ပါရမီ နတ်မိုး စာအုပ်အတွက် ယဉ်ကျေးလိမ္မာ အမှာစာ

ဗုဒ္ဓဘာသာ၊ ယဉ်ကျေးလိမ္မာ အမှာစာ

ရှေးကျောက်ခေတ်လူသားတို့သည် ကျောက်ခေါင်းကျောက်ဂူများတွင် နေထိုင်ကြပြီး သူတို့၏ ဝမ်းရေးအတွက် လက်တွင်လက်နက်တစ်စုံတရာ ဆွဲကိုင်ကာ အမဲလိုက်ကြ၏။ တောလည်ကျက်စားရသည့် တောနက်ထဲတွင် သူတို့အတွက် အလွန်အန္တရာယ်များရှိနေ၏။ သဘာဝဘေးအန္တရာယ်နှင့် သစ်ကျားဆင်ရိုင်းစသော တောရိုင်းသတ္တဝါတို့၏ ဘေးအန္တရာယ်များကို တွေ့ရနိုင်၏။ ထိုသို့သစ်ကျားဆိုင်ရိုင်းစသော တောရိုင်းသတ္တဝါတို့၏ အန္တရာယ်နှင့် ရင်ဆိုင်တွေ့ကြုံရလျှင် ရှေးကျောက်ခေတ်လူသားတို့အဖို့ တုံ့ပြန်မှုနှစ်မျိုး ဖြစ်နိုင်သည်ဟု ဟားဘတ်တက္ကသိုလ်ဆေးနှင့်စိတ်ပညာရှင် အိပ်ခ်ျဘင်ဆင်က နာမည်ပေးထား၏။ ထို တုံ့ပြန်မှုနှစ်မျိုးကား (Flight or Flight Response) ရင်ဆိုင်မှုနှင့်ထွေးပြေးမှု ဟူသော တုံ့ပြန်မှုတို့ပေတည်း။ သစ်ကျားစသော တောရိုင်းတိရစ္ဆာန်ကို ရင်ဆိုင်တွေ့လျှင် လက်ထဲရှိသော လက်နက်နှင့် ရင်ဆိုင်တိုက်ခိုက် ခံချမလား၊ သို့တည်းမဟုတ် ခံမချဝံ့လျှင် ခြေထောက်အားကိုး ဥာဏ်အားကိုး၍ လွတ်ရာထွက်ပြေးမလား၊ ဤနှစ်ချက်တို့တွင် တစ်ခုခုတော့ ဘေးလွတ်အောင် ရွေးချယ်ရပေမည်။

တောတွင်းဥပဒေသည် အားကြီးသူက အားနွဲ့သူကို အနိုင်ယူတတ်ကြ၏။ မေတ္တာ ကရုဏာတရားများ မထွန်းကားနိုင်။ ဦးချိုရှိသူက ဦးချိုမဲ့သူကို အနိုင်ယူသည်။ ခြေသည်းလက်သည်းရှိသူက ခြေသည်းလက်သည်းမဲ့သူကို အနိုင်ယူသည်။ ယင်းအပြုမူသည် ယဉ်ကျေးမှုကင်းမဲ့သော လောကတွင် မဆန်းပေ။ ကြောင်သည် ခွေးနှင့် ရင်ဆိုင်ရသည့်အခါ သူ့ခါးလေးကိုကုန်း၊ အမွှေးတွေ ထောင်၊ ပါးစပ်ဖြဲ၊ တခွီးခွီးဖြင့် အသံကုန်အော်ဟစ်ကာ ရင်ဆိုင်၊ ထွက်ပြေး တုံ့ပြန်မှုကို ပြသပေသည်။ ကျောက်ခေတ်လူသားတို့သည်လည်း အားကြီးသူနှင့် ရင်ဆိုင်ရသောအခါ ယင်းကို ယှဉ်ပြိုင်နိုင်သော လက်နက်ကိရိယာတန်ဆာရှိလျှင် ရင်ဆိုင်၏။ မရှိလျှင် လွတ်အောင် ထွက်ပြေး၏။ ထိုကျောက်ခေတ်လူသားတို့၏ ယဉ်ကျေးမှုသည် သိသိသာသာ မထွန်းကားလှသေး။ လူနှင့်တိရစ္ဆာန် သိပ်မကွာခြားလှ၊ အနည်းငယ်လောက်ပင် ကွာခြားနိုင်သည်။ ကြီးနိုင်ငယ်ညှင်း သံသရာဝဋ်အတွင်း လည်နေကြ၏။ ယဉ်ကျေးမှုထွန်းကားလာသောအခါ ဥာဏ်ပညာသည် လောကကြီးကို ရှေ့ဆောင်လာသည်။ သတ္တဝါအသီးသီးအနက် ဥာဏ်ရှိသော လူသားသည် လောကကြီးကို အကောင်းအဆိုး အရာရာဖန်တီးလာတော့၏။

