အကျဉ်းချုံရပေတော့မည်။ ဒါပေမဲ့ တွေးလက်စအမြင်လေး တစ်ခုတော့
ကျန်နေသေးတယ်။ ပြောလက်စရှိနေပြီမို့ ဒါလေးတစ်ခုကိုတော့ ပြောခွင့်ပြုပါ။
လောကမှာ လူသား အားလုံးဟာ ဥာဏ်အရည်အချင်းချင်းလဲမတူ။ ကြီးပျင်းလာခဲ့ရတဲ့
ဘဝအခြေအနေခြင်းလဲမတူ။ စိတ်ဝင်စားတာခြင်းလဲ မတူ။ အမြင်ခြင်းလည်းမတူကြတော့
အတွေးချင်းတူဖို့ဆိုတာ မလွယ်နိုင်ဘူး။ အတွေးတွေကို တူညီအောင် ညှိဖို့
ဆိုတာကလဲ ဘယ်လိုနည်းနဲမ မဖြစ်နိုင်ဘူး။ ဒါကိုတော့ လူတိုင်းနားလည်ကြမှာပါ။
ဒါပေမဲ့ တူညီနေတာလေး တစ်ခုတော့လဲ ရှိနေသေးတယ်။ အဲဒါကတော့ လူတိုင်းတွေးတယ်
ဆိုတဲ့အချက်ပဲ။

ချမ်းသာစွာ အိပ်စက်နိုင်ကြပါစေ…။

ဘိက္ခုဓမ္မပိယ(USA)

Thursday, February 23, 2012

မသက်သာလေ နှောင်ကြိုးတွေ ပွေလွန်းလို့


သံယောဇဉ်…သံယောဇဉ်… စကားလေး သုံးခွန်းမို့၊ ညွှန်းစေချက်လည်း၊ နည်းမယ်မထင်၊တကယ့်ကို တွေးပြန်တော့ မသေးတဲ့ အားအင်၊ ကမ္ဘာခွင် တစ်ခုလုံး၊ သိမ်းကျုံးပြုပြင်၊ သူခိုင်းစေသမျှ၊ ထာဝစဉ် လူတိုင်းနေရတာပင်။ အာသဝေါကုန်ငြား၊ အရိယာသူတော်စင်တို့က လွဲရင်၊ သံယောဇဉ်နှောင်ကြိုးမျှင် ဇွတ်တိုးလျှင်….(ဘိုကလေးတင်အောင် ရေးသားသည့် နီနီဝင်းရွှေ သီဆိုသည့် သံယောဇဉ် ဟူသည့် သီချင်း စာပိုဒ်လေး)

သံယောဇဉ် ဆိုသည်မှာ အထက်ပါ သီချင်းစာသားထဲကအတိုင်း စကားလေးသုံးလုံးသာ ဖြစ်သော်လည်း ပုထုဇဉ်များအဖို့ အပြောလွယ်သလောက် ပယ်ရခွာရအလွန်ခက်လှပါ၏။ သံယောဇဉ်နှောင်ကြိုး ဟု ခေါ်ရိုးရှိသည့်အတိုင်း ကြိုးဖြင့် ချည်နှောင်ထားသကဲ့သို့ သူ၏ကိန်းရာ သတ္တဝါကို သံသရာဝဋ်မှ ပြေးမလွတ်နိုင်လောက်အောင် ချည်နှောင်တတ်သော တရားကို သံယောဇဉ် ဟု ဗုဒ္ဓစာပေမှာတော့ အဓိပ္ပါယ်ဖွင့်ဆိုပါသည်။ ဆိုလိုသည်မှာတော့ သတ္တဝါတို့၏ စိတ်နှလုံးကို မရုန်း မထွက်နိုင်အောင် ချည်နှောင် ဖွဲ့ယှက်၍ ထားအပ်သော အာရုံများကို သံယောဇဉ် နှောင်ကြိုးဟု ဆိုရပေသည်။ သုတ္တန်ဒေသနာနည်းအားဖြင့် သားအာရုံ၊ သမီးအာရုံ၊ လယ်ယာ မိုးမြေ ရွှေငွေရတနာတည်း ဟူသော အာရုံ၊ အိုးအိမ်စည်းစိမ်တည်းဟူသော အာရုံ၊ ဆွေမျိုးဥာတကာ တည်းဟူသော အာရုံ စသည်များသည် ဗဟိဒ္ဓ နှောင်ကြိုးတွေပင် ဖြစ်၏။ အဘိဓမ္မာဒေသနာနည်းအားဖြင့် ရူပါရုံ သဒ္ဒါရုံ ဂန္ဓာရုံ ရသာရုံ ဗောဌဗ္ဗာရုံများသည် ဗဟိဒ္ဓနှောင်ကြိုးတွေ ဖြစ်၏။ အထက်ပါ သားသမီးစသော ဗဟိဒ္ဓအာရုံများ၌ တွယ်တာသာယာကပ်ငြိ၍နေသော ဥပါဒါန်တရား၊ ကိလေသာတရားများသည် အတွင်းအဇ္ဈတ္တ နှောင်းကြိုးတွေပင်ဖြစ်ကြ၏။

