မြတ်ဗုဒ္ဓခေတ် တိုင်းကြီး ၁၆ တိုင်း

မြတ်ဗုဒ္ဓခေတ် တိုင်းကြီး ၁၆ တိုင်းနှင့် ယင်းတိုင်းဒေသကြီး ၁၆ ခုတို့၌ ဖြစ်ပျက်ခဲ့သည့် အကြောင်းအရာများကို တစေ့တစောင်းလေ့လာခြင်း

သင်တန်းအမှတ်စဉ်(၁)

ရန်ကုန် သီတဂူဗုဒ္ဓတက္ကသိုလ်တွင် Fundamental Buddhism အဖြစ် လူပုဂ္ဂိုလ်တို့အား  သောကြာ စနေ တနင်္ဂနွေ နေ့များတွင် ပထမဆင့် ဒုတိယဆင့် တတိယဆင့် ဟု အဆင့် သုံးဆင့် သင်ကြားပို့ချနေရာတွင် စာရေးသူသည် ပထမဆင့်နှင့် ဒုတိယဆင့်တို့တွင် သင်ပေးနေရ၏။ ဒုတိယဆင့်တွင် သာသနသမိုင်း ဘာသာကို တာဝန်ယူပို့ချရ၏။ မိမိ၏ သာသနသမိုင်းနှင့် ဆက်စပ်သည့် ပို့ချစဉ်လေးများကို မှတ်စုမှတ်တမ်းအဖြစ် မှတ်တမ်းတင်ခြင်းမျှသာ ဖြစ်၏။

မြတ်ဗုဒ္ဓခေတ် ထင်ရှားကျော်ကြားသည့် တိုင်းကြီး ၁၆ တိုင်းတို့ကို အင်္ဂုတ္တရနိကာယ် ဥပေါသထသုတ်(အံ-ပ ၂၁၃) တွင် တွေ့ရ၏ ။ ယင်းတိုင်းကြီး ၁၆ တိုင်းမှာ ၁။ အင်္ဂတိုင်း၊ ၂။ မာဂဓတိုင်း၊ ၃။ ကာသိတိုင်း၊ ၄။ ကောသလတိုင်း၊ ၅။ ဝဇ္ဇီတိုင်း၊ ၆။ မလ္လာတိုင်း၊ ၈။ စေတီတိုင်း၊ ၉။ ဝံသတိုင်း၊ ၁၀။ ကုရုတိုင်း၊ ၁၁။ ပဉ္စာလတိုင်း၊ ၁၂။ မစ္ဆတိုင်း၊ ၁၃။ သူရသေနတိုင်း၊ ၁၄။ အဿကတိုင်း၊ ၁၅၊ အဝန္တိတိုင်း၊ ၁၆။ ဂန္ဓာရတိုင်း၊ ၁၆။ ကမ္ဘောဇတိုင်း ဟု တိုင်းဒေသကြီး ၁၆ ခုကို တွေ့ရ၏ ။

(နိယံ- အင်္ဂနှင့်၊မဂဓာ၊ ကာသိ-ကောသလာနှင့်၊ ဝဇ္ဇီပါ မလ္လာပြ၊ စေတိယပါ၊ ဝံသနှင့် ကုရုတဖြာ၊ ပဉ္စာလာ မစ္ဆော၊ သူရသေ အဿကာနှင့်၊ အဝန္တီ ဂန္ဓာရရယ်၊ ကမ္ဘောဇနှော။)။