ဘီစီခြောက်ရာစုသည် လောကလူသားတို့အတွက် အသိဥာဏ်အထွန်းလင်းဆုံး၊ ယဉ်ကျေးမှု အထွန်ကားဆုံးဖြစ်ပေမည်။ အဘယ်ကြောင့်ဆိုသော် မဟာလူသား အသိဥာဏ်ပိုင်ရှင် ဘုရားရှင်သည် ထိုရာစုနှစ်တွင် ပွင့်ပေါ်တော်မူခဲ့သောကြောင့်ပေတည်း။ မြတ်ဗုဒ္ဓသည် မယဉ်ကျေးသည့် နတ်လူဗြဟ္မာသတ္တဝါတို့ကို ယဉ်ကျေးလိမ္မာအောင် ဆုံးမတော်မူ၏။ ရိုင်းစိုင်းလှသည့် နာဠာဂီရိဆင်၊ ရက်စက်ကြမ်းတမ်းလှသည့် အာဠာဝကဘီလူး၊ သူခိုးဓားပြကြီး အင်္ဂုလိမာလတို့ကို ယဉ်ကျေးလိမ္မာအောင် အတုမရှိ ဆုံးမတော်မူခဲ့၏။ ထိုကြောင့် မြတ်ဗုဒ္ဓကို အနုတ္တရော ပုရိသဒမ္မသာရထိ- အမြတ်ဆုံး အတုမရှိ ယဉ်ကျေးလိမ္မာအောင် ဆုံးမနိုင်စွမ်းရှိသူဟု အံ့ချီးဖွယ်ဂုဏ်ဖြင့် ချီးကျူးအပ်ပေတော့၏။ မြတ်ဗုဒ္ဓသည် ဓမ္မဖြင့်သာလျှင် သတ္တဝါတို့ကို ယဉ်ကျေးအောင်ဆုံးမတော်မူခဲ့၏။ ဓမ္မသည်ပင်လျှင် ဗုဒ္ဓဘာသာ ယဉ်ကျေးမှုစစ်စစ် ဖြစ်၏။

မြတ်ဗုဒ္ဓချမှတ်တော်မူခဲ့သည် ယဉ်ကျေးမှုကို ဗုဒ္ဓဘာသာဝင်တို့က အဆင့်ဆင့် လက်ဆင့်ကမ်းခဲ့ကြ၏။ ပထမမြန်မာနိုင်ငံတော်ကြီးကို အနော်ရထာမင်းမြတ်သည် ရှင်အရဟံမထေရ်မြတ်၏ အကူအညီဖြင့် ဗုဒ္ဓယဉ်ကျေးမှုကို အခြေခံလျက် ဖော်ဆောင်တည်ဆောက်ခဲ့၏။ ထို့ကြောင့် ကိုးကွယ်သည့် ဘာသာနှင့် လူမျိုးကို ပေါင်းစပ်ကာ ဗုဒ္ဓဘာသာမြန်မာလူမျိုးဟု ကမ္ဘာတွင် မော်ကွန်းထိုးနိုင်သည်အထိ ဗုဒ္ဓဘာသာယဉ်ကျေးမှု လွှမ်းခြုံမှုကြောင့် ရှေးခေတ် ဘိုးဘေးဘီဘင်မှသည် ယနေ့ခေတ် မိဘပြည်သူများအထိ ယဉ်ကျေးကြ၏။ သိမ်မွေ့ကြ၏။ အပြန်အားဖြင့် ဗုဒ္ဓဘာသာ ယဉ်ကျေးမှု လွှမ်းခြုံမှုမှု မရှိသော မြန်မာနိုင်ငံလူမျိုးပေါင်း ၁၃၅ မျိုးမှ ပေါက်ဖွားလာသော တိုင်းရင်းသား ဘိုးဘွားဘီဘင်မှသည် ယနေ့ခေတ် မိဘများတိုင်အောင် ယဉ်ကျေးသိမ်မွေ့ခဲ့ကြသည်ဟု မဆိုနိုင်ပေ။