ကြိုးချင်းထားတော့ ကြိုးချင်းငြိ၊ အိုးချင်းထားတော့ အိုးခြင်းငြိ၊ ဆိုသလို ဗဟိဒ္ဓအာရုံနှောင်ကြိုးများနှင့် အတွင်းအဇ္ဈတ္တကိလေသာ နှောင်ကြိုးများ တွယ်တာငြိကပ်ကြသောအခါ ရှင်း၍မရနိုင်အောင် ရှုပ်ထွေးကြကုန်၏။ ရုန်းမထွက်နိုင်လောက်အောင် ခိုင်မြဲစွာ ချည်နှောင်ထားကြကုန်၏။ မစွမ်းရင်းကလဲရှိ၊ ကန်စွန်းခင်းကလဲငြိ၊ နတ်တိုက်ကလဲရှိ၊ ဓာတ်ခိုက်ကလဲရှိ၊ ဆိုသကဲသို့ သတ္တဝါတို့ အဇ္ဈတ္တသန္တာန်အတွင်းမှာ ရှုပ်ထွေးစွာခြည်နှောင်တတ်သော နှောင်ကြိုးများသည် ဗဟိဒ္ဓ ကာမဂုဏ်အာရုံ နှောင်ကြိုးများနှင့် ဓာတ်ခိုက်ပေါင်းမိသောအခါ ခိုင်မြဲစွာ အချင်းချင်း ဖွဲ့နှောင်ကြလေတော့သည်။ ထို့ကြောင့် သဂါထာဝဂ္ဂသံယုတ်(နှာ၁၃၊၁၆၇) ၌ မြတ်ဗုဒ္ဓက အန္တော ဇဋာ၊ ဗဟိ ဇဋာ၊ ဇဋာယ ဇဋိတာ ပဇာ၊ ဟု ဟောတော်မူခဲ့၏။ ဆိုလိုသည်မှာ ပဇာ-သတ္တဝါများသည်၊ အန္တောဇဋာ- အတွင်း၌ရှိသော ကိလေသာနှောင်ကြိုး အရှုပ်တရားတို့ဖြင့်လည်း များစွာ ရှုပ်ထွေပွေလိမ်ကြကုန်၏။ ဗဟိဇဋာ-သမီးသားမယား လယ်ယာမိုးမြေ စည်းစိမ်ဥစ္စာစသည့် ဗဟိဒ္ဓနှောင်ကြိုး အရှုပ်တရားမျိုးဖြင့်လည်း များစွာ ရှုပ်ထွေပွေလိမ်ကြကုန်၏။ ဇဋာယ-ယင်းသို့အဇ္ဈတ္တ ဗဟိဒ္ဓ အတွင်းအပ အရှုပ်အထွေးတရား နှစ်ပါးကြောင့်၊ ဇဋိတာ- ဖြေရှင်း၍ မရနိုင်လောက်အောင် တစ်လိမ်လိမ် တရစ်ခွေခွေ တစ်ထွေးထွေး ချည်နှောင်ရှုပ်ထွေးကြလေကုန်၏။

ကြခတ်ဝါးရုံသည် အခက်အလက်တို့ဖြင့် ဖြေရှင်း၍ မရနိုင်လောက်အောင် ပွေလိမ်ရှုပ်ထွေးနေသကဲ့သို့ သတ္တဝါများတည်းဟူသော ကြခတ်ဝါးရုံတို့သည်လည်း အတွင်းကိလေသာကြိုးထွေး၊ အပြင်ပ ဗဟိဒ္ဓသန္တာန်၌ ရှိသော ကာမဂုဏ်နှောင်ကြိုးထွေးတို့ဖြင့် တစ်ထွေးတစ်လုံး ရှုပ်ထွေးလျှက်သာ ရှိကြကုန်၏။ လောကုတ္တရာစခန်း မတက်လှမ်းနိုင်သေးသမျှ ဖြေရှင်း၍ မရနိုင်အောင်ရှိကြကုန်၏။ ထိုသို့ ရှုပ်ထွေးစွာချည်နှောင်အပ်သော နှောင်ကြိုးတို့၏ မလှုပ်မယှက်နိုင်အောင် ချည်နှောင်ထားမှုကြောင့် မလွတ်မထွက်နိုင်ပဲ သံသရာတစ်ဝဲလည်လည် နေကြရကုန်၏။ အချုပ်ဆိုရလျှင် လူနတ်ဗြဟ္မာ ပုထုဇဉ်တွေမှာ နှောင်ကြိုး ၁၀ ချောင်းဖြင့် တနည်းမဟုတ် တနည်း ချည်နှောင်ထားခံရ၏။ ရဟန္တာဖြစ်မှသာလျှင် ယင်းသံယောဇဉ် ကြိုးတွေကို အပြီးသတ် ပယ်ဖြတ်နိုင်၍ သံသရာဝဋ်မှ လွတ်ခွင့်ရနိုင်ကြလေသည်။

