" စိတ်ကူးတို့၏ ကွန့်မြူးရာ အနုပညာတို့ရဲ့ ပေါင်းစည်းရာ မိမိဖန်တီးထားတဲ့ ဒီဘလော့ရပ်ဝန်းလေးမှ မိတ်ဆွေအား နွေးထွေးစွာ ကြိုဆိုပါသည်...။

Friday, October 26, 2012

အပြန်လမ်းမှာ ဖြောင့်တန်းပါစေ



နိဓိကဏ္ဍသုတ်လေးကို Oct, 20 နှင့် 21 ရက် ၂၀၁၂၊ နံနက် ဂ နာရီမှ ၉ နာရီ အချိန်၊ စနေ တနင်္ဂနွေနေ့က  ရန်ကုန်သီတဂူ ဗုဒ္ဓတက္ကသိုလ် လူပုဂ္ဂိုလ် သင်တန်းသူ သင်တန်းသားတို့အား ဗဟုသုတအဖြစ် မိမိနားလည်သမျှလောက် သင်ပေးခဲ့၏။ ထိုအကြောင်းအရာလေးများကို မှတ်တမ်းသဖွယ် ပြန်လည် ရေးသားခြင်း ဖြစ်ပါ၏။ သင်တန်းသူ သင်တန်းသားတို့အား ပါမောက္ခချုပ်ဆရာတော်ကြီး ဒေါက်တာနန္ဒမာလာဘိဝံသ၏ သက်တော် (၇၀) ပြည့်နှစ် မွေးနေ့အမှတ်တရအဖြစ် ၁၃၇၁ ခုနှစ်က ဟောကြားထားသည့် တရားတော်ကို ဓမ္မဒါနကုသိုလ်အဖြစ် ထုတ်ဝေထားသည့် " ရင်းနှီးမြှပ်နှံခြင်း" ဟူသည့် စာအုပ်ငယ်လေးကို စာရေးသူကိုယ်တိုင် တတ်စွမ်းသမျှ အင်္ဂလိပ်လို ဘာသာပြန်ထားတာရှိကြောင်း၊ နိဓိကဏ္ဍသုတ်တော်ကို မြန်မာပြည်ရှိ ဓမ္မကထိက ဆရာတော်အားလုံးနီးပါး ဟောထားတာ ရှိနိုင်သောကြောင့် အတန်းသူအတန်းသား အများစုလည်း ကြားနာမှတ်သားဖူးကြမည် ဖြစ်ကြောင်း ပြောဖြစ်ပါ၏။ မည်သို့ပင်ဆိုစေ စာရေးသူ၏ အမှတ်တရ မှတ်တမ်းအဖြစ် ပြန်လည်ရေးသားခြင်းပင် ဖြစ်ပါ၏။

၁။ နိဓိံ နိဓေတိ ပုရိသော၊ ဂမ္ဗီရေ သြဒကန္တိကေ ။
အတ္ထေ ကိစ္စေ သမုပ္ပန္နေ၊ အတ္ထာယ မေ ဘဝိဿတိ ။
မြတ်ဗုဒ္ဓခေတ်ကလည်း ယနေ့ခေတ်လိုပင် ရင်းနှီးမြှုပ်နှံမှု ပြုလုပ်တာကို တွေ့နိုင်၏။ ထိုခေတ်က ရှေးလူတို့သည် လုံခြုံစိတ်ချရသည်ထင်၍ သူနည်းသူ့ဟန်ဖြင့် မိမိတို့ပိုင်ဆိုင်ထားသည့် ရွှေငွေရတနာ အဖိုးတန်ပစ္စည်းများကို ရေထွက်လုနီးပါ အလွန်တရာ နက်လှသည့်တွင်းများကို တူးကာ ယင်းတွင်းကြီးတွေများထဲ၌ အိုးများဖြင့် မြှုပ်နှံသည့်အလေ့ထ ပြုလုပ်ကြ၏။ " သိန်းသန်း ကုဋေစု၊ တိုးပွားမှု၊ အရင်းနှီးတစ်ခုက စခဲ့တယ်" ဆိုသကဲ့သို့ လောကလူသားတို့သည် အရင်းအနှီးတစ်ခုကို အခြေခံ၍ သန်းသန်းကုဋေ ကြွယ်ဝချမ်းသာရန် ရှာဖွေစုဆောင်းကြရ၏။ စီးပွားဥစ္စာရှာဖွေကာ ကြွယ်ဝချမ်းသာလာသည့် ရွှေငွေရနာတို့ကို ဆောင်ရွက်ဖွယ် တစ်စုံတရာ ဖြစ်ပေါ်လာလျှင် အဆင်သင့် အသုံးပြုနိုင်ရန် ရည်ရွယ်ချက်ဖြင့် ယင်းကဲ့သို့ ရေထွက်လုနီးပါး တွင်းကြီးတွေတူးကာ ရှေးခေတ်လူသားတို့ သိုမှီးသိမ်းဆည်းထားကြ၏။

 ထိုခေတ်ထိုအခါက ထိုကဲ့သို့ မြှပ်နှံသိမ်းဆည်းခြင်းကို လုံခြုံစိတ်ချရတယ်ဟု ယူဆကာ မြှပ်နှံသိမ်းဆည်းကြသော်လည်း ယနေ့ခေတ်မှာတော့ မြေကြီးထဲ မြှပ်နှံသိမ်းဆည်းမျိုး အလွန်ပင် ရှားပါးမည် ဖြစ်ပါ၏။ ခေတ်လူတို့သည် ဘဏ်စနစ်တွင်ကျယ် ခေတ်စားလာတာနဲ့အမျှ ပိုင်ဆိုင်သည့် ငွေကြေးများကို ယင်းဘဏ်တွေမှာ အပ်နှံကြပေ၏။ ချမ်းသာသူများကလည်း ကုမ္ပဏီများတည်ထောင်ကာ မိမိတို့ အရင်းအနှီးများကို တိုးပွားအောင် မြှပ်နှံကြ၏။ အရင်းအနှီး ရှယ်ရာထည့်ဝင်ကာ မိမိတို့ စွမ်းနိုင်သလို တိုးတက်ကြီးပွားအောင် လုပ်ဆောင်ကြ၏။ ခေတ်ကာလအလိုက် ရင်းနှီးမြှုပ်နှံပုံ စနစ်ကွဲပြားသော်လည်း ရှေးခေတ်နှင့် ယနေ့ခေတ်လူသားတို့ ရင်းနှီးမြှပ်နှံကြခြင်း ရည်ရွယ်ချက်ကတော့ တူကြသည်ဟု ဆိုနိုင်ပါသည်။ အကြောင်းတစ်စုံတရာ ပေါ်ပေါက်လာပါက အဆင်သင့် ဖြေရှင်းနိုင်ဖို့ ရည်ရွယ်ချက်များလည်း ရှိနိုင်ပါ၏။

အကြောင်းတစုံတရာဆိုသည်မှာ " ရာဇတော ဝါ ဒုရုတ္တဿ " မိမိတို့ကိုယ်တိုင်က ရာဇဝတ်ပြစ်ဒဏ်သင့်၍ဖြစ်စေ၊ မင်းဆိုးမင်းညစ်တွေက တမင်သက်သက် နှိပ်စက် ဒဏ်ခတ်လို့ ဖြစ်စေ အန္တရာယက်ကျရောက်လာသည့်အခါ အဆင်သင့် မြှပ်နှံထားသည့် ရွှေငွေရတနာများကို အသုံးပြုပြီး ပြစ်ဒဏ်မှ လွတ်မြောက်ရန် ကြိုးစားအားထုတ်ဖို့ဟူသော ရည်ရွယ်ချက်လည်း ပါဝင်၏။ " စောရတော ပီဠိတဿ ဝါ " သူခိုး ဓားပြများက နိုင်ထက်ကလူ လုယူနှိပ်စက်ကြလျှင် မိမိတို့ ပစ္စည်းများကုန်သွားနိုင်၏။ ထိုအခါမျိုး ကြုံလာရလျှင် မိမိတို့ မြှပ်နှံထားသည့် ပစ္စည်းကို အစားထိုးလည်ပတ် အသုံးပြုကြရ၏။ တစ်ခါတရံ လူသားတို့သည် စီးပွားရေးလုပ်ရာ၌ အကြွေးနှင့်မကင်းတတ်ကြပါ။ လုပ်ငန်းကိစ္စမအောင်မြင်လျှင် အကြွေးပတ်ခြာလည် တတ်ပါ၏။ ထိုကဲ့သို့သော အခြေအနေမျိုးနှင့် ရင်ဆိုင်လာရလျှင် အကြွေးများပေးနိုင်စေရန် မြှပ်နှံထားတတ်ကြ၏။

ရာသီဥတုသည်လည်း အစိုးမရ၊ တစ်ခါတရံ မိုးခေါင်ရေရှား ဒုဗ္ဘိက္ခ သဘာဝတရားများနှင့်လည်း လူသားတို့ ရင်ဆိုင်ရတတ်၏။ အစာရေစာ ရှားပါးကာ စီးပွားရေးလုပ်ငန်းများလည်း ထိခိုက်လာနိုင်၏။ ထိုအခါမျိုးမှာ အဆင်သင့် ဖြေရှင်းနိုင်ဖို့ မြှပ်နှံထားတတ်ကြ၏ ။မိမိတို့ မျှော်လင့်မထားသည့် အခြား ရေမီးစသော ဘေးရန်အမျိုးမျိုးလည်း ကျရောက် လာနိုင်၏။ ယင်းသို့ ဖြစ်လာလျှင် မြှုပ်နှံသိမ်းဆည်း စုဆောင်းထားသည့် ရတနာပစ္စည်းများကို အသုံးပြုပြီး မိမိအန္တရာယ် ကာကွယ်နိုင်ဖို့၊ မိမိ၏ ချမ်းသာမှုကို ဆောင်ရွက်နိုင်ဖို့ ဟူသော ရည်ရွယ်ချက်ဖြင့် ရတနာရွှေငွေများ သိမ်းထား မြှုပ်နှံလေ့ ရှိကြ၏ ။

 မြတ်ဗုဒ္ဓကလည်း သိင်္ဂါလောဝါဒသုတ်တွင် စတုဓာ ဝိဘဇေ ဘာဂေ၊ ပဏ္ဍိတော ဃရမာဝသံ၊ ဧကေန ဘောဂေ ဘုဇ္ဇေယျ ဒွီဟိ ကမ္မံ ပယောဇယေ။ စတုတ္ထဉ္စ နိဓာပေယျ၊ အာပဒါသု ဘဝိဿတိ၊ (မိမိမှာ ရှိသည့် ပစ္စည်းဥစ္စာကို လေးပုံ ပုံ၊ တစ်ပုံကို စားသုံး၊ နှစ်ပုံကို စီးပွားရေး ကြီးပွားရေး လုပ်၊ ကျန်စတုတ္ထမြောက်တစ်ပုံကို အရေးပေါ် ဘေးအန္တရာယ်ကျရောက်လာပါက သုံးစွဲဖို့ ဖြစ်၏) ဟု ဟောတော်မူခဲ့၏။ ထိုကဲ့သို့ ပြုလုပ်သင့်ပုံကို မြတ်ဗုဒ္ဓက လောကလူသားတို့အတွက် စီးပွားရေး ကြီးပွားရေး နေနည်းထိုင်နည်း လမ်းညွှန်အဖြစ် ဟောတော်မူခြင်း ဖြစ်၏။ မြတ်ဗုဒ္ဓ၏ လမ်းညွှန်ချက်အတိုင်း လိုက်နာနိုင်လျှင် မိမိပိုင်ဆိုင်သည့် ပစ္စည်းဥစ္စာ ရတနာများအာလုံးကို လှူဒါန်းစရာလည်း မလို၊ မိမိ၏ စားဝတ်နေရေးလည်း အဆင်ပြေကာ ဘေးအန္တရာယ် စီးပွားရေးကပ်ဆိုက်လာလျှင်  အရေးပေါ် သုံးစွဲဖို့ လိုအပ်ပါ၏။ ရှေးခေတ်က လူသားတို့သည်လည်း ရတနာပစ္စည်းများကို ယင်းကဲ့သို့သော ရည်ရွယ်ချက်ဖြင့် မြေကြီးထဲမှာ မြှုပ်နှံသိမ်းဆည်းလေ့ရှိကြ၏။