မြန်မာ့ယဉ်ကျေးမှုသည် ဗုဒ္ဓယဉ်ကျေးမှုဖြင့် ကင်းကွာလို့ မရစကောင်း။ ဗုဒ္ဓယဉ်ကျေးမှုဖြင့် မြန်မာနိုင်ငံတော်ကြီး ခေတ်အဆက်ဆက် ရပ်တည်လာခဲ့၏။ ရှေးခေတ်မိဘဘိုးဘွားတို့သည် မြန်မာ့ယဉ်ကျေးမှု၊ ဗုဒ္ဓယဉ်ကျေးမှုများကို တန်ဖိုးထားကာ ထိန်းသိမ်းစောင့်ရှောက်လာခဲ့ကြ၏။ သို့သော် ယနေ့ခေတ်၌ တိုင်းတစ်ပါး ယဉ်ကျေးမှုတို့၏ ထိုးဖောက်စိမ့်ကာ ဝင်ရောက်မှုကြောင့် မြန်မာ့ယဉ်ကျေးသည်ပင် တိုင်းတစ်ပါး Culture-Shock (ယဉ်ကျေးမှုရှော့) နှင့် ရင်ဆိုင်လာနေရ၏။ ထို့ကြောင့် ဗုဒ္ဓဘာသာဝင် လူငယ်မောင်ငယ်ကလေးများသည် မိမိတို့၏ မြန်မာ့ယဉ်ကျေးမှု၊ ဘာသာ ယဉ်ကျေးမှုတို့ကို တန်ဖိုးထားရကောင်းမှန်းမသိကြတော့။ မိမိတို့၏ ယဉ်ကျေးမှုထက်ပင် တိုင်းတစ်ပါးယဉ်ကျေးမှုကို ပိုမိုအထင်ကြီးကာ အတုခိုးကြသော တိုင်းရင်းသား လူငယ်မောင်မယ် ခေတ်ပညာတတ်လေးများသည် အမျိုးသားရေးစိတ်ဓာတ် အခြေမခိုင်တော့ဘဲ မိမိတို့၏ ကိုယ်ပိုင်ယဉ်ကျေးမှုများ ဆုံးရှုံးကာ စာရိတ္တတရားများလည်း ခေါင်းပါးလာကြပေ၏။ ဤသည်ပင်လျှင် တိုင်းတစ်ပါး Culture-Shock ယဉ်ကျေးမှုရှော့လှိုင်းလေထန်လာတော့၏။ တိုင်းတစ်ပါး Culture-Shock ယဉ်ကျေးမှုရှော့ကြီးကြောင့် ဗုဒ္ဓဘာသာ ရဟန်းရှင်လူတို့ အလွန်ပင် စိတ်တုန်လှုပ်ခြောက်ခြား လာကြရ၏။ ရတက်မအေးနိုင်ကြတော့ပေ။  