သေယျထာပိ ဝိသာခေ ယော ဣမေသံ သောဠသာနံ မဟာဇနပဒါနံ ပဟုတရတနာနံ ဣဿရိယာဓိပစ္စံ ရဇ္ဇံ ကာရေယျ၊ သေယျထိဒံ… အင်္ဂါနံ မဂဓာနံ ကာသိနံ ကောသလာနံ ဝဇ္ဇီနံ မလ္လာနံ စေတီနံ ဝံသာနံ ကုရုနံ ပဉ္စာလာနံ မစ္ဆာနံ(မစ္စာနံ) သူရသေနာနံ အဿကာနံ အဝန္တိနံ ဂန္ဓာရာနံ ကမ္ဘောဇာနံ အဌင်္ဂသမန္နာဂတဿ ဥပေါသထဿ ဧကံ ကလံ နဂ္ဃတိ သောဠသိံ။ (ဥပေါသထသုတ်၊ အံ-ပ။ နှာ ၂၁၃)။

ဤဥပေါသထသုတ်၌ မြတ်ဗုဒ္ဓသည် ဝိသာခါကျောင်းအမကြီးအား ဂေါပါလက ဥပုသ် (နွားကျောင်းသား ဥပုသ်)၊ နိဂဏ္ဍဥပုသ်(နိဂဏ္ဍတက္ကတွန်းများ စောင့်ထိမ်းသော ဥပုသ်)၊ အရိယာ ဥပုသ်ဟု ဥပုသ်သုံးမျိုး ဟောထား၏ ။

(၁) ဂေါပါလ-နွားကျောင်းသား ဥပုသ်ဟူသည်မှာ နွားကျောင်းသားတို့မည်သည် "ယနေ့ ဤမည် ဤမည်သောနေရာ၌ နွားများမြက်စားပြီး မည်သည့်နေရာ၌ နွားများ ရေသောက်လိမ့်မည်၊ စားကျက်ကျောင်းမည်" ဟု နွားကျောင်းသားများ ရေကြည်ရာမျက်နုရာ နွားစားကျက်ရှိရာတို့၌ နွားလိုက်ထိန်းကျောင်းသကဲ့သို့ " ဥပုသ်သည်သည်လည်း ယနေ့ မည်သည့် စားဖွယ်သောက်ဖွယ်ကို စား၍ မနက်ဖန်၌ မည်သည့် စားဖွယ်သောက်ဖွယ် အမယ်မယ်ကို စားသောက်မည်" ဟု အစားသောက်နှင့် လောကီရေးရာများကို ကြံစည်နေ၏။ ထိုကဲ့သို့သော ဥပုသ်သီလကို ဂေါပါလဥပုသ်-နွားကျောင်းသား ဥပုသ်ဟု ခေါ်၏။ ယင်းဂေါပါလဥပုသ်သည် လုံးဝအကျိုးမရှိသည်တော့မဟုတ်။ ထိုက်သင့်သော အကျိုးရှိသော်လည်း ကြီးမြတ်သော အကျိုးမရှိ။

(၂) နိဂဏ္ဍဥပုသ်ဟူသည်မှာ နိဂဏ္ဍတက္ကတွန်းတို့သည် ယူဇနာ တရာအတွင်း၌ ရှိကြကုန်သော တိရစ္ဆာန်များကို မသတ်ဖြတ်ကြ၊ ယူဇနာတရာ ပြင်ပရှိသော သတ္တဝါများကိုသာ သတ်ဖြတ်လေ့ရှိကြ၏။ ထိုကဲ့သို့ နိဂဏ္ဍတက္ကတွန်းတို့ ကျင့်သုံးဆောက်တည်သည့် ဥပုသ်မျိုးကို နိဂဏ္ဍဥပုသ်ဟု ခေါ်၏။