ပုထုဇဉ်လောကတစ်ခုလုံးကို သားမယားသံယောဇဉ်၊ ဆွေမျိုးသံယောဇဉ်၊ မိမိတို့ပိုင်ဆိုင်ထားသည့် လယ်ယာမိုးမြေ ရွှေငွေရတနာ သံယောဇဉ်၊ ရာထူး အလုပ်ကိုင် သံယောဇဉ် စသည်ဖြင့် ပြောမဆုံးပေါင် တောသုံးထောင် ဆိုသလို ကာမဂုဏ်ထောင် သံယောဇဉ်နှောင်ကြိုးများဖြင့် တင်းကြပ်စွာ တုတ်နှောင်ထားလေ၏။ သံဝေဂဥာဏ်ထက်သန်လာသဖြင့် ရုန်းထွက်မည်ကြံသော်လည်း ကာမဂုဏ်နှောင်ကြိုးတို့က အတင်းကြပ်တုတ်နှောင်ထားကြသဖြင့် သားသမီးကလေးငယ်များ၏ မျက်နှာရုပ်ပုံလွှာတို့က ရှေ့တဲ့တဲ့မှာ ကသိုဏ်းကွက်ကဲ့သို့ ဘွားဘွားကြီး ပေါ်ထွက်လာတတ်ပြန်၏။ ချစ်ဇနီးမယား မျက်နှာကလည်း ဘွားကနဲပေါ်လာပြန်၏။ နာမည်ကျော် ဇာတ်မင်းသားကြီး ရွှေမန်းတင်မောင် နှစ်ပါးသွားထဲကလို " တောထွက်မယ် ကြံပေမဲ့၊ ချောကညာလေးတွေက၊ သူတို့မျက်စိထဲ၊ ကွက်ခနဲကွက်ခနဲမြင်" ဆိုသကဲ့သို့ နက္ကတစ်ဖလင်ပြားပေါ်မှာ တစ်ရိပ်ရိပ်မြင်ယောင်လာကြကုန်၏။ ထို သံယောဇဉ်နှောင်ကြိုး သားမယား မျက်နှာတို့က "တစ်ကိုယ်ကောင်းကြံ ရုန်းမထွက်ပါနှင့်" ဟူ၍ မူမူရာရာ တီတီတာတာ မဆိုသော်လည်း ဆိုသကဲ့သို့ ဖြစ်ကုန်၏။ သို့ဖြစ်၍ ရုန်းထွက်ဖို့ နောက်ဆံတင်းလျှက် ရှိကြကုန်၏။ ထိုသို့သောအခါ သံယောဇဉ် နှောင်ကြိုးက ရုန်းထွက်တော့မည် ကြံသော သံဝေဂဥာဏ်ရှင် ပါရမီရှင်ဆရာကြီးများသည်ပင် ပြာရီးပြာရာနှင့် အံ့အားသင့်၍ မုဆိုးကျော့ကွင်းမိသော သားသမင်ကဲ့သို့ မရုန်းထွက်နိုင်ဘဲ ရှိတတ်ကြပါသည်။

ပုထုဇဉ်များအဖို့တော့ သံယောဇဉ်အာရုံ ကာမဂုဏ်နှောင်ကြိုးတို့သည် အမှတ်မဲ့ သာမည နေလျှင် မိမိကိုယ်၌ နှောင်ဖွဲ့ထားမှန်းတောင် ကောင်းကောင်း မသိသာစေကုန်။ ပါရမီဥာဏ်နုနယ်သေးသော သူလိုကိုယ်လိုလူများ မဆိုထားနှင့်ဦး၊ အန္တိမ ဘဝိက၊ ပစ္ဆိမဘဝိက- သံသရာနောက်ဆုံးဘဝ ပိုင်ဆိုင်ထားကြသည့် ဘုရားဖြစ်လတံ့သော အလောင်းတော် သိဒ္ဓတ္ထမင်းသားသည်ပင် သူအို သူနာ သူသေ ရဟန်းဟူသော နိမိတ်ကြီးလေးပါးမြင်၍ တောထွက်တော်မူမည့် ဆဲဆဲမှာပင် ချစ်ဇနီး ယသော်ဓရာ၏ မျက်နှာတော်နှင့် သားတော်ရာဟုလာ မျက်နှာကို ဘွားကနဲမြင်လာသဖြင့် နောက်ဆံတငင်ငင်ဖြစ်ပြီး အောင့်မနေနိင်ရှာဘဲ နောက်ဆုံးကြည့်ခြင်းဖြင့် ကိုယ်တော်တစ်ပါးတည်း ယသောဓရာ၏ တိုက်ခန်းအဆောင်တော်သို့ ကူးခဲ့ရပေသေးသည်။ အခန်းပေါက်ဝက နေပြီးလျှင် ယသော်ဓရာနှင့် သားတော်ရာဟုလာကို ရှု့တော်မူရာ ကြည့်ရုံမျှပင် အားမရနိုင်သေးသောကြောင့် သားတော်ရာဟုလာကိုပင် ယူငင်ထွေးဖက် နမ်းရှုပ်တော်မူမည်ဟု ကြံစည်တော်မူလေသေးသည် မဟုတ်ပါလား။ နောက်မှ အသိဥာဏ်ဖြင့် စိတ်ခလုတ်ကို ထိမ်းချုပ်တော်မူပြီးမှ ဆုတ်ခွာတော်မူခဲ့ရရှာလေ၏။ ထို့ကြောင့် ကျေးဇူးရှင်လယ်တီ ဆရာတော်ကြီးက "တစ်ကိုယ်ကောင်းတန်၊ တစောင်းနော် ကြံလိုက်ရ၊ နောက်ဆံထွေးယှက်၊ အရေးနှယ်ခက်ပါဘိ" ဟု ဆုံးမတော်မူခဲ့၏။ သို့သော်လည်း တကယ့်ပါရမီရှင်များသည် နောက်ဆုံးတော့ နောက်ဆံတင်းခြင်း မရှိပဲ လွတ်လွတ်ကြီးထွက်မြောက်သွားကြသည်များကို ဇာတ်နိပါတ်တော်များမှာ များစွာတွေ့နိုင်ပါသေးသည်။