ထိုကဲ့သို့ ရေထွက်လုနီးပါး တွင်းကြီးတွေထဲမှာ မြှုပ်နှံသိမ်းဆည်းကြသော်လည်း လုံခြုံစိတ်ချရသည့် သိမ်းဆည်းမှုတော့ မဟုတ်ပေ။ ဘူမိဗေဒသဘောအရ မြေကြီးသည် မြေငလျင်လှုပ်ခြင်း စသည်တို့ကြောင့် ရွေ့လျားနိုင်၏။ ထို့ပြင် မြှုပ်နှံထားသည့်အချိန်တုန်းက အမှတ်အသားများလည်း တစ်ခါတစ်ရံ မေ့သွားပြီး အမှတ်သညာ မှားတတ်၏။ ထို့ပြင် လူသားတို့ မမြင်နိုင်သည့် ရေထွက်လုမတတ် တွင်းကြီးတွေထဲ၌ တန်ခိုးကြီးမား နတ်နဂါး နတ်ဘီဘူး များရှိနိုင်၏။ ထို နဂါး ဘီလူးများက မြှုပ်ထားသည့် ပစ္စည်းဥစ္စာရတနာများကို ယူသွားနိုင်သောကြောင့် ယင်းကဲ့သို့ မြှုပ်ထားခြင်းသည်လည်း လုံးဝ သေချာသည့် မြှုပ်နှံမှုတော့ မဟုတ်ပေ။

တစ်ခါတစ်ရံ မိမိမြှုပ်ထားသည်ကို သိကြသည့်သူများ၊ မိမိ၏ လူယုံတော်များဟု ထင်ရသော်လည်း တကယ်တန်းကြတော့ မိမိကို သစ္စာဖောက်ကာ မိမိကိုယ် နှစ်သက်သဘောမကျနိုင်သူများက သိမ်းဆည်းထားသည့် ပစ္စည်းများကို ထုတ်ယူသုံးပစ်တတ်ကြ၏။ ယခုခေတ်ဆိုလျှင် လိမ်ညာနည်းအမျိုးမျိုးဖြင့် ထုတ်ယူနိုင်ကြ၏။ ယင်းကဲ့သို့ ဖြစ်လာလျှင် ပစ္စည်းဥစ္စာများ ဆုံးရှုံးသွားနိုင်၏။

နောက်ဆုံး အဆိုးဆုံးကတော့ " ဥစ္စာ ကံပေး မရသေး၊ နှောင့်နှေး ဗျာပါ မရှိရာ" ဆိုသကဲ့သို့ စိတ်ချသည်ဟု ထင်ကာ မည်သို့ပင် သိမ်းဆည်း မြှုပ်နှံထားစေကာမူ ပစ္စည်းတို့ပစ္စည်းမည်သည် မိမိနှင့် ထိုက်မှရ၏။ ကံပေးမှ ရ၏။ မိမိ၏ ကုသိုလ်ကံကုန်သွားလျှင် အကုန်လုံး ပျောက်ဆုံးသွားနိုင်၏။ ထို့ကြောင့် ရှေးခေတ်က မြေကြီးထဲမှာ မြှုပ်နှံသိမ်းဆည်းမှု၊ ယနေ့ခေတ်စနစ်အရ ဘဏ်များတွင် ရင်းနှီးမြှုပ်နှံမှုများသည် လုံးဝ စိတ်ချရသည်ဟု မဆိုနိုင်ပေ။ ယင်းအချက်များကို မြတ်ဗုဒ္ဓက နိဓိကဏ္ဍသုတ်တွင် ဟောတော်မူထား၏။

ယင်းသုတ်၌ပင် မြတ်ဗုဒ္ဓက သေချာသည့် ရင်းနှီးမြှပ်နှံမှုကို ညွှန်ပြထားတော်မူ၏။ လိမ္မာပါးနပ် အသိပညာရှိသည့် အမျိုးကောင်းသား အမျိုးကောင်းသမီးသည် အလှူဒါနပြုခြင်း၊ သီလဆောက်တည်ခြင်း၊ ကိုယ်နှတ် နှလုံးစောင့်စည်းခြင်း၊ ဣနြေ္ဒတို့ကို ဆုံးမခြင်းဖြင့် ကုသိုလ်တည်းဟူသော ရွှေအိုးကို စနစ်တကျ ကောင်းမွန်စွာ မြှုပ်ထားနိုင်ကြောင်း မြတ်ဗုဒ္ဓက သံသရာအပြန်လမ်း ဖြောင့်တန်းဖို့ရန် လမ်းပြတော်မူ၏။

မြတ်ဗုဒ္ဓက အထူးသဖြင့် ဒါနဖြင့် ရွှေအိုးမြှပ်နှံသင့်သည့် နေရာဌာနကို ညွှန်ပြတော်မူ၏။ (၁) မြတ်ဗုဒ္ဓ၏ မွေတော်ဓာတ်တော်တို့ကို ထည့်သွင်းပူဇော်ထားရာ စေတီပုထိုး သို့မဟုတ် ဓာတုစေတီ၊ ဓမ္မစေတီ၊ ဥဒ္ဒိဿစေတီနှင့် ပရိဘောဂစေတီတွေ တို့၌လည်း ဒါနပြုသောအားဖြင့် မြှုပ်နှံနိုင်၏။ (၂) သံဃာတော်တို့၏ ဂုဏ်တော်တွေကို အာရုံပြု၍ သံဃာတော်အရှင်မြတ်တို့အား လှူဒါန်းခြင်းဖြင့် မြှုပ်နှံနိုင်ပါ၏။ (၃) မိမိကြည်ညိုလေးစားရာ ပုဂ္ဂိုလ်တစ်ဦးတယောက်အား လှူဒါန်းခြင်းဖြင့် မြှုပ်နှံနိုင်၏။ (၄) မိမိအိမ်သို့ ရောက်လာသည့် အထူးဧည့်သည်တော်၊ သို့ မဟုတ် ဖိတ်မန္တကပြုထားသဖြင့် လာရောက်ကြသော ဧည့်သည်တို့အားလည်း ဧည့်ဝတ်ကျေပွန်စွာပြုခြင်း၊ တည်ခင်းဧည့်ခံ ကျွေးမွေးလှူဒါန်းခြင်းဖြင့်လည်း မြှုပ်နှံနိုင်၏။ (၅) မိမိ၏ ကျေးဇူးရှင် မိဘနှစ်ပါးကို လုပ်ကျွေးပြုစုစောင့်ရှောက်ခြင်းသည်လည်း သေချာသည့် မြှပ်နှံသည်မည်၏။ (၆) အကိုကြီးတော့ အဖအရာ၊ အမကြီးတော့ အမိအရာ ဆိုသကဲ့သို့ မိသားစုထဲမှာ မိဘနှစ်ပါး မရှိလျှင် ထိုအကိုကြီး အမကြီးများကို ချီးမြှင့်ထောက်ပံ့ခြင်းဖြင့်လည်း သေချာသည့် ဒါနကိုသိုလ် မြှုပ်နှံသည်မည်၏။ ။

ထိုကဲ့သို့ ဒါနပြုသောအားဖြင့် ကုသိုလ်ရွှေအိုးမြှပ်နှံသင့်သည့် နေရာများကို ညွှန်ပြခြင်း ဖြစ်၏။ ဤကဲ့သို့ ရင်းနှီးမြှပ်နှံခြင်းသည် အလွန်သေချာသည့် မြှပ်နှံခြင်းမျိုးပင် ဖြစ်ပါသည်။ ဆိုခဲ့ပြီး ဒါန၊ သီလ၊ သံယမ၊ ဒမ တည်းဟူသော မြှပ်နှံထားသည့် ကုသိုလ်ကောင်းမှုကို မည်သည့်ရန်သူကမျှ အနိုင်ကျင့် မယူနိုင်သောကြောင့် အဇေယျဟုလည်းကောင်း၊ မိမိ၏တမလွန်ဘဝ အပြန်လမ်းမှာ ဖြောင့်တန်းဖို့ရာ၊ တမလွန်ဘဝသံသရာ သွားလေရာရာ ထပ်ကြမကွာ လိုက်ပါနိုင်သောကြောင့် အနုဂါမိက ဟုလည်းကောင်း ခေါ်နိုင်ပါ၏။ ရှာဖွေစုဆောင်း မြှုပ်နှံသိမ်းဆည်းထားအပ်သော ပစ္စည်းကို စွန့်၍ တမလွန်ဘဝသွားကြရမှာ သေချာ၏။ သို့သော် ယင်းပစ္စည်းများက တကယ်တန်း တမလွန်ဘဝဖြောင့်တန်းသေချာဖို့ မလွယ်လှ၊ ထိုပစ္စည်းဥစ္စာတို့ကို အခြေခံ၍ ပြုလုပ်အာင်သော ဒါန စသောတရားတို့သည်သာ တမလွန်ဘဝအတွက် သေချာ၏။ ထို့ကြောင့် မိမိ၏ အပြန်လမ်းမှာ ဖြောင့်တန်းဖို့ရာ ဒါန သီလ၊ သံယမ၊ ဒမ ဟူသော တရားတို့သည် အလွန်တရာအရေးကြီးလှ၏။

ပစ္စည်းဥစ္စာတို့မည်သည် အများဘုံဆိုင်များ ဖြစ်၏။ မိမိပိုင်ပစ္စည်းများသည် မိမိကွယ်လွန်သွားသောအခါ မိဘအမွေပိုင်ပစ္စည်းဟု ဆိုကာ တစ်ခါတရံ အမွေခံသားသမီးကြားမှာ အမွေလုကာ ပြဿနာ ဖြစ်စေတတ်၏။ သံသရာမပါသောကြောင့် ကိုယ်ပိုင်ပစ္စည်းမဟုတ် ဘုံဆိုင်ပစ္စည်းသာဖြစ်၏။ မိမိကုသိုလ်သည်သာလျှင် အများဘုံဆိုင်မဟုတ် ကိုယ်ပိုင်ပစ္စည်းဟု ခေါ်ရ၏။ မိမိမြှုပ်နှံထားသည့် ရတနာရွှေငွေတို့မည်သည်ကား အခြားသူများက တိတ်တဆိတ်တူးဖော်သွားနိုင်၏။ ခိုးသူးများလည်း လုယက်နိုင်သောကြောင့် စိတ်မချရ၊ ကိုယ်ပိုင်ပြုလုပ်ထားသည့် ကုသိုလ်ဥစ္စာတို့သည်ကား မည်သည့်ခိုးသူမှ မယူနိုင်ပေ။ လုံခြုံစိတ်ချရ၏။ ထိုကဲ့သို့ လုံခြုံစိတ်ချရသည့် ကုသိုလ်တည်းဟူသော ရွှေအိုးမျိုးမြှုပ်နှံခြင်းကိုသာ ပညာရှိသူတော်ကောင်းတို့က ချီးမွမ်းကြ၏။