နိုင်ငံတော်၏ အနာဂတ်ကို ပိုင်ဆိုင်ထားကြသည့် လူငယ်မောင်မယ်များ ကိုယ်ကျင့်တရားကောင်းမွန်ပြီး လိမ္မာယဉ်ကျေးကာ တာဝန်သိသိ တာဝန်ကျေပွန်စွာ နိုင်ငံ့တာဝန်၊ အမျိုးဘာသာ သာသနာ့တာဝန်ကို ထမ်းဆောင်နိုင်မည့် နိုင်ငံ့သားကောင်း သမီးရတနာလေးများ ဖြစ်လာစေရန် တိုင်းပြည်ခေါင်းဆောင်များနှင့်တကွ ဗုဒ္ဓဘာသာ ရဟန်းရှင်လူမိဘ ပြည်သူတစ်ရပ်လုံးက မျှော်လင့်ထားကြ၏။ တိုင်းတစ်ပါး(Culture-Shock and Globalization) ယဉ်ကျေးမှုရှော့လှိုင်းဒဏ် အပြင်းအထန် ခံနေကြရ၊ ယဉ်ကျေးမှုရှော့ လှိုင်းလုံးများအကြားဝယ် နစ်မြုပ်နေကြရသော လူငယ်မောင်ငယ် ယနေ့ခေတ် ဗုဒ္ဓဘာသာဝင် လူငယ်လေးများနှင့် မိမိရင်သွေး သားငယ်သမီးငယ်လေးများကို ဥပုသ်နေ့ ဘုရားကျောင်းကန်နှင့် မစိမ်းရန်၊ ဗုဒ္ဓဘာသာ မြန်မာယဉ်ကျေးမှုများ မတိမ်ကောစေရန် တာဝန်ရှိသည့် လူကြီးမိဘများက မိမိတို့သက်ဆိုင်ရာ ယဉ်ကျေးလိမ္မာပို့ချ ပေးနေသည့် ဘုန်းတော်ကြီးကျောင်းများသို့ သွားရောက်အပ်နှံသင့်ပေသည်။

အကယ်၍ ယနေ့လူကြီးမိဘများက တာဝန်သိစွာ မြတ်ဗုဒ္ဓ၏ယဉ်ကျေးမှုအဆုံးမများကို ခံယူနိုင်ရန် မိမိတို့၏ သားငယ်သမီးငယ်လေးများအား ယဉ်ကျေးလိမ္မာသင်ပေးသည့် ဘုန်းတော်ကြီးကျောင်းများ၊ မြို့ရွာ ရပ်ကွက် ဓမ္မာရုံများသို့ ပို့ဆောင်အပ်နှံ ဆောင်ရွက်မှု မပြုပါက အမျိုးဘာသာ သာသနာ ယဉ်ကျေးမှုနှင့်တကွ တိုင်းပြည်၏ အနာဂတ်အရေးကို ပခုံးပြောင်းတာဝန်ယူကြမည့် မျိုးဆက်သစ် လူငယ်တို့အပေါ်၌ တာဝန်ကျေပွန်ကြလိမ့်မည် မဟုတ်ပေ။ ထို့ကြောင့် ယဉ်ကျေးလိမ္မာသည့် နိုင်ငံသားကောင်း သမီးရတနာများ အဆက်မပြတ်ပေါ်ထွန်းလာနိုင်ရန်နှင့် တိုင်းတစ်ပါး(Culture-Shock and Globalization) ယဉ်ကျေးမှုရှော့လှိုင်းဒဏ် အပြင်းအထန် မခံရစေရန် ရည်သန်လျှက် အကျင့်စာရိတ္တနှင့် ယဉ်ကျေးမှု စိတ်ဓာတ်အခြေခံသော ယဉ်ကျေးလိမ္မာ ဓမ္မကျောင်းတော်များသို့ မိမိတို့၏ သားငယ်သမီးငယ် ရင်သွေးငယ်လေးများကို “အချိန်မီချုပ်၊ အစုတ်သက်သာ” ဆိုသကဲ့သို့ အချိန်မီ ပို့ဆောင်ကြရန် တိုက်တွန်းလိုက်ရပါသည်။

ပညာရိပ်သာဆရာတော်

(သီတဂူ) ဒေါက်တာသုတာစာရာလင်္ကာရ

(မေ့သားလှ-ဇလဂ္ဂ)