လောကတွင် အင်အားအကြီးဆုံး ဆင်များသည် အရေးကြုံလာပါက သစ်ပင်တစ်ပင်လုံးကိုပင် အမြစ်မှ နှတ်ပစ်နိုင်လောက်အောင် အားအင်များရှိကြသော်လည်း သူတို့ကို ချည်နှောင်ထားသည့် နှောင်ကြိုးကိုတော့ ဖြတ်တောက်နိုင်ခြင်းမရှိကြခြေ။ ဆင်များ ယုံကြည်နေကြသည်မှာ ထိုနှောင်ကြိုးများက သူတို့ကို ချည်နှောင်ထားသည်ဟူသော အစွဲလမ်း သို့မဟုတ် ယုံကြည်ချက်ရှိနေသောကြောင့် သူတို့ ယင်းနှောင်ကြိုးတို့မှ ရုန်းထွက်ဖို့ မကြိုးစားကြခြင်းပင် ဖြစ်ပေသည်။ သို့သော် ပုထုဇဉ်လူသားတို့သည် မိမိတို့ကို သံယောဇဉ်နှောင်ကြိုးများဖြင့် အချည်ခံနေရသည် မှန်ပါ၏။ လူသားတို့က ဆင်များနှင့် တမူကွဲပြားခြားနားသည်ကတော့ ထိုနှောင်ကြိုးများကို ဖြေချင်လျှင် ဖြေနိုင်စွမ်းရှိ၏။ ရုန်းထွက်ချင်လျှင် ရုန်းထွက်နိုင်စွမ်း ရှိ၏။ အဘယ့်ကြောင့်ဆိုသော် လူသားတို့၏ အသိဥာဏ်သည် တိရစ္ဆာန်တို့ထက် မြင့်မားသောကြောင့်ပေတည်း။ ထိုအသိဥာဏ်ကပင် လူသားတို့နှင့် တိရစ္ဆာန်တို့ လုံးဝ ကွဲပြားခြားနားအောင် လုပ်လိုက်ခြင်းဖြစ်၏။ ပညာကဲမို့၊ ငါသို့သမူ၊ ပြုမူဆောင်တာ၊ အရာရာသည်၊ ဘယ်မှာ မပြီးရှိအဲ့နည်း ဆိုသကဲ့သို့ အဓိပတိပစ္စည်းတပ်သည့် အသိဥာဏ်ရှိပါက မည်မျှပင် ရုန်းထွက်ရန်ခက်ခဲစေကာမူ ရုန်းထွက်နိုင်ကြပေသည်။ အရာရာပြီးမြောက်အောင် ဆောင်ရွက်နိုင်ပါသည်။

လူသားတို့သည် တကယ်ပါရမီဥာဏ် ရင့်သန်လာပါက သံယေဇဉ်နှောင်ကြိုးတို့မှ ရုန်းထွက်နိုင်ကြမည်ဖြစ်၏။ ပါရမီဥာဏ် မရင့်သန်သေးလို့ပါ ဟု ဆင်ခြေဆင်လက်များပေးနိုင်သော်လည်း ပါရမီဆိုသည်မှာ ဖြည့်ကျင့်ယူမှ ပြည့်ဝနိုင်ပေ၏။ လက်တွေ့ဖြည့်ကျင့်မှုမရှိပါက အဘယ်မှာလျှင် ပါရမီဥာဏ် ရင့်သန်လာနိင်ပါအံ့နည်း။ ပါရမီဥာဏ်မရင့်သန်လျှင် အဘယ်မှာ သံယောဇဉ်နှောင်ကြိုးမှ ရုန်းထွက်နိုင်ပါမည်နည်း။ ထိုကဲ့သို့ သံယောဇဉ်နှောင်အိမ်မှ ရုန်းထွက်ရန် လူသားတိုင်းမှာ ပါရမီဥာဏ် အခြေအနေကောင်းများတော့ ရှိတတ်ကြပါသည်။ ထိုအခြေအနေကောင်းများ ရှင်သန်လာဖို့ မိမိတို့၏ စိတ်ခလုတ်ကို ဥာဏ်ဖြင့်ထိမ်းချုပ်ကာ မိမိတို့လိုအပ်သလို ပုံသွင်းပြုစုပျိုးထောင်ကြရပေမည်။

ဆံပင်ညှပ်သမားသည် အင်မတန်ရှုပ်ထွေးနေသည့် ဆံပင်များကို သို့မဟုတ် မလိုအပ်သည့် ဆံပင်များကို ဖြတ်ညှပ်ထုတ်ကာ မိမိလိုအပ်သည့် ဆံပင်ဒီဇိုင်း ပုံပန်းသဏ္ဍာန်ကို လှပတင့်တယ်အောင်ပြုလုပ်ဖန်တီးသကဲ့သို့ မိမိတို့သည် အရုပ်ဆိုးအကြည့်တန်လှသည့် သံယောဇဉ်အရှုပ်ထွေးများကို ဖြတ်ထုတ်နိုင်ဖို့ ရှေးဦးစွာ မိမိစိတ်ကို လှပအောင်ဖန်တီးရပေလိမ့်မည်။ စိတ်လှလာလျှင် တဖြေးဖြေး အသိဥာဏ်တိုးကာ သံယောဇဉ် ကာမဂုဏ်အာရုံတွေအပေါ်မှာ တပ်မက်မှုကင်းလာပေလိမ့်မည်။ လူသားတို့သည် ပါရမီဥာဏ်မရင့်သန်သေးသောအခါ ကာမဂုဏ်အာရုံအပေါ်၌ သာယာမှု အဿာဒတရားများဖြင့် မွေ့လျှော်တတ်ကြသော်လည်း တဖြည်းဖြည်း ပါရမီဥာဏ်ရင့်သန်လာတော့ ယင်းကာမဂုဏ်အာရုံ သံယောဇဉ် အနှောင်အဖွဲ့တို့၏ အပြစ် အာဒီနဝ ကိုမြင်လာတတ်ကြပါသည်။ သံယောဇဉ် ကာမဂုဏ်တို့၏ အပြစ်ကို မြင်လာတာနှင့်အမျှ ထိုအနှောင်အဖွဲ့ နှောင်ကြိုးတို့မှ လွတ်မြောက်မှု (နိဿရဏ) ကို ရရှိဖို့ ကြိုးစားကြသည်။ လွတ်မြောက်မှု ရတာနှင့်တပြိုင်နက် သစ္ဆိကရဏ ဟုခေါ်သည့် သံယောဇဉ်နှောင်ကြိုးတို့၏ စင်စစ်လွတ်မြောက်ရာ နိဗ္ဗူတာစခန်းကို မျက်မှောက်ပြုကြရပေသည်။