ကုသိုလ်ရွှေအိုးတို့သည် သဗ္ဗကာမဒဒ- မိမိလိုချင်သည့် အရာကို ပေးနိုင်၏။ ရွှေငွေရတနာများသည် မိမိလိုချင်သည့်အရာတိုင်း မပေးစွမ်းနိုင်ကြ။ Money makes everything (ငွေက အရာရာ လုပ်နိုင်တယ်) ဟုဆိုသော်လည်း လက်တွေ့မှာတော့ စိတ်ချမ်းသာမှုတကယ်မပေးနိုင်ကြ။ Dhamma meakes everything (ဓမ္မကတော့ အရာရာ ပေးစွမ်းနိုင်တယ်) ဟု ဆိုလျှင် ပိုမိုပြည့်စုံနိုင်၏။ ထို့ကြောင့် သဗ္ဗကာမဒဒေါ နိဓိ- အရာရာ လိုချင်တာကို ကုသိုလ်ရွှေအိုးက ပေးစွမ်းနိုင်၏ ဟု မြတ်ဗုဒ္ဓက ဟောတော်မူ၏။ တောင့်တသည့်အရာတိုင်း ကုသိုလ်က ပေးစွမ်းနိုင်၏။

လောကသားတို့ လိုချင်တောင်းတတ်သည့်အရာများကို မြတ်ဗုဒ္ဓက ဤသုတ်မှာ ဟောတော်မူ၏။ လူသားတို့သည် လှချင်ပချင်ကြ၏။ အသံကောင်းချင်ကြ၏။ ပုံပန်းသဏ္ဍာန်အချိုးအစား ချောမောလှပ ပြေပြစ်ချင်တတ်ကြ၏။ တချို့က အခြံအရံပေါများ အကြီးကဲဖြစ်ချင်တတ်ကြ၏။ ပြည်နယ် တိုင်းဒေသ တစ်ခု အုပ်စိုးသည့် ဧကရာဇ်မင်း၊ ပဒေသရာဇ်မင်း၊ စကြာဝဠာတစ်ခုလုံးကို လွှမ်းမိုးအုပ်စိုးချင်သည့် စကြာဝတေးမင်း၏ ချမ်းသာမျိုးကို လိုလားတောင့်တတ်ကြ၏။ ကုသိုလ်တရားက ထိုလူသားတို့တောင်းတသည့် အရာများကို ရစေနိုင်၏။ ပေးစွမ်းနိုင်၏။ တစ်ချို့သူများက လူ့စည်းစိမ်လောက်တင်မက နတ်စည်းစိမ်များကို တောင့်တတတ်ကြ၏။ ထိုနတ်စည်းစိမ်များကိုလည်း ဤကုသိုလ်တရားများက ပေးစွမ်းနိုင်၏။ အချုပ်ဆိုရလျှင် လူသားတို့တောင်းတတတ်ကြသည့် လူ့စည်းစိမ် နတ်စည်းစိမ်မှန်သမျှ ဤကုသိုလ်တရားက ပေးစွမ်းနိုင်၏။

တချို့လူသားတွေက ဘဝသံသရာ လွတ်မြောက်ချင်ကြ၏။ ဘဝသံသရာလွတ်မြောက်ရာ နိဗ္ဗာန်ချမ်းသာကိုလည်း ကုသိုလ်တရားက ပေးစွမ်းနိုင်၏။ ထို့ပြင် ကုသိုလ်တရားက မိတ်ကောင်းဆွေကောင်းနှင့် ဆုံဆည်းဖို့လည်း ဖန်တီးပေးနိုင်၏။ မိတ်ကောင်း ဆွေကောင်းများနှင့် ဆုံတွေ့ရလျှင် ဘဝသံသရာလွတ်မြောက်ရေးဆီအထိ ဦးတည်စေနိုင်၏။ ဥပမာ အရှင်သာရိပုတ္တရာလောင်းလျာ ဥပတိဿပရဗိုဇ်သည် အရှင်အဿဇိမထေရ်ကဲ့သို့သော မိတ်ကောင်းတွေကောင်းနှင့်တွေ့ကြုံရသဖြင့် တရားဓမ္မအကျဉ်းလေးနာကြားခွင့်ရသွားကာ သောတာပန်တည်သွား၏။ ရှေးကုသိုလ်က ဖန်တီးပေးလို့သာ အရှင်အဿဇိမထေရ်တည်းဟူသော မိတ်ကောင်းဆွေကောင်းနှင့် တွေ့ဆုံရခြင်း ဖြစ်သည်ဟု ဆိုနိုင်၏။ ကုသိုလ်ပါရမီရှိသူတို့သည် မိမိတို့၏ စိတ်နှလုံးကိုလည်း တည့်မတ်အောင် ထားနိုင်၏။ ယောနိသောမနသိကာရ ထားနိုင်ကြ၏။

ယောနိသောမနသိကာရထားကာ မှန်မှန်ကန်ကန် ကြိုးစားအားထုတ်လျှင် ဝိဇ္ဇာခေါ်သည့် မဂ်ဉာဏ်၊ ဝိမုတ္တိခေါ်သည့် ဖိုလ်ဉာဏ်များကိုလည်း ရစေနိုင်၏။ ထို့ကြောင့် ဝိဇ္ဇာဝိမုတ္တိတည်းဟူသော အမြင့်ဆုံး အဆင့်ထိအောင် ကုသိုလ်တရားများက ရစေနိုင်၏။ ရဟန္တာအောင်လည်း ပေးစွမ်းနိုင်၏။ အရဟတ္တမဂ် အရဟတ္တဖိုလ်ရ၍ ရဟန္တာဖြစ်ချင်းတူသော်လည်း တချို့ရဟန္တာအရှင်မြတ်များကတော့  ခွဲခြမ်းစိတ်ဖြာ မြင်နိုင်စွမ်းရှိသည့် ပဋိသမ္ဗိဒါဉာဏ်လေးပါးကို မရရှိကြ။  ဥပမာ စာမေးပွဲအောင်တာချင်းတူသော်လည်း ဂုဏ်ထူးနှင့် အောင်ခြင်း၊ ရိုးရိုးအောင်ခြင်းတို့နှင့် အလားတူ၏။ ထိုကဲ့သို့အဆင့်မြင့် ပဋိသမ္ဗိဒါဥာဏ်များကိုလည်း ကုသိုလ်တရားက ပေးစွမ်းနိုင်၏။ ကိလေသာလွတ်မြောက်စေသည့် ဝိမောက္ခ အဆင့်မြင့်တရားကိုလည်း ပေးစွမ်းနိုင်၏။

ထိုမျှမကသေး အရှင်သာရိပုတ္တရာ အရှင်မောဂ္ဂလာန်မထေရ်တို့ကဲ့သို့သော အဂ္ဂသာဝက၊ အရှင်မဟာကဿပ အရှင်အာနန္ဒာတို့ကဲ့သို့သော မဟာသာဝကအဖြစ်ကိုလည်း ကုသိုလ်တရားက ပေးစွမ်းနိုင်၏။ သာဝကအဖြစ်ဖြင့် ပရိနိဗ္ဗာန်မစံချင်ဘဲ ကိုယ်တိုင် သစ္စာလေးပါး သိမြင်သည့် ပစ္စေက ဘုရားရှင် အဖြစ်ကိုလည်း ပေးစွမ်းနိုင်၏။ နောက်ဆုံး သမ္မာသမ္ဗုဒ္ဓဘုရားရှင် ဖြစ်ချင်လျှင်လည်း ဤကုသိုလ်တရားများက ပေးစွမ်းနိုင်ကြောင်းကို မြတ်ဗုဒ္ဓက အတိအလင်း ဤနိဓိကဏ္ဍသုတ်၌ ဟောကြားထားတော်မူ၏။ ထို့ကြောင့် နိဂုံးချုပ်အနေဖြင့် ဤသုတ်တော်၌
ဧဝံ မဟိဒ္ဓိကာ ဧသာ၊ ယဒိဒံ ပုညသမ္ပဒါ။
တသ္မာ ဓီရာ ပသံသန္တိ၊ ပဏ္ဍိတာ ကတပုညတံ။
ယဒိဒံ ပုညသမ္ပဒါ- အကြင်ကုသိုလ်ကောင်းမှုနှင့် ပြည့်စုံခြင်းသည်၊ အတ္ထိ-ရှိ၏။ ဧသာ ပုညသမ္ပဒါ-ထိုကုသိုလ်ကောင်းမှုနှင့် ပြည့်စုံခြင်းသည်၊ ဧဝံ မဟိဒ္ဓိကာ- ဤ၍ဤမျှ ဂဏန်းချ၍ ရေတွက်လို့မရလောက်အောင် အကျိုးကျေးဇူးကြီးမားလှပေ၏။ တသ္မာ-ထို့ကြောင့်၊ ဓီရာ-ပညာဖြင့် မိမိ၏ ကောင်းကျိုးချမ်းသာကို ရယူတတ်ကြကုန်သော၊ ပဏ္ဍိတာ- ပညာရှိ အမျိုးကောင်းသား အမျိုးကောင်းသမီးတို့သည်၊ ကတပုညတံ- ပြုအပ်ပြီးသော ကုသိုလ်ကောင်းမှု ရှိသူ၏ဖြစ်ကြောင်း ကုသိုလ်ကောင်းမှု မှန်သမျှကို၊ ပသံသန္တိ- ချီးမွမ်းကြပါပေ၏။
နောက်ဆုံးနိဂုံးအနေဖြင့် သင်တန်းသူသင်တန်းသားတို့အား နိဓိကဏ္ဍသုတ်နှင့် ပတ်သက်ရာစပ်နွယ်ရာ မှတ်သားစရာ အောက်ပါ စာတိုပေစလေးများကို ရှင်းလင်းပြ မျှဝေရင်း သင်တန်းကို အဆုံးသတ်ဖြစ်ပါ၏။
(၁) စားသမျှ မစင်၊ ထားသမျှ မသေခင်၊
ပြုသမျှ ကုသိုလ်အပင်၊ ယခုဘဝ ဘဝကောင်းတွင်၊
စားလည်းစား၊ ထားလည်းထား၊
ပြုလည်းပြုမှ၊ တော်ကြလိမ့်မည်ပင်။ (တတိယမြောက် ဒီပဲယင်း ရွှေကျင်သာသနာပိုင်ဆရာတော်ကြီး)။
(၂) တရားဥစ္စာ၊ ဤနှစ်ဖြာ၊ မှန်စွာ၊ စုကြသည်။
(၃) ပစ္စည်းဥစ္စာ၊ စုသူမှာ၊ ရံခါ သောက၊ ပွားရသည်။
(၄) ရှာရင်း ရှာရင်း၊ ကုန်သွားရင်း၊ စုချင်း မဆုံပြီ။
(၅) လောကုတ္တရာ၊ စုသူမှာ၊ မှန်စွာချမ်းသာသည်။
(၆) တရားစုမှ၊ ကိုယ်ပိုင်ရ၊ မုချချမ်းသာ၊ ပွားလိမ့်မည်။
(၇) အပြန်လမ်းမှာ၊ ဖြောင့်တန်းဖို့ရာ၊ မှန်စွာ ကုသိုလ်ပြုရမည်။ (မေ့သားလှ-ဇလဂ္ဂ)။
(၉) လောကီဥစ္စာ၊ ရတနာ၊ မှတ်ပါ ဘုံဆိုင်ပစ္စည်းတည်း။
(၁၀) လောကုတ္တရာ၊ ရတနာ၊ မှတ်ပါ၊ ကိုယ်ပိုင်ပစ္စည်းတည်း။
(၁၁) နေ့ခါမှာမြောက်၊ ညခါခြောက်၊ ကြောက်လန့်ဖွယ်ရာ၊ လောကီသာ။
(၁၂) နေ့မှာလည်းပျော်၊ ညလည်းပျော်၊ နှစ်ဖော်ချမ်းသာ၊ လောကုတ္တရာ။
(၁၃) တစ်ဘဝအကျိုး၊ ရွက်သည်ပိုး၊ တန်ဘိုးနည်းပါ၊ လောကီသာ၊
(၁၄) ပစ္စုပ္ပန် သံသရာ၊ နှစ်ဖြာအကျိုး၊ ရွက်သည်ပိုး၊ တန်ဘိုးကြီးပါ၊ လောကုတ္တရာ။ (ဆရာတော်တပါး)။