(၃) အရိယာဥပုသ်ဟူသည် အရိယာသူတော်ကောင်းတို့ ကျင့်သုံးသော ဥပုသ် သို့မဟုတ် အရိယာသူတော်ကောင်းတို့ကို အတုယူ စောင့်သုံးသော မြတ်သော ဥပုသ်ကို အရိယာဥပုသ်ဟု ခေါ်၏။ ယင်းဥပုသ်သည် (၁) ဗြဟ္မုပေါသထ (ဘုရားရှင်သည် ဤနေရာ၌ ဗြဟ္မာမည်၏။ ရှစ်ပါးသီလခံယူပြီး ထိုဗြဟ္မမည်သော မြတ်ဘုရား၏ ဂုဏ်တော်များကို အာရုံပြု၍ နေခြင်းကို ဗြဟ္မဥပုသ်ဟုခေါ်၏)၊ (၂) ဓမ္မုပေါသထ (ယင်းကဲ့သို့ တရားဂုဏ်တော်အာရုံပြု နေခြင်းကို ဓမ္မဥပုသ် ဟုခေါ်၏။)၊ (၃) သံဃုပေါသထ (သံဃာ့ဂုဏ်တော်များကို အာရုံပြု၍ နေခြင်းကို သံဃဥပုသ် ဟုခေါ်၏)၊ (၄) သီလုပေါသထ (မိမိသီလကို မကျိုးမပေါက်အောင်စောင့်ထိန်းပြီး မိမိသီလကို အာရုံပြု ဝမ်းမြောက်ပီတိဖြစ်နေခြင်းကို သီလဥပုသ် ဟုခေါ်၏)၊ (၅) ဒေဝတုပေါသထ (နတ်ပြည် ဗြဟ္မာ့ပြည်၌ရှိသော နတ်ဗြဟ္မာတို့သည် လူ့ဘဝတုန်းက သဒ္ဓါ သီလစသော သူတော်ကောင်းတရားနှင့် ပြည့်စုံကြသောကြောင့် တမလွန်ဘဝရောက်သောအခါ နတ်ပြည် ဗြဟ္မာ့ပြည်၌ ဖြစ်၍ ချမ်းသာစွာနေရ၏။ ထိုသို့သော သူတော်ကောင်းတရားများ ငါ့မှာလည်းရှိ၏။ သူတော်ကောင်းတရားများနှင့် ပြည့်စုံရခြင်းသည် ငါ့အတွက် နောင်ရေး စိတ်ချရ၏။ လူဖြစ်ကျိုးနပ်လေစွဟု နတ်တို့ကို သက်သေအရာထားကာ မိမိ၏ သီလစင်ကြယ်ပုံ သူတော်ကောင်းဖြစ်ပုံ မိမိကိုယ်ကို နောင်ရေးအတွက် ကျေနပ်စိပ်ချရပုံကို ဆင်ခြင်ဝမ်းမြောက် ကျေနပ်နေနိုင်ခြင်းကို ဒေဝတာဥပုသ် ဟုခေါ်၏)၊ (၆) အဌင်္ဂိကုပေါသထ (ယနေ့ခေတ် ဥပုသ်နေ့များ၌ စောင့်သုံးနေကြ ရှစ်ပါးသီကို အဌင်္ဂိက ဥပုသ်ဟုခေါ်၏။)၊

ဤကဲ့သို့ ဘုရားဂုဏ် တရားဂုဏ် သံဃာ့ဂုဏ် မိမိ၏ သီလနှင့် သူတော်ကောင်းဥစ္စာ ခုနစ်ပါးတို့ကို အောက်မေ့ဆင်ခြင်ကာ ဥပုသ်စောင့်သုံးခြင်းကို မြတ်သော အရိယာဥပုသ်ဟုခေါ်၏။ ဤကဲ့သို့ အင်္ဂါရှစ်ပါးနှင့် ပြည့်စုံသော သီလရှိသူ၏ ဥပုသ်စောင့်ရကျိုးသည် အထက်ပါ ဆိုအပ်ခဲ့ပြီးသော တိုင်းကြီး ၁၆ တိုင်းကို အစိုးရသော ရတနာပေါင်းမြောက်မြားစွာရှိသော တိုင်းကြီး ၁၆ တိုင်းကို အစိုးရသော ဘုရင်မင်းတို့၏ စည်းစိမ်ထက် မြောက်များစွာ သာလွန်၏။ ဥပုသ်သီလကျိုး ၁၆ ပုံရင် တစ်ပုံပင်လျှင် တိုင်းကြီး ၁၆ တိုင်းကို အစိုးရသောမင်းစည်းစိမ်သည် ထိုဥပုသ်သီလ၏ အကျိုးကို လိုက်၍ မမှီနိုင်ဟု မြတ်စွာဘုရားက ဟောခဲ့၏။