ယခုအခါ ဗုဒ္ဓသာသနာတော်မြတ်ကြီးနှင့် ကြုံကြိုက်နေကြသော သူတော်ကောင်းအပေါင်းတို့သည် သံယောဇဉ်နှောင်ကြိုးများမှ ရုန်းထွက်ရန် နည်းကောင်း လမ်းကောင်းများ ရှိပါသည်။ သာသနာဒုလ္လဘ ကြုံရသည့် အခါကောင်းကြီးကို လှလှကြီး ရရှိကြပေသည်။ ယခုလို ကာလကောင်း၊ခေတ်ကောင်း ဝိပဿနာလက်နက်ကောင်းများဖြင့် လှလှကြီးတွေ့ကြုံပိုင်ဆိုနိုင်ကြကုန်လျှက် နောက်ဆံတငင်ငင် အထွေးယှက်ယှက် သံယောဇဉ်ကွန်ယက်မှ ရုန်းထွက်နိုင်ဖို့ တရားသမ္ပဇဉ် အများယှဉ်၍ ဥာဏ်ဟုန်ရဲရဲ ဖြစ်နိုင်သလောက် အားခဲနိုင်ကြပါစေသတည်း။


မေတ္တာဖြင့်

မေ့သားလှ(ဇလဂ္ဂ)

၂၄-၀၂-၂၀၁၂

Tuesday, February 21, 2012

ဦးအိမ်ခင်´ သို့မဟုတ် မျိုးချစ် ရဟန္တာထေရ်အရှင်


ကိုယ်မတတ်နိုင်တဲ့ ကိစ္စတွေမှာ `တရားနဲ့ဖြေ။ တရားနဲ့ဖြေ´ လို့ သူများတွေကို ဖျောင်းဖျခဲ့သလို ကိုယ့်ဘာသာလည်း တရားလေးနဲ့ ဖြေနိုင်အောင် ကြိုးစားရပါတယ်။ အံ့သြစရာကြီးဗျာ။ တကယ်ပြေတယ်ဗျို့။ ဒါကြောင့်မို့လို့ ကိုယ့်လိုပဲ အမှောင်ထဲမှာ ချွတ်ခြုံကျနေတဲ့သူတွေကိုပါ တရားနဲ့ ဖြေနိုင်အောင် ဓမ္မလက်ဆောင်ပေးလိုက်ရပါတယ်။ ဒီတခါဟောမယ့် ဇာတ်တော်ကတော့ နိဂမ၀ါသီတိဿ မထေရ်ကြီးရဲ့ ဇာတ်ကြောင်းပါပဲ။ ကဲ .. တရားနာပရိသတ်ကြီးရေ။ အနန္တငါးပါး အရင် ကန်တော့လိုက်ကြပါဦး။

အဲဒီမထေရ်ကြီးရဲ့ ဘွဲ့မည်ဟာ `ကျေးရွာနိဂုံး၌သာ နေထိုင်သူ´ လို့ အဓိပ္ပါယ်ရပါသတဲ့။ မြတ်စွာဘုရားရှင် လက်ထက်တော်က တောကျောင်းမှာ သီတင်းသုံးနေတဲ့ တိဿမထေရ်ကြီးဟာ ရဟန်းဝါ ငါးဝါရကတည်းက ဘုရားရှင်ထံ ကမ္မဋ္ဌာန်းတရားများ တောင်းယူပြီးတော့ မိမိမွေးဖွားကြီးပြင်းရာ တောရွာကလေးကိုပြန်လို့ တရားအားထုတ်တော်မူသတဲ့။ သာဝတ္ထိပြည်မှာ အနာထပိဏ်သူဋ္ဌေးကြီး အလှူကြီးပေးတုန်းကလည်း မလာဘူး။ ၀ိသာခါကျောင်းအမကြီး အလှူကြီးပေးလည်း မကြွဘူး။ ကောသလမင်းကြီးကိုယ်တိုင် အလှူကြီးတွေ ပေးတာတောင် တစ်ခါမှ ကြွမလာပါဘူးတဲ့။ ဒါကြောင့်မို့လို့ သူ့ကို တောမှာပဲ နေတဲ့ဘုန်းကြီး `ဦးအိမ်ခင်´ ရယ်လို့ ငေါ့တော့တော့ နံမည်ပေးထားကြပါသတဲ့။

တကယ်တော့ မထေရ်ကြီးဟာ ရပ်ရွာသံယောဇဉ်ကြီးလွန်းလို့၊ မွေးရပ်ကမခွာနိုင်လို့ အိမ်သတိရပစ္စယော လုပ်ပြီး တောကမခွာ နေတာ မဟုတ်ပါဘူးတဲ့။ ရဟန္တာအလောင်းအလျာမို့ တွယ်တာမှုသံယောဇာဉ်ဆိုတာလည်း သူ့မှာ မရှိသလောက်ပါပဲတဲ့။ သူ့စိတ်ထဲမှာ စွဲမြဲခံယူနေတာ တစ်ခုတော့ ရှိပါသတဲ့။

`သဓမ္မော မိမိ၏မျိုးနွယ်၊ ရပ်ရွာ၊ ရိုးရာ၊ ယဉ်ကျေးမှုတို့သည၊် ပိဂုဏော ဂုဏ်မဲ့သည်ဟု ထင်ရစေကာမူ၊ သုနိဋ္ဌိတာ - အဆများစွာ ပို၍တိုးတက်သည်ဟု ထင်ရသော၊ ပရဓမ္မာ သူတပါးတို့၏ မျိုးနွယ်၊ ရပ်ရွာ၊ ရိုးရာ ယဉ်ကျေးမှုတို့ထက်၊ သေယျော မြတ်၏´ လို့ ဆိုပါသတဲ့။ `သေရော(သေယျော)ဟယ် သေရော(သေယျော) သေရော(သေယျော)´ လို့ပြောရင် `မြတ်လေစွ မြတ်လေစွ မြတ်လေစွ´ လို့ အနက်ပြန်ရမယ်နော်။ စောစောက စကားကိုတော့ မန္တလေးသားတွေက ၀မ်းသာအယ်လဲ ထောက်ခံကြပါလိမ့်မယ်။ ရဟန္တာဖြစ်ခါနီးတာတောင် ဒေသစွဲက မကင်းသေးပဲကိုးလို့ အထင်လွဲကုန်ရင် ငရဲကြီးကုန်မှာစိုးလို့ ဆက်ရှင်းပြပါရစေဦး။