၈-၂-၂၀၁၄

ဇာတိမန်(တောင်သူ) ထုတ်ဝေသည့် စာအုပ်အတွက် အမှာစာ

မြတ်ဗုဒ္ဓသည် လေးဆယ့်ငါးနှစ်လုံးလုံး သတ္တဝါအပေါင်းတို့၏ အကျိုးစီးပွားအလို့ငှါ မနေမနား အပင်ပန်းခံ၍ တရားဓမ္မများ ဟောကြားတော်မူခဲ့၏။ နောက်ဆုံးသူကိုယ်တိုင် မရဏန္တိက ဒုက္ခ-ပရိနိဗ္ဗာန်စံလောက်သည့် ဒုက္ခဝေဒနာအပြင်းထန် ခံစားတော်မူနေရသည့် အချိန်မှာပင် သုဘဒ္ဒပရိဗိုဇ်ကြီးအား ရဟန္တာအဖြစ်သို့ ရောက်အောင် တရားဓမ္မများဟောတော်မူခဲ့သည်ကို ထောက်လျှင် မြတ်ဗုဒ္ဓ၏ သတ္တဝါတို့အပေါ်ထားရှိသည့် ကြီးမားမြင့်မြတ်လှသည့် မေတ္တာတရား ကရုဏာတရားများကို ကိုယ်ချင်းစာစိတ်ဖြင့် ခန့်မှန်းကြည့်ပါက အလွန်ပင်ကြည်ညို အားကျမိစရာကောင်းလှပါ၏။

ကျွနိုပ်တို့လူသားတို့သည်လည်း မြတ်ဗုဒ္ဓ၏ မေတ္တာတရား ကရုဏာတရားများကို အားကျအတုယူလျက် မေတ္တာဖြင့် လောကကြီးကို မှန်မှန်ကန်ကန် ချစ်တတ်ဖို့ ကြင်နာတတ်ဖို့လိုအပ်၏။ မျက်ကန်းယုံကြည်သည့် အချစ်မျိုးတော့ မဖြစ်သင့်ပေ။ တစ်ဦးမေတ္တာ တစ်ဦးမှာဆိုသကဲ့သို့ တစ်ဦးအပေါ်တစ်ဦး စစ်မှန်သည့် မေတ္တာစေတနာ ကရုဏာ အပြည့်အဝဖြင့် ပြုမူဆက်ဆံကြလျှင် လောကကြီးသည် အလွန်သာယာငြိမ်းချမ်းလှပေ၏။ ယင်းသို့ စစ်မှန်သည့် မေတ္တာတရား စေတနာတရား ကရုဏာတရားများ မထားရှိနိုင်ပါက မိမိတို့၏ မိသားစုဘဝလးလောက်ပင် သာယာငြိမ်းချမ်းလာနိုင်လိမ့်မည် မဟုတ်ပေ။ မေတ္တာတရားများ ခေါင်းပါးလာကြလျှင် ဒေါသ အာဃာတ ပဋိပက္ခတရားများ ကြီးထွားလာနိုင်၏။ ထိုသို့ ကြီးထွားလာလျှင် တစ်ဦးနှင့်တစ်ဦး တစ်နိုင်ငံနှင့်တစ်နိုင်ငံ တစ်ဘာသာနှင့်တစ်ဘာသာ ပဋိပက္ခ ဝိရောဓိသဘောများပင် ဆောင်နေတတ်ကြပါ၏။ မုန်းတီးမှု ဒေါသ အာဃာတတရားများ အခြေခံကြပါလျှင် မိသားစုရန်ပွဲလေးမှသည် မမျှော်လင့်ဘဲ ကမ္ဘာ့စစ်ပွဲကြီးတွေအထိ ပဋိက္ခတရားများ ကြီးထွားလာတတ်၏။ ထိုကြောင့် မေတ္တာတရားသည် လူမျိုးဘာသာတိုင်း မရှိမဖြစ်လိုအပ်သည့် တရားဖြစ်ပေ၏။