အားလုံးသော သူတော်စင်အပေါင်းတို့

သာသနာနှင့်ကြုံ၊ ဤလူ့ဘုံမှာ၊ စုံအောင် ကုသိုလ်ပြုနိုင်ကြပါစေ။

မေတ္တာဖြင့်
ဒေါက်တာသုတာစာရာလင်္ကာရ(မေ့သားလှ-ဇလဂ္ဂ)
ရန်ကုန် သီတဂူဗုဒ္ဓတက္ကသိုလ်
Fri, Oct 26, 2012

မှတ်ချက်။ Oct, 20 နှင့် 21 ရက် ၂၀၁၂ (စနေ တနင်္ဂနွေ သင်တန်း) မှတ်တမ်းလေးများကို ပြန်လည် ရေးသားပါသည်။

Thursday, October 11, 2012

ကံကြမ္မာ





စာရေးသူသည် ၂၀၁၂ ခု၊ အောက်တိုဘာလ လေးရက်နေ့တွင် သီတဂူဆရာတော်၏ လမ်းညွှန်ချက်ဖြင့် စစ်ကိုင်းမြို့ သီတဂူကမ္ဘာ့ဗုဒ္ဓတက္ကသိုလ် စီမံအုပ်ချုပ်ရေးအဖွဲ့၏ စေလွှတ်မှုအရ စစ်ကိုင်းမှ ရန်ကုန် သီတဂူဗုဒ္ဓတက္ကသိုလ်သို့ စာချကထိကအဖြစ် ရောက်ရှိခဲ့ပါသည်။ မိမိအတွက် သီးသန့် ဘာသာရပ် တစ်ခုပို့ချပေးရန် တာဝန်ပေးမှု မရှိသေးသဖြင့် အောက်တိုဘာလ ၆ ရက်နေ့တွင် စာရေးသူ၏ သီတင်းသုံးဖော် ဦးသီဟဥာဏာဘိဝံသက ပညာရေးအတွက် အစည်းအဝေးတက်ရောက်ရန် ရှိသဖြင့် သူ၏ပို့ချမြဲ တက္ကသိုလ်စာဝါကို ထိုနေ့အတွက် ကိုယ်စား ကူညီပို့ချပေးရန် စာရေးသူအား တိုက်တွန်းပါသည်။ ထိုအရှင်သည်လည်း အဘိဓမ္မာ စိတ်ပါဝင်စားသော လူပုဂ္ဂိုလ်များအား အဘိဓမ္မာသင်တန်းကို သောကြာ စနေ တနင်္ဂနွေနေ့များတွင် ရန်ကုန်သီတဂူ ဗုဒ္ဓတက္ကသိုလ်မှာ ပို့ချပေးနေပါသည်။ အောက်တိုဘာ ၆ ရက် နံနက်ခင်း သူနှင့် လမ်းလျှောက်ရင်း စပ်မိစပ်ရာ ဆွေးနွေးရင်း သူ၏ စာဝါကို ထိုနေ့ မအားသည့်အတွက် ကိုယ်စားပို့ချပေးရန် ပြောပြလာပါ၏။ သူဆက်လက် ပို့ချရမည့် သင်္ခန်းစာမှာ အဘိဓမ္မတ္ထသင်္ဂဟလာ ကမ္မစတုက္က ပင်ဖြစ်၏။ စာရေးသူလည်း ထိုအရှင်အား ကူညီသောအားဖြင့်လည်းကောင်း၊ အဘိဓမ္မာသင်တန်းလာရောက်တက်သော လူပုဂ္ဂိုလ်များအား ပုံမှန်စာဝါ မပျက်စေခြင်သောအားဖြင့်လည်းကောင်း "အရှင်ဘုရားကိုယ်စား တပည့်တော် ကိုယ်တတ်နိုင်သမျှ ကံအကြောင်း မိတ်ဆက်လောက် ဖြစ်စေ ကူညီပို့ချပေးမည့်အကြောင်း" ဝန်ခံလိုက်ပါသည်။ နံနက် ၈ နာရီမှာ သင်တန်းစတင်မည် ဖြစ်သောကြောင့် ကံအကြောင်းအရာနှင့် စပ်လျည်းပြီး ထွေထွေထူးထူးလည်း စာမဖတ်ထားဖြစ်ပါ။ ၈ နာရီမှ ၉ နာရီအထိ ကံအကြောင်း မိမိသိနားလည်ထားသည့်အတိုင်း မိတ်ဆက်နိဒါန်းအဖြစ် ပြောပြခြင်းဖြစ်ပါသည်။ သင်တန်းပြီးသည့်အခါမှာ သင်တန်းသူသင်တန်းသားများအဖို့လည်း တစ်စုံတရာ လက်တွေ့ဘဝတွင် အကျိုးရှိမည်ဟု စာရေးသူ မျှော်လင့်မိ၏။ မှန်ပါသည်။  မြတ်စွာဘုရားကတော့ ဝေနေယျသတ္တဝါတို့၏ အလိုအဇ္ဈာသယကိုကြည့်ပြီး "အနာနှင့်ဆေး တည့်အောင်ပေး" ဆိုသလို တရားဓမ္မကို ကွက်တိဟောတော်မူသောကြောင့် မြတ်ဗုဒ္ဓ၏တရားပွဲတိုင်းသည် ဘယ်သောအခါမှ အချည်းအနှီးမဖြစ်ခဲ့။ ဒေသနာတော်အဆုံးမှာ ဝေနေယျသတ္တဝါတို့ သရဏဂုံတည်မှုအစ မဂ်ဖိုလ် နိဗ္ဗာန်ကို မျက်မှောက်ပြုကြသည်အဆုံး အားလုံးအကျိုးကျေးဇူးများလှသည်ကို ပိဋကစာပေတွေမှာ တွေ့နိုင်ပါ၏။    မြတ်ဗုဒ္ဓ၏ အဘိဓမ္မာ ခက်ခဲနက်နဲသည့် ကံကြမ္မာအကြောင်းကို စာဖတ်သူများအား မျှဝေသောအားဖြင့် ဆောင်းပါးတစ်ပုဒ်အဖြစ် ရေးလိုက်ခြင်းဖြစ်ပါသည်။
ကံကြမ္မာဟူသော စကားသည် ဘာသာဝင်တိုင်း သို့မဟုတ် လူတိုင်းပါးစပ်ဖျားမှာ ရေးပန်းစားလျက်ရှိ၏။ အထူးသဖြင့် ဗုဒ္ဓဘာသာဝင်တို့နှတ်ဖျား၊ အသိုင်းအဝိုင်းမှာ ပိုမိုရေးပန်းစားသည်ဟု ဆိုနိုင်၏ ။ ပညာရှင်တို့သည်လည်း Kamma Theory (ကံအကြောင်းဒဿန), Kamma and Rebirth (ကံနှင့်ဘဝသံသရာ), Kamma and Liberation (ကံကြမ္မာနှင့် ဘဝလွတ်မြောက်ရေး) စသည်ဖြင့် ရှု့ဒေါင်းမျိုးစုံမှ တင်ပြကြပေ၏။ ဗုဒ္ဓအဘိဓမ္မာမှာ ကံကြမ္မာအကြောင်း မြောက်များစွာ တွေ့ရ၏။ ကံကြမ္မာ၏ အရေးကြီးသည့် အခန်းကဏ္ဍများ ပြည့်လျှံနေ၏ ။ ဗုဒ္ဓဘာသာဝင်တို့၏ အဓိကဇာတ်ကောင်မှာ ကံကြမ္မာပင်ဖြစ်သည်ဟု လက်ခံယုံကြည်ထားကြ၏ ။ ဗုဒ္ဓဘာသာဝင်တို့သည် ကံကြမ္မာအကောင်းအဆိုးကို လိုက်၍ မိမိတို့၏ဘဝ အတက်အကျ ဖြစ်ကြရသည်ဟု လက်ခံကြ၏ ။ ကံဇတ်ဆရာ စေလိုရာ ကပြအသုံးတော်ခံကြရ၏။ ထို့ကြောင့် မိမိတို့၏ ဘဝရပ်တည်ရေးသည် မိမိကံကြမ္မာပေါ်တွင် အလွန်မူတည်လျက်ရှိ၏။  ဤအချက်ကို ဗုဒ္ဓဘာသာဝင်တို့ သိပ်ငြင်းချက်ထုတ်မည် မဟုတ်ပေ။ ငြင်းဆန်သူသည် မြတ်ဗုဒ္ဓ၏ ဘဝလွတ်မြောက်ရေးလမ်းစဉ်မှ သွေဖီသူဟု ကင်ပွန်းတပ်ခံရပေလိမ့်မည်။
ဥတု ဗီဇ၊ ကံ ဓမ္မ၊ စိတ္တ နိယာမာ ဆိုသည့်အတိုင်း နိယာမ ငါးမျိုးတွင် တပါးအပါဝင်ဖြစ်သော ကမ္မနိယာမအလိုအရ သတ္တဝါတိုင်းမှာ ရှေးအတိတ်ကပြုလုပ်ခဲ့သော ကုသိုလ်ကံ အကုသိုလ်ကံများ၏ အမွေကိုလည်း ခံစားတတ်ပါသည်။ ကံဆိုသည်မှာ အလုပ်ပင်ဖြစ်ပါ၏။ 'စေတနာ ဟံ ဘိက္ခဝေ ကမ္မံ ဝဒါမိ" ဟူသော ဒေသနာတော်အရ ထိုအလုပ်ကိုပင် စေတနာ ဟုလည်း ဝေါဟာရတမျိုးဖြင့် ခေါ်နိုင်ပါသည်။ ထို့ကြောင့် အလုပ်ကောင်းလျှင် သို့မဟုတ် စေတနာကောင်းလျှင် ကံကောင်းသည် ဟု ဆိုကြ၏။ အလုပ်မကောင်းလျှင် စေတနာမကောင်းလျှင် ကံမကောင်းဟု အပြန်နားလည်ရ၏။ ကမ္မ- အလုပ်ဆိုသည်မှာလည်း အမြဲတမ်းလှုပ်ရှားနေရ၏။ ကိုယ်နှတ်စိတ် သုံးပါး လှုပ်ရှားနေသမျှ ကံတစ်ခုခု ဖြစ်နေ၏။ ကိုယ်လှုပ်ရှားနေလျှင် ကာယကံဖြစ်ပေမည်။ နှတ်လှုပ်ရှားပါက ဝစီကံ ဖြစ်၏။ စိတ်မနော ကြံစည်လှုပ်ရှားသမျှ မနောကံဖြစ်ပေ၏။ ကံကြမ္မာ၏နယ်ပယ်သည် အလွန်ပင် ကျယ်ဝန်းလှ၏။ ဘဝသံသရာ မကုန်ဆုံးသေးသမျှ ကံကြမ္မာ၏ နယ်ပယ်မှ လွတ်နိုင်မည် မဟုတ်ပေ။ သတ္တဝါတိုင်း ရုန်းကန်လှုပ်ရှားနေရ၏။ လှုပ်ရှားတိုင်း ကံတွေ ဖြစ်နေ၏။ အကယ်၍ လှုပ်ရှား ရုန်းကန်မှု မရှိတော့လျှင် ကံကြမ္မာကုန်ခမ်းသွားသူ (ရဟန္တာ) ဟု ဆိုနိုင်ပေ၏ ။