မထေရ်ကြီးရဲ့သဘောထားက သည်လိုပါတဲ့။ သူဟာ ဤဒေသ ဤနိဂုံး ဤမိဘမျိုးနွယ်၌ လူဖြစ်လာရခြင်းမို့ အဲဒီဒေသ အဲဒီနိဂုံးက မိဘဆွေမျိုးတွေကို ကျေးဇူးတုန့်ပြန်ရပါမယ် တဲ့။ မိမိအကျိုးစီးပွားအတွက် အဲဒါတွေကို ပစ်ပယ်ပြီး သာသည့်မြေသို့ ကြွသွားခဲ့ရင် ကျေးဇူးကန်းရာရောက်တယ် လို့ မြင်ပါသတဲ့။ ဘယ်လိုကျေးဇူးဆပ်သလဲဆိုတော့ အရပ်တပါးမသွားပဲ အဲဒီရပ်ရွာမှာတင် ရဟန်းကိစ္စပြီးမြောက်အောင် တရားအားထုတ်လို့ နေပါသတဲ့။ ဒီမှာလည်း ရပ်ရွာကျေးဇူးဆပ်ပေးဖို့ဆိုပြီး `ဆေးရုံဆောက်ပေးပါ။ လမ်းခင်းပေးပါ။ ကျောင်းဆောက်ပေးပါ။´ လို့ ဟိုလူ့ပူဆာ ဒီလူ့ပူဆာ မလုပ်ဘူးနော်။ ဘုန်းကြီးပီပီ ဘုန်းကြီးကိစ္စကိုသာ လုပ်ပြီး ကျေးဇူးဆပ်တာ အင်မတန် အတုယူစရာကောင်းပါတယ်။ (ဘုန်းကြီးစာချတယ်လို့ ကလော်တုပ်ခံရတော့မှာပဲ)

ဒီနေရာမှာ နည်းနည်းလောက်တော့ နားထောင်ကြည့်ပါ ဟစ်ဟော့ပ်သီချင်းလို့ အလေးအနက်ထားပြောချင်တာကတော့ အရင်တခေါက်ကပြောခဲ့သလို မထေရ်ကြီးရဲ့ ရဟန်းအလုပ်၊ အသက်မွေးမှု၊ ၀မ်းရေးနဲ့ ပတ်သက်တဲ့ ခံယူချက်သဘောထားပဲ ဖြစ်ပါတယ်။ အောင်မယ်လေး။ လိုရင်းရောက်အောင် မနည်းရုန်းယူရတယ်။ နို့မို့ ဗုဒ္ဓစာပန်းချီတွေ ရေးမလို့လားလို့ အငေါ့ခံရဦးမယ်။ လူတွေဟာ အလုပ်လုပ်ကြတဲ့အခါ၊ အသက်မွေးမှုပြုတဲ့အခါ၊ ၀မ်းစာရှာတဲ့အခါ ဆက်စပ်လာတဲ့ အကျိုးတရားသုံးပါးရှိပါတယ်တဲ့။ လာဘလို့ခေါ်တဲ့ ငွေကြေးဥစ္စာရယ်၊ သက္ကာရလို့ခေါ်တဲ့ အများကအသိအမှတ်ပြုရိုသေလေးစားမှုရယ်၊ သိလောကလို့ခေါ်တဲ့ ထင်ရှားကျော်ဇောမှုရယ်ပါတဲ့။

လောကမှာ လူရယ်လို့ဖြစ်လာရင် သူသူကိုယ်ကိုယ် ပစ္စည်းဥစ္စာနဲ့ ပြည့်စုံချင်ကြတဲ့သူချည့်ပါပဲတဲ့။ အဲသလိုပြည့်စုံဖို့ တောင့်တရုံတင်မဟုတ်ဘူး။ အားထုတ်ကြိုးစားကြတာလည်း ဓမ္မတာပါပဲတဲ့။ သို့သော်ငြားလည်း အဲသလို ကြိုးစားအားထုတ်ရာမှာ တရားသဖြင့်ရအောင် အားထုတ်တာမဟုတ်ပဲ အတင်းအဓမ္မကြိုးစားအားထုတ်လာခဲ့ရင်တော့ အဲဒါ သမ္မာအာဇီဝ မမည်တော့ပါဘူးတဲ့။ တချို့ကတော့ ငွေကြေးထက် ရာထူးဋ္ဌာနန္တရကို အရေးစိုက်အားထုတ်ပါသတဲ့။ ဒီနေရာမှာလည်း တရားသဖြင့်ကြိုးစားတာနဲ့ အတင်းအဓမ္မကြိုးစားတာ နှစ်မျိုးကွဲပြန်တာပဲ။ မရသေးသော စည်းစိမ်ဥစ္စာတွေ ရအောင် ကြိုးစားတာတင် ဘယ်ကပါ့မလဲ။ ရပြီးသောစည်းစိမ်ဥစ္စာတွေ သူများလက်ထဲ လွှဲပေးရမှာစိုးလို့ ဘယ်လောက်ပင်ပန်းကြီးစွာနဲ့ မင်းတို့ပရိယာယ် ရွှေဥာဏ်ခြယ်လုပ်နေကြရသလဲဆိုတာလည်း သဘောပေါက်တယ်နော်။ သံဝေဂယူကြ။ တချို့ကျတော့ ငွေကြေးလည်း မမက်ပါဘူး။ ရာထူးလည်း မမက်ပါဘူး။ ဒါပေမယ့် နံမယ်လေးတော့ ကြီးချင်သေးတာတဲ့။ သူများမြှောက်ပေးတိုင်း ပေါက်ကရတွေ ရေးရေးနေတဲ့ ဆရာဝန်ကလေးတစ်ယောက်လိုပေါ့။ ဟိုလူကသိ၊ ဒီလူကသိဆို သူ့မှာ သွားကြီးကိုဖြီးလို့၊ သောက်ညင်ကပ်တဲ့သူတွေ ဘယ်လောက်ပေါသလဲဆိုတာကျတော့ မသိချင်ယောင်ဆောင်နေတာ။ အဲဒီထင်ပေါ်ကျော်ကြားမှုအတွက် အတင်းအဓမ္မလုံ့လစိုက်ပြီး ကြော်ငြာလိုက်ဝင်နေပြန်ရင်လည်း အဲဒါ မဟုတ်သေးပါဘူးတဲ့ဗျား။