မေတ္တာတရားသည် ဘာသာတရားတိုင်း၏ ငြိမ်းချမ်းရေးသင်္ကေတ ဖြစ်သင့်၏။ ဗုဒ္ဓဘာသာဝင်တို့ ထားရှိရမည့် စစ်မှန်သော မေတ္တာတရားကို ဗုဒ္ဓစာပေ၌ အောက်ပါအတိုင်း ရှု့ထောင့်တစ်မျိုးဖြင့် ဖွင့်ဆိုထား၏။ “ယထာပိ ဥဒကံ နာမ၊ ကလျဏေ ပါကကေ ဇနေ၊ သမံ ဖရတိ သီတေန၊ ပဝါဟေတိ ရဇောမလံ၊ တထေဝ တွံ ဟိတာဟိတေ၊ သမံ မေတ္တာယ ဘာဝယေ။ (ဗုဒ္ဓဝံသ-ဋ္ဌ)။ ရေသည် လူကောင်း လူဆိုး မရွေးချယ်၊ စင်ကြယ်အေးမြခြင်းကို ထပ်တူညီမျှ ဖြန့်ပေးသကဲ့သို့ မိမိအပေါ် အကျိုးပြုသူကိုဖြစ်စေ အကျိုးမဲ့အောင်ပြုသူကိုဖြစ်စေ မေတ္တာကို ထပ်တူညီမျှ ပွားများရမည်ဟု ဆိုထား၏။” မေတ္တာတရားသည် လူမျိုးရေး ဘာသာရေး မခွဲခြားဘဲ သက်ရှိသတ္တဝါအားလုံးတို့ပေါ် အကျိုးစီးပွားလိုလားမှသာ စစ်မှန်သည့် မေတ္တာဖြစ်ပေ၏။

“ဘာသာမတူ ကိုယ့်ရန်သူ” ဟူသော နယ်ပယ်ကျဉ်းမြေင်းလှသည့် အတွေးခေါ် အယူအဆ ဆုံးမချက်မျိုးကို မေတ္တာ၏ နယ်ပယ်တွင် မတွေ့ရှိရပေ။ မိမိတို့၏ ဘာသာအပေါ်၌သာ ကောင်းသည့် ကွက်ကြားမိုးရွာတတ်ခြင်းသည် စစ်မှန်သည့် မေတ္တာ၏ ဆုံးမလမ်းညွှန်မှု သင်္ကေတ မဟုတ်ပေ။ စစ်မှန်သော မေတ္တာတရားမှ သွေဖီမှုပင် ဖြစ်၏။ အမှန်စင်စစ် မေတ္တာတရားသည် မည်သည့်ဘာသာက ပိုင်ဆိုင်ထားသည့် တရားဝင်မူပိုင်မဟုတ်ပါပေ။ အများမူပိုင်ပင် ဖြစ်၏။ ထို့ကြောင့် မည်သည့်ဘာသာဝင်တိုင်းမဆို မေတ္တာတရားလက်ကိုင်ထားကာ လက်တွေ့လိုက်နာကြရပေမည်။ ကမ္ဘာပေါ်ရှိ ငြိမ်းချမ်းရေးကို မြတ်နိုးသည့် ဘာသာဝင်တိုင်း လက်တွေ့ကျကျ လိုက်နာကျင့်သုံးနိုင်ပါမှ ကမ္ဘာလောကကြီး တကယ်ငြိမ်းချမ်းသာယာပေလိမ့်မည် ဖြစ်၏။

ယခုအခါ၌ အချို့သော ဘာသာဝင်တို့သည် စစ်မှန်သည့် မေတ္တာတရား၏ ကောင်းမွန်သော လမ်းစဉ်မှ သွေဖီလျက် မိမိတို့ဘာသာဝင် လူဦးရေ တိုးပွားရေးကိုသာ နည်းမျိုးစုံဖြင့် ဆွယ်နေကြပေ၏။ အထူးသဖြင့် စာဝတ်နေရေးကြပ်တည်းသဖြင့် အသိဥာဏ်နည်းပါးသူတို့သည် ထိုဘာသာဝင်တို့၏ ဆွယ်ရာသို့ ကောက်ကောက်ပါအောင် လိုက်သွားတတ်ကြ၏။ သူတို့ကိုယ်တိုင် တကယ့်စစ်မှန်သည့် ဘာသာတရား၏ ဆုံးမမှုများကို မသိရှာကြပေ။ ဗုဒ္ဓဘာသာသည် သဒ္ဓါပညာမျှတစွာ တည်ဆောက်ထားသော ဘာသာဖြစ်သည်။ အခြားဘာသာများသည် ယုံကြည်မှုတစ်ခုကို အထူးအခြေခံကာ တည်ဆောက်ထား၏။ ဗုဒ္ဓဘာသာသည် ယုံကြည်မှုသဒ္ဓါနှင့် ဝေဖန်ဆန်းစစ် စဉ်းစားနှိုင်းချိန်တတ်မှုပညာ နှစ်ခုလုံးအချိုးညီစွာ တည်ဆောက်ထားသည်ဖြစ်ပါလျက် အမြင်ကျယ်ကျယ် လိုက်နာမှုမရှိကြလျှင် တိုးတက်သင့်သလောက် မတိုးတက်လာနိုင်ပေ။