အဘိဓမ္မာအလိုအရ တရားဓမ္မတို့သည် အကြောင်းပေါင်းစုံမှ အကျိုးအကြောင်း အခြေအနေ တိုက်ဆိုက်မှု (conditions) များ ပေါင်းဆုံမှ ဖြစ်ပေါ်တတ်ကြ၏ ။ အကြောင်းမဲ့ ဖြစ်ရိုးထုံးစံမရှိ။ ကမ္မသတ္တိ တောက်ပြောင်ဖို့အတွက် အခြေခံ ကြိုးစားမှု ဝီရိယစွမ်းအင်(Effort or Energy) ရှိမှသာ ဖြစ်နိုင်၏။ ကြိုးစားမှုစွမ်းအင် မရှိလျှင် မည်သည့် လှုပ်ရှားမှု ကမ္မ(ကံစွမ်းအင်) မဖြစ်နိုင်ပေ။ ကြိုးစားမှု ဝီရိယစွမ်းအင် နည်းလျှင် နည်းတာနှင့်အမျှ ကံစွမ်းအင်လည်း နည်းပါးနိုင်၏။ ကြိုးစားမှုစွမ်းအင် လုံးဝရပ်ဆိုင်းသွားလျှင်လည်း အလိုအလျှောက် ကံစွမ်းအင် ရပ်ဆိုင်းသွားနိုင်၏ ။ ထို့ကြောင့် ကံကြမ္မာ ကံစွမ်းအင်သည် ဝီရိယအပေါ်မှာလည်း မူတည်နေ၏။
ကြိုးစားမှု ဝီရိယတွင်လည်း မပြီးသေး။ လုပ်ငန်းတစ်ခုခုကို အကောင်ထည်ပေါ်စေချင်သည့် ဖြစ်ချင်မှု ဆန္ဒ(Desire, Will or Wish to do) ကြောင့်သာ ကြိုးစားလုပ်ဆောင်ခြင်း ဝီရိယဖြစ်၏။ ထိုကြောင့် အကောင်အထည် ပေါ်စေချင်သည့် ဆန္ဒ(ဖြစ်ချင်မှု)သည် လက်တွေ့အကောင်ထည်ပေါ်အောင် ကြိုးစားလုပ်ဆောင်သည့် ဝီရိယ၏ အခြေခံအကြောင်းတရားဖြစ်လာပြန်၏။ ဖြစ်ချင်သည့် ဆန္ဒတရားသည်လည်း စိတ်ဓာတ်ကို နှိုးဆော်တတ်ခြင်းနှင့် စိတ်ဓာတ်တက်ကြွအောင် စွမ်းဆောင်တတ်သည့် စေတနာ(Motivation) အပေါ် အပြန်အလှန်မှီတွယ်နေ၏။ တက်ကြွအောင် နှိုးဆော်တတ်သည့် စေတနာတရား၏ တွန်းအားကြောင့်သာ ဖြစ်ချင်မှု ဆန္ဒ ဖြစ်ပေါ်လာနိုင်ပေ၏။ စေတနာသည်လည်း အကြောင်းမဲ့တော့ ဖြစ်လာသည်မဟုတ်။ စိတ်ဓာတ်သည်လည်း အကြောင်းမဲ့ မတက်ကြွနိုင်ချေ။ မိမိ၏စိတ်ဓာတ်ယုံကြည်ချက် သဒ္ဓါ (Confidence or Faith) ရှိမှ နှိုးဆော်တက်ကြွမှု စေတနာဖြစ်လာနိုင်၏။ ယုံကြည်ချက်ကင်းမဲ့လျှင် တက်ကြွမှု မရှိလာနိုင်။ ယုံကြည်ချက် အားကောင်းတောင့်တင်းမှသာလျှင် တက်ကြွမှု စေတနာတရား လှုပ်ဆော်မှုတက်ကြွမှု ခိုင်မာပြင်းထန်လာတတ်၏။ ထို့ကြောင့်တက်ကြွသည့် စေတနာသည်လည်း ယုံကြည်မှု သဒ္ဓါတရားအပေါ်တွင် အခြေခံပြန်၏။ ဗုဒ္ဓဘာသာအလိုအရ ယုံကြည်မှုသည်လည်း မျက်ကန်းယုံကြည်မှု Blind Faith or Belief တော့ မဖြစ်ရ။ အသိဥာဏ်အခြေခံရမည် ဖြစ်၏။ အသိဥာဏ်အလိုက်သာ ယုံကြည်မှု ဖြစ်ပေါ်တတ်၏။ အသိဥာဏ်ပညာ မှန်ကန်လျှင် မှန်ကန်သလောက် ယုံကြည်ချက်သဒ္ဓါမှန်ကန်လာမည် ဖြစ်၏။ အသိဥာဏ်ပညာ မှားယွင်းဖောက်ပြန်လျှင် အမှားကို အမှန်၊ အမှန်ကိုအမှားအဖြစ် ယုံကြည်လက်ခံသွားတတ်၏။ အသိဥာဏ်ပိုမို နက်နဲခိုင်မာ သိမ်မွေ့သည့်အလျှောက် ယုံကြည်ချက်သည်လည်း ပိုမို မှန်ကန်ခိုင်မြဲတတ်၏။ ထို့ကြောင့် ယုံကြည်ချက်(သဒ္ဓါ)သည် ဥာဏ်ပညာ၏ အထောက်ကူရမှသာ ပညာအခြေခံရမှသာ ကောင်း၏။
အသိဥာဏ်ပညာသည်လည်း ဥပနိဿယ ပတ်ဝန်းကျင် မှီရာကောင်းအလိုက် ကွဲပြားခြားနားတတ်၏။ အသိပညာ ရရှိဖို့ကလည်း ပတ်ဝန်းကျင်ကောင်း မှီရာကောင်း ဥပနိဿယရရှိမှသာလျှင် ပိုမိုတောက်ပြောင်၏။ ပတ်ဝန်းကျင်ကောင်းလျှင် အသိပညာကောင်းလာနိုင်၏။ ပတ်ဝန်းကျင် ဆိုးဝါးလျှင်လည်း ပညာ၏ဆန့်ကျင်ဖက် မောဟ- မသိမိုက်မဲမှုတွေနှင့် ရင်ဆိုင်ရတတ်၏။ ဥပမာ လူမိုက်နှင့် ပေါင်းဖက်ရလျှင် မိုက်မဲမှု မောဟတရား ဖုံးလွှမ်းပြီး မှားယွင်းသည့် အသိပညာများသာ ဖြစ်ပေါ်ကာ အမှားကို လက်ခံယုံကြည်လျှက် အမှားကံကြမ္မာသာ လည်ပတ်တတ်၏။ အပြန်အားဖြင့် ပညာရှိသူတော်ကောင်းတို့နှင့် ပေါင်းသင်းရပါက သို့မဟုတ် မှီရာကောင်းရပါက ကောင်းသည့် စိတ်ဓာတ် ကောင်းသည့် အသိဥာဏ်များ ကိန်းအောင်းလာတတ်၏။ များသောအားဖြင့် ပုထုဇဉ်တို့၏ စိတ်သည် မကောင်းမှု၌ မွေးလျှော်တတ်သောကြောင့် မူလဗီဇ၌ပင် မိုက်မဲတတ်သည့် အသိဥာဏ်ကို လက်ခံလွယ်တတ်၏။ ကောင်းသည့် အသိဥာဏ်များကတော့ ငုပ်လျှိုးနေတတ်သဖြင့် လက်ခံဖို့ ခက်ခဲနေတတ်၏။ ဤသည်ပင်လျှင် ဆိုးဝါးလှသည့် ကံကြမ္မာများ ဖြစ်လာဖို့ တံခါးဖွင့်ပေးလိုက်သလို ဖြစ်လာ၏ ။
မိမိပတ်ဝန်းကျင် ဥပနိဿယကို မိမိကံကြမ္မာက ဖန်တီးပေးနိုင်သလို ပတ်ဝန်ကျင် မှီရာကောင်းကလည်း မိမိကံကြမ္မာကို ပြောင်းလဲပြစ်တတ်၏။ သို့သော် ပတ်ဝန်းကျင်ဟူသည် ပြောင်းလဲနိုင်သော အခြေအနေပင် ဖြစ်၏။ ပတ်ဝန်းကျင်ကောင်း မှီရာကောင်းနှင့် တွေ့ကြုံသူများကို၊ အဆင်ပြေသည့် ပတ်ဝန်းကျင်နှင့် တွေ့ကြုံသူများကို ကံကောင်းသူဟု ကင်ပွန်းတတ်ကြပြီး အဆင်မပြေသည့် ပတ်ဝန်းကျင်နှင့် တွေ့ကြုံနေရသူများကို ကံဆိုးသူဟု သတ်မှတ်ကြ၏။ "သူတော်ချင်းချင်း သတင်းလွေ့လွေ့ ပေါင်းဖက်တွေ့" ဆိုသကဲ့သို့ သတ္တဝါတို့သည် မိမိ၏ လှုပ်ရှားမှု ကံကောင်းမွန်လေလေ ကောင်းမွန်သည့် ပတ်ဝန်းကျင် မှီရာကောင်း ဥပနိဿယနှင့် တွေ့ကြုံရလေလေ ဖြစ်၏။ ထို့ကြောင့် ကောင်းမွန်သည့် မှီရာကောင်း ပတ်ဝန်းကျင် အသိုင်းအဝိုင်း ရှိလိုသူသည် မိမိ၏ စေတနာ တွန်းအား ကောင်းမွန်စွာ လှုပ်ရှားနေဖို့ အထူးလိုအပ်လှပေ၏ ။ ပတ်ဝန်းကျင်ကောင်းလျှင် ချမ်းသာသုခ ရမည်ဖြစ်၏။ မကောင်းသည့် ပတ်ဝန်းကျင် နေထိုင်ရသူများသည် စိတ်ချမ်းသာမှု မရနိုင်ကြ။ အမြဲတမ်း ရန်ဖြစ်နေတတ်သည့် အိမ်အနီးနားမှာ နေရသူသည် မိမိအိမ်မှာ ရန်မဖြစ်သော်လည်း ဆဲဆိုသံများကြားနေရသဖြင့် ဘယ်သောအခါမှ နားချမ်းသာလိမ့်မည်မဟုတ်၊ နားဆင်းရဲမှု ကြုံနေရမည်ပင်ဖြစ်၏။ စိတ်ဆင်းရဲနေလျှင် မနောကံ လှုပ်ရှားမှုလည်း ကောင်းနိုင်မည်မဟုတ်ပေ။ အပြန်အလှန် ဆက်စပ်ဖြစ်ပေါ်နေ၏။ ထို့ကြောင့် ပတ်ဝန်းကျင်ကောင်းထံမှ ကံကြမ္မာကောင်းများ အခြေခံအဖြစ် ဖြစ်ပေါ်လာ၏။