မှတ်ချက်။ ။  မြတ်ဗုဒ္ဓဟောကြား တိုင်းကြီး ၁၆ တိုင်းမှာ စည်ပင်သာယာဝပြောသော်လည်း အုပ်ချုပ်စိုးစံသည့် ဘုရင်တို့ကား တချို့တိုင်းငံတို့၌ သီးခြားမရှိကြ။ လက်အောက်ခံ မြို့စားများသာ ရှိကြ၍ မထင်ရှားကြ။ ကာသိတိုင်း ဗာရာဏသီ မြို့တော်ကြီးမှာ ပိဋကတ်စာပေ ဇာတ်နိပါတ်တော်နှင့် သက္ကဋကျမ်းစာများ၌လည်း ထင်ရှားကျော်ကြားခဲ့သော်လည်း မြတ်ဗုဒ္ဓလက်ထက်တော်အခါမှာ ယင်း ကာသိတိုင်းသည် ကောသလတိုင်းနှင့် မာဂဓတိုင်း၏ လက်အောက်ခံ တိုင်းတစ်ပါး အဆင့်သာ ရှိပေ၏။ သို့သော် ကာသိတိုင်း၏ မြို့တော် ဗာရာဏသီမြို့တော်ကြီးမှာ ယသသူဌေးသား၊ သူ့၏ သူငယ်ချင်း ဝိမလ၊ သုဗာဟု၊ ပုဏ္ဏဇိ၊ ဂဝမ္ပတိဟူသော သူဌေးသား လေးယောက် နှင့် အခြားသူငယ်ချင်း အယောက် ငါးဆယ်တို့ သာသနာဝင်ရောက်လာပုံကို ဝိနည်းပိဋကတ် မဟာဝါပါဠိတော်နှင့် သုတ္တန်ဒေသနာတော်များကို ထောက်ဆသောရလျှင် ချမ်းသာကြွယ်ဝသည့် မြို့တော်ကြီး ဖြစ်ကြောင်း သိနိုင်၏။

အင်္ဂတိုင်းသည် ဘုရင်းရှင် မပွင့်ပေါ်တော်မူခင်ကပင် မဟာဂေါဝိန္ဒပညာရှိကြီးက ဖန်တီးတည်ထောင်ခဲ့သည်ဟုပင် ဆိုထားသောလည်း ဗုဒ္ဓလက်ထက်၌ လက်အောက်ခံ ဘုရင်ခံ မြို့စား အုပ်ချုပ်သော နယ်မြေ တိုင်းဒေသတစ်ခုသာ ဖြစ်၏။ သုို့သော် ယင်းအင်္ဂတိုင်းမှာ အလွန်တရာ သုံးမကုန်အောင် ပေါကြွယ်ဝလှသည့် အမိတဘောဂီ မဟာသာလ ဖြစ်ကြကုန်သော် ဗြဟ္မဏမဟာသာလ(ပုဏ္ဏားသူကြွယ်)၊ ဂဟပတိ မဟာသာလ(အိမ်ရှင်သူကြွယ်) တို့ နေထိုင်ကြသဖြင့် အလွန်စည်ပင် သာယာဝပြောသော မြို့ရွာ နိဂုံးကြီးများ ဖြစ်ကြောင်း မှန်းဆသိနိုင်၏။

ဆက်လက်တင်ပြပါမည်

မေတ္တာဖြင့်

ဒေါက်တာသုတာစာရာလင်္ကာရ(မေ့သားလှ-ဇလဂ္ဂ)