ကံကောင်းထောက်မစွာ ယခုအချိန်တွင် အမျိုးဘာသာရေးကို စိတ်မအေးနိုင်ကြသည့် ဗုဒ္ဓဘာသာမှ အမြင်ကျယ်သည့် ရဟန်းရှင်လူပုဂ္ဂိုလ်များသည် (ဘက)ဘုန်းတော်ကြီးကျောင်းများ၌ ယဉ်ကျေးမှုသင်တန်းများ ဖွင့်လျက် အသိပညာပေးခြင်း၊ ပရဟိတကျောင်းများ တည်ထောင်ပြီး တောင်ပေါ်ဒေသနှင့် အနယ်နယ်အရပ်ရပ်မှ မိဘမဲ့ကလေးများကို မိမိတို့စွမ်းရာဖြင့် ထိန်းသိမ်းစောင့်ရှောက်ကာ ပညာသင်ပေးခြင်းဖြင့် စားဝတ်နေရေးကြပ်တည်းသည့် ဗုဒ္ဓဘာသာဝင်ရင်သွေးငယ်လေးများ၏ ပညာရေးနှင့်ဘဝနေရေးကို အတန်ငယ်ဖန်တီးပေးနိုင်ခဲ့၏။ ထိုကဲ့သို့ မြန်မာတစ်ဝှမ်းလုံး ကျယ်ကျယ်ပြန့်ပြန့် မလုပ်နိုင်ပါက လက်ခံစောင့်ရှောက်မည့်သူမရှိသည့် မိဘမဲ့ကလေးများနှင့် ဆင်းရဲကျပ်တည်းလှသည့် မိဘများ၏ ဗုဒ္ဓဘာသာကလေးငယ်လေးများသည် ဘာသာခြားဘဝသို့ ရောက်ခြင်းမလှ ရောက်သွားကြပေလိမ့်မည်။

တစ်ချို့နေရာများ၌ ဆင်းရဲသားကလေးသူငယ် မိဘမဲ့ကလေးသူလေးများကိုသာ ဘ-က ကျောင်းများက ကောက်သင်းကောက်သလိုကောက်၍ မူလတန်းကျောင်းစာလောက်ကိုသာ သင်ပေးနေရ၏။ ဗုဒ္ဓဘာသာယဉ်ကျေးလိမ္မာ သင်ပေး၍ ဗုဒ္ဓဘာသာစစ်စစ်ဖြစ်အောင် မနည်းကြိုးစား မျိုးစပ်ယူနေကြရ၏။ မိရိုးဖလာ ဗုဒ္ဓဘာသာမိဘများမှ ပေါက်ဖွားလာသော ကလေးသူငယ်များကို ဘာသာသာသနာနှင့် မဝေးရအောင် မနည်းဆွဲဆောင်ယူနေကြရ၏။ ဗုဒ္ဓဘာသာကိုလည်း ခြေခြေမြစ်မြစ် သိမြင်နားလည်းမှုလည်းမရှိ ဘဝရပ်တည်ရေးအတွက် စားဝတ်နေရေး မပြည့်စုံကြကုန်သော ဗုဒ္ဓဘာသာဝင်အချို့သည်ပင် စာဝတ်နေရေးအတွက် အထောက်အပံ့ရလိုသောကြောင့် အခြားဘာသာ၏ ဖြားယောင်းသွေးဆောင်မှုနောက်သို့ လိုက်ပါသွားကြလေ၏။  ဘာသာ ပြောင်းသွားကြလေတော့၏။