ပတ်ဝန်းကျင်က ကံကြမ္မာကို ပြောင်းလဲပစ်နိုင်သည်ဟု ဆိုရာမှာ စိတ်ဝင်စားစရာကောင်း၏။ ဘုရားလောင်း သိဒ္ဓတ္ထ မင်းသားသည် ဘုရားဖြစ်ဖို့ရန် နိယတဗျာဒိတ်ပန်း ပန်ဆင်ခဲ့ပြီး၏။ ပါရမီ ဆယ်ပါး(Ten Perfections) ဟုခေါ်သော ဘုရားဖြစ်ရန် ဘာသာရပ်ကြီး ၁၀ ပါးကို အပြီးအပိုင် ဖြည့်ကျင့်ဆည်းပူး အားထုတ်ကာ ဘုရားဖြစ်ဖို့ ရာနှုန်းပြည့် အောင်မှတ်များ ရရှိပြီးဖြစ်၏။ နောက်ဆုံးဘဝမှာ ဘုရားဖြစ်ဖို့ ကျိန်းသေသော်လည်း ခမည်းတော် သုဒ္ဓေါဓန မင်းကြီး၏ စီမံချက်အရ ရမ္မ၊ သုဘ၊ သုရမ္မ ဟူသော ရွှေနန်းမသုံးဆောင်မှာ ကာမဂုဏ်ပတ်ဝန်းကျင်တွင် နစ်မွန်းနေခဲ့ရသေး၏။ ဤသည်မှာလည်း မကောင်းသည့် ပတ်ဝန်းကျင်ကြောင့် အလောင်းတော်မင်းသိဒ္ဓတ္ထ အခိုက်အတန့် ဘဝမေ့နေသည်ဟုပင် ဆိုနိုင်၏။ ဘုရားဖြစ်နိုင်သည့် မူလဗီဇ အသိဥာဏ်ကောင်းများ ကိန်းအောင်းနေသော်လည်း ပတ်ဝန်းကျင် ကာမဂုဏ်အာရုံသစ်များ ဖြစ်ပေါ်စေရန် ခမည်းတော်ကြီးက ဖန်တီးပြောင်းလဲပစ်လိုက်၏။ တနည်းအားဖြင့် ကာမဂုဏ်အာရုံ ပတ်ဝန်းကျင်အသစ်ဖြင့် အစားထိုးခံလိုက်ရခြင်းပင်ဖြစ်၏။ သို့သော် ပါရမီတို့၏ နှိုးဆော်မှုကြောင့် ဥယျာဉ်တ်ေထွက်စဉ် သူအိုသူနာသူသေရဟန်း နိမိတ်ကြီးလေးခန်း မြင်တွေ့သောအခါ တောထွက်ရန်စဉ်းစားလာပြန်၏။ ပတ်ဝန်းကျင်တွေ့ကြုံမှုအလိုက် ကံလှုပ်ရှားမှု ပြောင်းလဲလာပြန်၏။ သိဒ္ဓတ္ထမင်းသားအဖို့ ပတ်ဝန်းကျင်အသစ်ထံမှ အသိဥာဏ်အသစ်များ ဖြစ်ပေါ်လာပြန်၏။ နိမိတ်ကြီးလေးပါး မမြင်ရလျှင် ပတ်ဝန်းကျင်ကာမဂုဏ်အသိုင်းဝိုင်းမှာ နစ်မျောလျက် အသိဥာဏ်သစ်များ မပေါ်လာနိုင်ပေ။
ထို့ပြင် ကိသာဂေါတမီ၏ ရွှေနန်းရင်ပြင် "နိဗ္ဗူတာနူန သာ မာတာ" စသော နိဗ္ဗူတ ငြိမ်းချမ်းရေး တေးသီချင်းသံ ကြားရပြန်တော့ ဘဝများစွာသံသရာမှာ ငြိမ်းချမ်းရေး နိဗ္ဗူတအတွက် ဘုရားဖြစ်ဖို့ အားထုတ်ခဲ့ရသော ဘုရားလောင်း၏ စိတ်ဓာတ်အဟုန်သည်လည်း သူ၏နှလုံးသားမှာ ရိုက်ခတ် တုန်လှုပ်ခံစားလိုက်ရ၏။ သူအိုသူနာသူသေ ဟူသော နိမိတ်ကြီး သုံးပါးမြင်စဉ်တုန်းက ကြောက်လန့်တုန်လှုပ်ခဲ့သော စိတ်နှလုံးသည် ပတ်ဝန်းကျင်အာရုံသစ်ဖြစ်သည့် ရဟန်းဘဝ၏ တည်ငြိမ်အေးချမ်းမှု၊ ကိသာဂေါတမီ၏ သားချော့ တေးသီချင်းသံ ကြားလိုက်သသည့်အခါ အိုနာသေရေး ကင်းဝေးရာ ငြိမ်းချမ်းရေး ငြိမ်းချမ်းမှု နိဗ္ဗူတသည် သူ၏ ဦးတည်ချက် ပန်းတိုင်ပင် ဖြစ်ကြောင်း ကောင်းကောင်းကြီး သဘောပေါက်သိမြင်လာတော့၏။ တနည်းဆိုရလျှင် သမဏဘဝ၏ငြိမ်းချမ်းမှု၊ နိဗ္ဗူတ-ငြိမ်းချမ်းရေး တေးသီချင်းသံဟူသော ပတ်ဝန်းကျင်သစ်မှ အသိဥာဏ်ရလိုက်ခြင်းပင်ဖြစ်၏။ ထိုကဲ့သို့ ပတ်ဝန်းကျင်အသစ်မှ နိမိတ်ကောင်း မြင်ကြားမှု တို့သည်လည်း ရှေးအတိတ်အဆက်ဆက်က မင်းသိဒ္ဓတ္ထ၏ နိဗ္ဗူတ အတွက် ကြိုးစားအားထုတ်ခဲ့သော ကံကြမ္မာ အရင်းအနှီးကြောင့်သာ မြင်ကြားလာရခြင်း ဖြစ်ပေ၏။
ကံကြမ္မာအလှည့်အပြောင်းဖြစ်စဉ်၌ လူမှုရေး စီးပွားရေး ကြီးပွားရေး ကျန်းမာရေး ရာထူးဂုဏ်သိန် စည်းစိမ်ဥစ္စာ ပြည့်စုံကြွယ်ဝရေး စသည်ဖြင့် လောကီရေးရာမှာ ဖြစ်စေ၊ မဂ်ဖိုလ်နိဗ္ဗာန် မျက်မှောက်ပြုရန်ဖြစ်စေ အင်္ဂုတ္တရနိကာယ် စတုက္ကနိပါတ်၊ စက္ကသုတ်လာ တရား လေးပါးသည် အလွန်အရေးပါလှ၏။ ယင်းတရားလေးပါးတို့ကား
၁။ သင့်လျော်သည့်နေရာ အရပ်ဒေသ၌ နေရခြင်း၊
၂၊ ရှေးကပြုခဲ့ဖူးသည့် ကောင်းမှုကုသိုလ်အထူး ရှိခြင်း၊
၃။ ဆရာသမားကောင်း၊ မိတ်ကောင်း ဆွေကောင်း သူတော်ကောင်း မှီရာကောင်း ရှိခြင်း၊
၎။ မိမိစိတ်ကို ကောင်းစွာ တည်ဆောက်ထားနိုင်ခြင်း၊ ဟု လေးမျိုးလာရှိ၏။
ဤတရားလေးပါးတို့တွင် နံပါတ်(၂) ဖြစ်သည့် "ရှေးကပြုခဲ့ဖူးသည့် ကောင်းမှုကုသိုလ်အထူး ရှိခြင်း" သည်အဓိကဖြစ်၏။ ယင်းကောင်းမှု ကုသိုလ်အထူးက "သင့်လျော်လျောက်ပတ်သည့် အရပ်ဒေသကိုလည်း ပေးပို့နိုင်၏။ ဆရာကောင်းသမားကောင်း သူတော်ကောင်းတည်းဟူသော ဥပနိဿယ-မှီရာကောင်းရအောင်လည်း စီမံပေးနိုင်၏။ မိမိကိုယ်စိတ်နှစ်ပါးကို တည့်မတ်အောင် ကောင်းစွာတည်ဆောက်နိုင်စွမ်းရှိ၏" ဟု စတုက္ကနိပါတ် အင်္ဂုတ္တရနိကာယ်နှင့် သဂီ င်္တိသုတ် ဒီဃနိကာယ်အဌကထာစကားတို့အရ သိနိုင်၏။ အနုမာနနည်းအားဖြင့် လူသားတို့မှာ ဗီဇနိယာမ ကမ္မဗီဇကောင်းက အဓိကကျသည်ဟု ဆိုနိုင်၏။ သို့သော် သပြေကန်ဆရာတော်ကြီး၏ သုံးသပ်ချက်ကတော့ "ဆိုခဲ့ပြီး အချက်များမှာ တကယ့်ပါရမီပြည့်စုံပြီးသော ပစ္ဆိမဘဝိကတို့အတွက်သာ လုံလောက်ရာ၏၊ သာမန်ကောင်းမှုရှင်(ပါရမီရှင်) များ၌ကား စိတ်မချရသေး၊ ရှင်ဒေဝဒတ်သည် (သင့်လျှော်သောအရပ်) ပဋိရူပဒေသဝါသ ၌လည်းဖြစ်ရ၊ တကယ့် သပ္ပုရိသ ဘုရားရှင်ကိုလည်း မှီရ၊ (လောကီဈာန်အဘိညာဉ်ရသည်အထိ) ရှေးကောင်းမှုလည်း ရှိခဲ့သည်သာ၊ သို့သော် မိမိစိတ်ကို ကောင်းအောင်တည်ဆောက်နိုင်မှု (အတ္တသမ္မာ ပဏိဓိ) ပျက်ကာ အကျိုးမဲ့ ဆုံးရှုံးခဲ့ရရှာ၏။ အဇာတသတ်မင်းသည်လည်း ကောင်းမှု(ပါရမီရှင်) တစ်ဦးပင်၊  ဖခင် သောတာပန် သူတော်ကောင်းကြီး(ဗိမ္ဗိသာရမင်းကြီး)ကို အမှီရပါလျက် ရှင်ဒေဝဒတ်နှင့် အပေါင်းမှားကာ အတ္တသမ္မာပဏိဓိစက် ပျက်ခဲ့၍ နစ်နာရရှာသည်။ ဤအချက်ကား ပုထုဇ္ဇနဂတိ၏ စိတ်မချရသည့် အဖြစ်ကို ဖော်ပြလျက်ရှိရာ စိတ်ချရသော အရိယာဘူမိသို့ ရောက်ရေး အလေးပေးကာ ကြိုးစားသင့်ကြောင်း သတိပေးလျက်ရှိသည်။ (သပြေကန် ပရိတ်ကြီး နိဿယသစ် ၁၂၅)။ ဆရာတော်ကြီး၏ သုံးသပ်ချက်အရ ပစ္ဆိမဘဝိကသား စစ်စစ်တို့မှာ ဗီဇက ပမာဏလိုရင်းဖြစ်ပြီး သာမန်ကုသိုလ်ရှင် ပါရမီရှင်၊ ပုထုဇဉ်များမှာ ပတ်ဝန်းကျင်က အဓိကကျလှ၏။ ပတ်ဝန်းကျင်ကောင်းလျှင် ကံကောင်းမည်ဖြစ်၏ ။