တကယ်လို့များ အဲဒီအကျိုးတရားသုံးပါးဟာ တရားသဖြင့်ရလာတာမဟုတ်ပဲ ကာယဒုစရိုက် ၀စီဒုစရိုက် မနောဒုစရိုက်တွေနဲ့ရလာခဲ့တယ်ဆိုရင် လောကချမ်းသာကိုရတယ်လို့ ကိုယ့်ဘာသာထင်ဦးတော့ အဲဒီချမ်းသာထဲမှာ ကိုယ့်ကို ဖြိုဖျက်မယ့် သောက၊ ပရိဒေ၀၊ ဒုက္ခ၊ ဒေါမနဿတို့ အစဉ်တွဲလျက်ပါလာပါသတဲ့။ ဒါကြောင့်မို့လို့ စစ်မှန်သော အကျိုးစီးပွားကို လိုလားသူတိုင်းဟာ အဲဒီအကျိုးသုံးပါးအပေါ် အယုတ်အလွန်မရှိ၊ မျှတရုံနဲ့ ကျေနပ်ရပါသတဲ့။ ဘယ်လောက်များ ကောင်းလိုက်တဲ့ အယူအဆ အဆုံးအမတရားတော်ပါလိမ့်ဗျာ။ ဒါကြောင့်မို့ တရားနဲ့ဖြေတာ ကောင်းတယ်လို့ပြောတာ။ အဲဒီမထေရ်ကြီးကတော့ လာဘ၊ သက္ကာရ၊ သိလောကဆိုတဲ့ တရားသုံးပါးစလုံးအပေါ် မျှတရုံနဲ့ ကျေနပ်နိုင်လို့ မွေးရပ်ဇာတိက မခွာပဲ တုန့်ပြန်ကျေးဖူးပြုနိုင်အောင် ရဟန်းတရားများ အားထုတ်နေခဲ့ခြင်းပါတဲ့။

ကဲ.. ဇာတ်တော်ပေါင်းကြပါစို့။ နိဂမ၀ါသီတိဿမထေရ်ကြီးကို ဦးအိမ်ခင်ကြီးရယ်လို့ စကားတင်းဆိုကြတဲ့ သံဃာအပေါင်းတို့ကို ဘုရားရှင်က သုဝကျေးမင်းဇာတ်ကို ဟောတော်မူပါသတဲ့။ မွေးဖွားကြီးပြင်းရာ ရေသဖန်းပင်ကြီးပေါ်မှာ သဖန်းသီးများကုန်တော့ သဖန်းညွန့်၊ သဖန်းညွန့်ကုန်တော့ သဖန်းရွက် သဖန်းခေါက်တို့ကို မှီဝဲနေထိုင်တဲ့ အလောင်းတော်ကျေးမင်းကို အရှင် အာနန္ဒာအလောင်း သိကြားမင်းက ဟင်္သာအသွင်ဖန်ဆင်းပြီး `အသင်ကျေးမင်း ဤလောက၌ စိမ်းစိုသော အရွက်ရှိသည့် အပင်များစွာရှိပါလျက် ရေသဖန်းငုတ်တို၌ အဘယ်ကြောင့် ပျော်မွေ့ရပါသနည်း´ လို့ မေးသတဲ့။ ဒီအခါ ကျေးမင်းက`ဤသဖန်းပင်ကြီး စည်ပင်ဝေဖြာကြီးမားသောအခါ၌ ငါတို့သည် ပျော်ရွှင်မြူးတူးစွာ စားသောက်ခဲ့ကြကုန်၏။ ယခုမူ ငါတို့ကြောင့်ပင် သီးကင်းခြောက်သွေ့ရချေပြီ။ ထိုအခါမှ ရေသဖန်းပင်ကို စွန့်ပစ်သွားမည်ဆိုပါက ရေသဖန်းပင်အပေါ်၌ ကျေးဇူးကန်းရာ ရောက်ပေလိမ့်မည်။ ထို့ကြောင့် ငါ့အတွက် အာဟာရတို့ကို မျှတအောင် ရရှိသုံးဆောင်နိုင်သမျှ ကာလပတ်လုံး ဤသဖန်းပင်ကို စွန့်မည်မဟုတ်။´ လို့ ဖြေပါသတဲ့။ တရားတော်အဆုံးမှာတော့ မထေရ်ကြီးလည်း ရဟန္တာဖြစ်သွားပါတော့တယ်။