ကံ ဥာဏ် ဝီရိယ ဆန္ဒ စေတနာ သဒ္ဓါ ဥပနိဿယ တရားတို့သည် အပြန်အလှန် မှီတွယ်နေမည်သာဖြစ်၏။ ထို့ကြောင့် ကံလှုပ်ရှားမှု မှန်သမျှကို အသိဥာဏ်ပညာဖြင့် ထိန်းကွပ်ရန် လိုအပ်၏။ အကွပ်မရှိတဲ့ ကြမ်း ဗရမ်းဗတာ ဆိုသကဲ့သို့ အသိဥာဏ်မပါသော ကံသည် ဗရမ်းဗတာ ဖြစ်နိုင်၏။ အသိဥာဏ်ကင်းမဲ့သော ကံသည် အကျိုးပေး သန်မည်မဟုတ်၊ ချိနဲ့ ကြုံလှီသော အကျိုးကိုသာ ပေးတတ်၏။ တဖန် မိမိဘဝသံသရာလွတ်မြောက်ဖို့အတွက် အသိပညာကိုလည်း စုဆောင်းရမည်ဖြစ်၏။ ယင်းအသိပညာဖြစ်ပေါ်ဖို့ တကယ်လွတ်မြောက်ချင်သော စိတ်ဆန္ဒသည် ပြင်းပြရန်လိုအပ်၏။ ပြင်းပြသည့် စိတ်ဆန္ဒ၊ ဘဝလွတ်မြောက်ဖို့ အားထုတ်နိုင်သည့် အခွင့်အလမ်းကောင်းများ လိုအပ်၏။ ယင်းအခွင့်အလမ်းကောင်းဆိုသည်မှာ ဘဝလွတ်မြောက်ရေးအတွက် ပတ်ဝန်းကျင်ကောင်းခေါ်သည့် သပ္ပုရိသူပနိဿယ ပင်တည်း။ သပ္ပုရိသူပ သူတော်ကောင်း မှီရာကောင်း များနှင့် တွေ့ကြုံရလျှင် ထိုသူတို့၏ တရားဓမ္မ နည်းနာနိဿယများကို မှတ်သားနာယူခြင်း သဒ္ဓမ္မသဝန ဖြစ်လာနိုင်၏။ ယင်းတို့မှ တဆင့်ဖြစ်ပေါ်လာသည့် အသိဥာဏ်ပညာ ဦးစီးကွပ်ကဲသော ကံတရားသည် ဘဝလွတ်မြောက်ရေးသို့ ဦးတည်သွားနိုင်၏။ သာမန်ပုထုဇဉ်လူသားတို့သည် ကံကြမ္မာနှင့် ဆက်စပ်နေသည့် ဘဝသံသရာမှ လွတ်မြောက်နိုင်ဖို့ ခဲယဉ်းလှ၏။ ထို့ကြောင့် မြတ်ဗုဒ္ဓက ကံကြမ္မာနှင့်စပ် ဘဝသံသရာပြတ်နိုင်ဖို့ လွတ်လပ်ရေး လမ်းစ ရှာပေးခဲ့၏။ မိမိကံကြမ္မာ မိမိဖန်တီးရန် လမ်းဖွင့်ပေးခဲ့၏။ ဘဝလွတ်မြောက်ဖို့ အသိဥာဏ်ဖွင့်ပေးခဲ့၏။
ဗုဒ္ဓဝါဒအရ ကံကောင်းခြင်း ကံဆိုးခြင်းတို့ကို မိမိကိုယ်တိုင်ပင် ဖန်တီးခြင်းဖြစ်၏။ မိမိကံကြမ္မာကို မိမိဘာသာ လွတ်လပ်စွာ ဖန်တီးနိုင်သည့် အချုပ်အချယ်မဲ့ ဖန်ဆင်းရှင်မဲ့ လူသား ပုဂ္ဂိုလ်သတ္တဝါတစ်ဦးဖြစ်ကြောင်း ဗုဒ္ဓဝါဒက ဖော်ပြနေ၏။ သို့သော် အသိဥာဏ်နည်းပါးသည့် အန္ဓပုထုဇဉ်တို့သည် ကမ္မဝါဒကို လက်မခံဘဲ တန်ခိုးရှင်တစ်ဦးဦးက မစသလိုလို၊ ဖန်ဆင်းရှင်ကဘဲ ဖန်းတီးပေးသလိုလို ဖြစ်စဉ်တစ်ခုခုကို မျက်စိမှိတ် လက်ခံတတ်ကြ၏။ ထို့ကြောင့် မန်လည်ဆရာတော်ကြီးက
" အန္ဓဗာလ၊ လူထိုမျှတို့၊ ကမ္မဝီရိယ၊ မယုံကြဘူး။ သိဝမဟေ၊ ပရမေသွာ၊ ဗြဟ္မာဗိဿနိုး၊ တန်ခိုးကြီးမာ၊ နတ်ဘုရားတို့ ပေးစားဖန်ဆင်း၊ ဖြစ်တုံလျင်းဟု၊ ချွတ်ယွင်းသမှု၊ အမှားရှုသည်၊ တောင်သူယူလေ့ ယူလာတည်း" ဟု မိန့်တော်မူ၏" ဆရာတော်ကြီးက "တောင်သူ ယူလေ့ယူလာတည်း" ဟု ဆိုထားသော်လည်း ယနေ့ခေတ် မြို့ကြီးသားများ၊ နိုင်ငံကြီးသားများပင် ဗြဟ္မဏဝါဒမှာလာသည့် တန်းခိုးကြီး မဟေသရ ဖန်ဆင်းရှင် ဗြဟ္မာဗိဿနိုးများကို ကိုးကွယ်ခြင်း၊ ဝိဇ္ဇာ၊ ဘိုးတော်၊ နတ်ဒေဝါများကို ပူဇော်သခြင်း များကို ခေတ်စားနေကြပါ၏။ ထေရဝါဒဗုဒ္ဓဘာသာကို ကိုးကွယ်သူ စစ်စစ်ဟုပင် မိမိကိုယ်ကို ပြောရန် ခက်လိမ့်မည်ထင်၏။ မိမိ၏လက်တွေ့ကံတရား၏ အကျိုးပေးမှုကို ပစ်ပယ်ထားပြီး ယင်းကဲ့သို့ နတ်ဒေဝါစသည်များကို ပူဇော်ပသခြင်းမှ တစ်စုံတရာ အကျိုးထူးတွေ့ကြုံခံစားရသည်ဟု ထင်ယောင်မှားတတ်ကြ၏။ ထိုကဲ့သို့ အကျိုးပေးခဲ့သော် ယင်းအကျိုးပေးမှုသည် ပူဇော်ပသမှုကြောင့်မဟုတ်ဘဲ "မိမိ၏ မမြင်နိုင်သည့် ရှေးကံဟောင်းတွေ၊ ကံဟောင်းစားတွေ" ဟုပင်ဆိုရမည်ဖြစ်၏။
ကံသာပဓာနဟု ဆိုခဲ့ပြီးဖြစ်သော်လည်း ယင်းကံကို မြတ်ဗုဒ္ဓက အရင်းမူလ ပဓာနအခြေခံ အဖြစ်သာ ဟောကြားခဲ့ခြင်း ဖြစ်၏ ။ " အရင်းဆိုသည်မှာ" အရောင်းအဝယ် စီးပွားရေးသမားများအဖို့ "အရင်းအနှီးမျှသာ" ဖြစ်၏။ စိုက်ပျိုးရေးသမားများအနေနဲ့ မျိုးစေ့သဘောလောက်ပင် ဖြစ်၏။ စည်းပွားချမ်းသာ တိုးတက်ဖို့ လောကစည်းစိမ်အမျိုးမျိုး ကြီးပွားဖို့ဆိုလျှင် ယင်းအရင်းအနှီးကို အခြေခံလျက် ဥာဏ်၊ဝီရိယ၊ ပယောဂ စသည်များကိုလည်း အကောင်ထည်ဖော်ပေးရမည် ဖြစ်၏။ မည်သည့် မျိုးစေ့မျှ စိုက်ပျိုးရေးသမား၏ အားထုတ်မှု မပါဘဲ သူချည်းသက်သက် ပေါက်ရောက်သီးပွင့်နိုင်လိမ့်မည် မဟုတ်သကဲ့သို့ မည်သည့်အရင်းအနှီးမျှ စီးပွားရေးပညာမျက်စိ၊ ကြိုးစားအားထုတ်မှု ဝီရိယ မပါလျှင် တိုးတက်ကြီးပွားလာ လိမ့်မည် မဟုတ်။ မိမိလုပ်ကိုင်မည့် အလုပ်နှင့်ပတ်သက်သည့် လိုအပ်သော အရည်အချင်း အသိပညာ လုံ့လဝီရိယ ပယောဂတို့ လိုအပ်လှပေ၏။ မန်လည်ဆရာတော်ကြီး၏ မဃဒေဝလင်္ကာသစ် စာပိုဒ် ၂၄၅ မှာ
" ကံဟုမူလ၊ သမ္ဗုဒ္ဓတို့၊ ပြောပြသည်မှာ၊ အရင်းသာရှင့်၊ ဥစ္စာဘောဂ၊ ဇီဝိတနှင့်၊ သုခပွားရန်၊ ဤလူ့ဌာန်၌၊ ဥာဏ် ဝီရိယ၊ ပယောဂတည်း" ဟု ဆုံးမတော်မူ၏ ။
ထို့ပြင် ကာလဒေသ အချိန်အခါ တို့ကို ဝေဖန်သုံးသပ်နိုင်စွမ်းရှိပြီး ကြိုးစားအားထုတ်ပါက မူလဘူတ အရင်းအနှီးများ တိုးပွားစည်ပင်လာနိုင်၏။ ဤအရာနှင့်စပ်၍ မန်လည်ဆရာတော်ကြီးကပင် မဃဒေဝလင်္ကာ၌….
" ကာလဒေသ၊ပုဂ္ဂလကို၊ နှိုင်းဆအပ်တုံ၊ ကံကိုယုံ၍၊ မီးပုံအတွင်း၊ မဆင်းထိုက်စွာ၊ ကျားရဲရာလည်း၊ ကြမ္မာအကြောင်း၊ မရိုးကောင်းဟု၊ သူဟောင်းရှေးက၊ ဆိုကုန်ကြ၏" ဟု မိန့်တော်မူထား၏။