လက်စသတ်တော့ စင်ရော်မောင်မောင်နဲ့ ပေါ်လစီကားလာရိုက်နေတာကိုး လို့ သဘောပေါက်ကုန်ကြပြီ။ ဟုတ်သားပဲ။ ကိုစိုးသူတောင် လေဆိပ်က ဆိုင်းဘုတ်ကြီးမြင်တာနဲ့ ဆူဇီနိုက်ကြီးကို ပစ်ပြီး လှည့်ပြန်လာသေးတာပဲ။ (အပြင်မှာ တကယ်ထွက်သွားတော့ အဲဒီဆိုင်းဘုတ်ကြီး ဘယ်ရောက်နေပါလိမ့်) တတိယနှစ်တုန်းက ဆရာကြီးဦးသန်းအေး ပြောဖူးတဲ့ စကားတစ်ခွန်းကို ခုထိမှတ်မိနေပါသေးတယ်။ `တဆိတ်ရှိ brain drain, brain drain နဲ့။ What about undrained brain? တဲ့။ အလို့ နလို့ အစွမ်းအစမရှိလို့ သတ္တိမရှိလို့ လို့များ ထင်နေသလားမသိပါဘူးနော်။ ပြောမနာဆိုမနာ သူငယ်ချင်းတွေက `အဲဒီကောင် သောက်ရူးမို့လို့ အဲဒီမှာ ဒုက္ခခံနေတာ´လို့ အားပေးလာရင် ´ကျွန်တော် သောက်ရူး မဟုတ်ပါဘူးခင်ဗျာ။ သောက်ကောင်းပါ။ သောက်ကောင်းပါ။´ လို့ ပြောပြလိုက်ချင်ပါတယ်။ နောက်တစ်ဘွဲ့ရဖို့ ဘုန်းကြီးဝတ်မယ်ဆိုရင်တော့ နီးစပ်နေပြီလား မပြောတတ်ပါဘူး။

မှတ်ချက်။ Facebook မိတ်ဆွေတစ်ဦးဖြစ်တဲ့ မန္တလေးသား တစ်ယောက်ရဲ့ Facebook မှ ပြန်လည်မျှဝေအပ်ပါသည်။

ကျန်းမာပါစေ။

မေတ္တာဖြင့်

မေ့သားလှ(ဇလဂ္ဂ)

Monday, February 20, 2012

အိမ်အပြန်ခရီးလမ်း


တနေ၀င် တနေထွက်
နေ့ရက်တွေဇယ်ဆက်သလို
ကြွေပျက်ကာသွားတဲ့လူ့ဘ၀
ခဏတာ ရောက်လာကြပေမဲ့
ကြောက်စရာဘ၀လို့ မမြင်ကြ
ရောက်ရာအရပ်မှာ သောင်တင်ပြီး
ဘောင်ဘင်ခတ်နေကြတယ်။

နေ့ရက်တွေများလွန်းလို့
သေရက်ကို မေ့နေသလား
မစဉ်းစားမိ မတွေးတောမိ
အတွေးရေယာဉ်ကြောမှာ
မှိန်းမောနေကြတယ်၊

နေသည် ၀င်ဖို့ ဒုန်းဆိုင်းသလို
လူသည်သေဖို့ ဒုန်းဆိုင်းနေပါတယ်၊

အချိန်နဲ့ လူ့ဘ၀ဟာ
တုမရအောင် ချိန်စက်
သေဖက်မှာ အားရက်မရှိ
နားရက်မရှိ တအိအိပြေးလွှား
တရွေ့ရွေ့ပြေးကစားနေလေရဲ့။

လူသားတွေမှာတော့
အားရက်ရှိ နားရက်ရှိ
အိပ်ရက်ရှိကြတယ်။

အချိန်တစိတ်ကို
တအိတ်လောက်ထင်ပြီး
မဆင်ခြင် မော်ဖူး
ပျော်မြူးနေကြတယ်။

အချိန်တန် အိမ်ပြန်တဲ့အခါ
ဘာတွေပါလာကြမလဲ
ဘာဆိုဘာမှ မယ်မယ်ရရ
ပါမလာကြ ရစရာလည်းမရှိ
အသိခေါက်ခက် အ၀င်နက်နေတာမို့
ပြင်သင့်ပါရက်နဲ့ မပြင်ဆင်နိုင်
ဘုံပိုင်ပစ္စည်းတွေကို
ကိုယ်ပိုင်ပစ္စည်းတွေအဖြစ်နဲ့
နှစ်နှစ်ကာကာ ချစ်တွယ်တာနေလေတော့
အနှစ်မပါဘဲ လောဘမီး သောကမီး
ဇရာမီးတွေ တညီးညီးလောင်
ရှိတာတွေလဖြေးဖြေးပြောင်ပြီး
ဘ ၀ အမှောင်တိုက်ထဲ
မှောက်ကာ ဆိုက်မြဲမို့
ကြောက်စရာ အမိုက်မဲဘ၀
ရောက်ရပါလေရော။

ဘ၀လမ်းအသွယ်သွယ်မှာ
လျှောက်လှမ်းဖွယ် မလွယ်ပါသဗျို့
အမှောင်အလယ် ယောင်လည်လည်နဲ့
ရှောင်ဖယ်မရ ထိန်းမရလို့
ဇာတ်သိမ်းမလှမှာ သေချာပါပေတယ်။

ပညာစခန်း နိဗ္ဗာန်လမ်းကို
မြော်မှန်းခိုဝင် မဂ္ဂင်ယာဉ်ဖြင့်
အလျင်ခိုမှီး ကိုယ်တိုင်စီးပြီး
အပြန်ခရီး လှစေသတည်း။

တက္ကသိုလ်ဘုန်းကြွယ်။
ဖေဖေါ်ဝါရီ ၈ ၂၀၁၂