 မှန်ပါ၏။ မီးဆိုသည်မှာ ပူလောင်တတ်သည့်သဘောရှိပါလျှက် အသိဥာဏ်မရှိဘဲ မီးပုံထဲခုန်ဆင်းကာ လောင်သောအခါမှ " ငါ့နှယ် ကံဆိုးလိုက်လေချင်း" ဟု မပြောသင့်ပေ။ ထို့အတူ ဥပုသ်စောင့်သောကျားဆိုတာ လောကမှာ မရှိ၊ ကျားကိုက်တတ်သည့်တောထဲကို အကာကွယ်မဲ့ သွားပါက ကျားကိုက်ခံရတာမျိုးကိုလည်း ကံကိုလှည့်မချသင့်ပေ။ မိမိ၏ အသိဥာဏ်မဲ့မှုပင် ဖြစ်၏။ ကြိုးစားမှု လုံးလ ပယောဂသည်လည်း အသိဥာဏ်ယှဉ်နိုင်မှ မှန်ကန်သည့် အားထုတ်မှုဟု ဆိုရမည်ဖြစ်၏။ မြန်မာစကားပုံတို့၌ " မိုးလွန်မှ ထွန်ချ၊ သူခိုးပြေးမှ ထိုးခွင်းထ" ဆိုတာမျိုးတို့သည် လုံ့လပယောဂ မှန်ကန်မှု မရှိသည်ကို ပြသနေ၏။ လသာတုန်း ဗိုင်းငင်၊ မိုးရွာတုန်းရေခံ ဆိုသလို အချိန်အခါအလိုက် ဥာဏ်ယှဉ်ကာ လုပ်ဆောင်ရမည် ဖြစ်၏။ လုံ့လပယောဂသည် ဥာဏ်ကူလို့ မှန်ကန်မှု မရှိဘဲ လုပ်ဆောင်ပါက မိမိလုပ်ဆောင်ချက် မအောင်မြင်လျှင်လည်း ကံကြမ္မာကိုချည်း ရိုးမယ် မဖွဲ့အပ်ပေ။ ဤအရာနှင့်ပတ်သက်ပြီး မန်လည်ဆရာတော်ကြီးက
"လုံ့လမထူ၊ ဥာဏ်မကူဘဲ၊ အယူတစ်ချောင်း၊ ကံတစ်ကြောင်းမျှ၊ မကောင်းလည်းကံ၊ ကောင်းလည်းကံဟု၊ ကံကိုချည်းသာ၊ မကိုးရာဘူး၊ ပညာဥာဏ်ဖြင့်၊ သင့်မသင့်ကို၊ အခွင့်ရှု့၍၊ အပြုလုံ့လ၊ ရှိအပ်စွာ့တည်း" ဟု လမ်းညွှန်ထား၏။ ပညာဖြင့် သင့်မသင့်ဝေဖန်သုံးသပ်ပြီး အပြုလုံ့လ ပယောဂ မှန်ကန်ပါမှ သမ္မာဝီရိယ (Right Effort) စစ်စစ်ဖြစ်၏။ ထို မှန်ကန်သည့် ဝီရိယမျိုးကသာ အထူးသဖြင့် ကံအကျိုးကို ပိုမိုဖန်တီးပေးနိုင်စွမ်းရှိ၏။ လုံ့လပယောဂကို ဥာဏ်မကူသည့် ဖြစ်အင်ကို ဆရာတော်ကြီးက
" တံငါလက်တွင်း၊ ရောက်လျင်းတုံငြား၊ သုံးကောင်ငါးကို၊ မှတ်သားဝမ်းထဲ၊ နည်းယူစွဲလော့" ဟု သတိပေးဆုံးမတော်မူ၏။
မြစ်အတွင်းမှာ လှေဖြင့် ပိုက်ကွန်ပစ် ငါးဖန်းသည့် တံငါသည်တစ်ယောက်က ငါးသုံးကောင်မိ၏။ ထိုငါးသုံးကောင်တို့ကို လှေဝမ်းထဲ၌ ရေစပ်စပ်ထည့်ပြီး လွှတ်ထားလိုက်၏။ ထိုတွင် တစ်ကောင်သော ငါးသည် လှေထဲရောက်နေပြီဆိုတာ သိသောကြောင့် အသက်ဘေးမှ လွတ်အောင် ခုန်၏။ လှေနှုတ်ခမ်းကို မကျော်နိုင်တော့ ရေပြင်ထဲ မရောက်ဘဲ လှေဝမ်းတွင်းပင် ပြန်ပြန်ကျနေ၏။ အကြိမ်ကြိမ်ကြိုးစား ခုန်သော်လည်း သူ့၏အားထုတ်မှု အရာမရောက်၊ ကြာတော့ တံငါသည် သိသွားကာ စိတ်တိုသွားပြီး လှေတက်နှင့် ရိုက်သတ်ခံလိုက်ရ၍ သေရရှာလေ၏။
တစ်ကောင်သောငါးကလည်း "ငါတော့ ကံကောင်းလို့ ခုထိမသေသေးတာ၊ ကံကောင်းရင် နောင်လည်း ငါမသေနိုင်ဘူး၊ အချိန်တန်ရင် လွတ်မှာဘဲ၊ လွတ်အောင် အားထုတ်စရာ မလိုဘူး၊ ဒီအတိုင်းပဲ အေးအေးလူလူ မှိန်းလျက် လှေဝမ်းဗိုက်ထဲမှာ ငြိမ်နေတာ အကောင်းဆုံးဘဲဟု" ဆုံးဖြတ်လျက် အိမ်ထိပါသွားကာ ဟင်းစားဖြစ်သွားလေတော့၏။
တစ်ကောင်သော ငါးမှာမူ အခြေအနေ အခွင့်အခါကိုကြည့်လျက် ဥာဏ်ယှဉ်ကာ အသက်ရှင်လွတ်မြောက်အောင် အားထုတ်ဖို့ စိုင်းပြင်းနေ၏။ ပင်လယ်ပြင် လှိုင်းအပုတ်၊ လှေအလူး၊ လှေနှတ်ခမ်း ရေပြင်နှင့် ညီခမန်းဖြစ်လုနီးအချိန်မှာ တရှိန်ထိုးအားစိုက်ခုန်ချလိုက်တော့ တစ်ခါတည်း ရေထဲပြန်ရောက်သွားကာ အသက်ဘေးမှ ချမ်းသာရလေ၏။
ဤငါးသုံးကောင်တို့တွင် ပထမငါးသည် လုံ့လရှိ၏၊ ဥာဏ်မကူသဖြင့် အသက်ဆုံးရ၏။ သမိုင်းကြောင်းကောင်းလှသော်လည်း လိုရာခရီး မရောက်ခဲ့ပေ။ ဒုတိယငါးကတော့ လုံးလလည်း မထူ ဥာဏ်လည်း မကူသဖြင့် သေပွဲဝင်ရသည်ကိုတော့ အထူးဆိုဖွယ်မရှိ။ တတိယငါးသည် အတုယူထိုက်သည့် နမူနာပင်ဖြစ်၏။ လုံ့လဝီရိယ ပယောဂ မှန်ကန်ပြီး ဥာဏ်ကူလိုက်နိုင်သည့်အတွက် ဆက်လက် အသက်ရှင် ရပ်တည်ခွင့် ရနိုင်ခြင်းဖြစ်၏။
အထက်တစ်နေရာမှာ ဆိုခဲ့ပြီးသည့်အတိုင်း စက္ကသုတ်လာ "အတ္တသမ္မာပဏိဓိ- မိမိစိတ်ကို ကောင်းစွာတည်ဆောက်ထားနိုင်ခြင်း" ဆိုသည်မှာ ယခုဆိုခဲ့ပြီး ဥာဏ်၊ ဝီရိယ၊ လုံ့လပယောဂ တို့ ဟန်ချက်ညီညီ အထောက်အကူ မှန်မှန် ဆင်ခြင်သုံးသပ်နိုင်စွမ်း အားထုတ်နိုင်စွမ်းများ ပြည့်စုံအောင် ကြိုးစားအားထုတ်ခြင်းဟု ဆိုနိုင်၏။  ဤအချက်များကို ပြည့်စုံအောင် အားထုတ်မှု မရှိဘဲ အရာရာမှာ အောင်မြင်မှု မရှိပါက ကံကိုချည်း ပုံမချသင့်ပေ။
ရန်ကုန်သီတဂူဗုဒ္ဓတက္ကသိုလ်မှာ ၂၀၁၂ ခု၊ အောက်တိုဘာ ၆ ရက်၊ နံနက် ၈ နာရီမှ ၉ နာရီ အထိ တစ်နာရီအချိန်တိုလေးအတွင်းမှာ အဘိဓမ္မာသင်တန်းသူ သင်တန်းသား လူပုဂ္ဂိုလ်များအား နိဂုံးချုပ်အနေအာဖြင့် ကံတရား၏ကိစ္စ လုပ်ငန်းဆောင်တာ ဆောင်ရွက်ချက်အစွမ်းဖြင့် ကွဲပြားခြားနားသော ကံလေးပါးကို နိဂုံးချုပ်လျက် ထိုနေ့သင်တန်း သိမ်းဖြစ်ခဲ့၏ ။ ပဋိသန္ဓေ ပဝတ္တိအခါ ပစ္စုပ္ပန်ကံများ အကျိုးသစ်တွေကို ဖြစ်စေနိုင်သည့် ဇနကသတ္တိ ရှိသောကံ၊ သူကိုယ်တိုင် အကျိုးတိုက်ရိုက် ဖန်တီးပေးနိုင်စွမ်းမရှိသော်လည်း အထူးသဖြင့်အတိတ်ကံဟောင်းတွေကို ကူညီပံ့ပိုးပေးသည့် ဥပတ္ထမ္ဘကကံ၊ ကံတရားတွေကို အကျိုးပေးခွင့် ဆက်လက်ရှင်သန် ရပ်တည်ခွင့်မရအောင် နောက်ကနေ လိုက်လံ ဖိစီးနှိပ်စက်တတ်သောကံ၊ နှိပ်စက်ရုံတင်မကဘဲ အပြီးအပိုင် ကံတရားတို့ စွမ်းရည်သတ္တိကို နာလန်မထူနိုင်အောင် ဖျက်ဆီးသတ်ဖြတ်ပစ်လိုက်သည့်ကံ ဟု အဘိဓမ္မာလာ ကမ္မစတုက္က သင်ခန်းစာလေးဖြင့် အဆုံးသတ်ကာ တစ်ခန်းရပ်လျက် Ahhidhamma Class သင်တန်းကို ထိုနံနက်ခင်းအတွက် ရပ်နားလိုက်ပါတော့သည်။
အားလုံးကို ကျေးဇူးတင်ပါသည်။
မေတ္တာဖြင့်
ဒေါက်တာ သုတာစာရာလင်္ကာရ (မေ့သားလှ-ဇလဂ္ဂ)