ထို့ကြောင့်  ဗုဒ္ဓဘာသာဝင်တို့သည် အထူးအားဖြင့် မိမိတို့၏ဘာသာဝင်ကလေးများ အခြားဘာသာထဲသို့ မရောက်ရန် မိဘမဲ့ပရဟိတကျောင်းများနှင့် ဆင်းရဲနွမ်းပါးဒုက္ခရောက်နေသူများကို အဓိကထားပြီး မေတ္တာကရုဏာအပြည့်ဖြင့် လှူဒါန်းထောက်ပံ့သင့်ပေသည်။ ဆင်းရဲမှုနွံအတွင်းနစ်မြုပ်နေကြကုန်သော သူတို့ကို မေတ္တာကရုဏာဖြင့် ကူညီထောက်ပံခြင်းသည် မြတ်ဗုဒ္ဓ၏ စစ်မှန်သောလမ်းညွှန်မှုကို လိုက်နာရာလည်း ရောက်ပေသည်။ တဘက်မှလည်း ထိုဆင်းရဲသူတို့ကို အသိပညာဖြန့်ဖြူးပေးနိုင်ပါက တစ်ဦးနှင့်တစ်ဦး တစ်ဘာသာနှင့်တစ်ဘာသာ ပဋိပက္ခ အမုန်းတရားများလည်း ကင်းဝေးလာနိုင်သည်။ အသိပညာဖြင့် စဉ်းစားနှိုင်းချိန်လျက် မေတ္တာတရားဖြင့် အရာရာကို ဖြေရှင်းနိုင်ပေသည်။

ဆောင်းပါးရှင် ဇာတိမန် (တောင်ငူ)သည် ထိုထို ဂျာနယ်များတွင် အမျိုးဘာသာသာသနာအတွက် ဗုဒ္ဓဘာသာဝင်များ အမျိုးဘာသာချစ်တတ်ဖို့၊ မြတ်ဗုဒ္ဓလမ်းညွှန်ထားသည့် မေတ္တာကို ယနေ့မြန်မာနိုင်ငံ လက်ရှိဘာသာကြီးလေးခုထဲမှ မည်သည့်ဘာသာဝင်တွေက လက်ကိုင်ကျင့်သုံးမှု ရှိပုံ မရှိပုံကိုလည်း ကွဲပြားစွာ သိနိုင်အောင် သူစွမ်းရာ ကလောင်ဖြင့် တင်ပြထားသည်ကို တွေ့ရသည်။ ဇာတိမန်(တောင်ငူ)က ထိုထိုအမျိုးဘာသာသာသနာကို အားပေးသည့် ဂျာနယ်များတွင် သူရေးသားခဲ့သည့် ဆောင်းပါးအချို့ကို စာအုပ်လေးထုတ်ချင်သည်။  ဆောင်းပါးရှင်က စာရေးသူအား အမှာစာရေးပေးဖို့ တိုက်တွန်းလာသဖြင့် သူ၏ဆောင်းပါးအချို့ကို ဖတ်ကြည့်ရာ တကယ်ပင် အမျိုးဘာသာသာသနာအတွက် ဇာတ်ိမာန်ပါပါ ရေးသားတင်ပြထားသည်ကိုလည်း တွေ့ရသည်။ မေတ္တာတရားရှေ့ထားကာ အမျိုးဘာသာ သာသာနာ ထိန်းသိမ်းစောင့်ရှောက် ကာကွယ်ရမည်ကို ဇာတိမန်(တောင်ငူ)၏ ဆောင်းပါးလေးများက အသိဥာဏ်ပေးထားသဖြင့် စာဖတ်သူ အမျိုးဘာသာသနာကို တကယ်ချစ်မြတ်နိုးသည့် ဗုဒ္ဓဘာသာဝင်တို့အတွက်လည်း  များစွာ အကျိုးရှိလိမ့်မည်ဟု ယုံကြည်မိပါသည်။ စာဖတ်သူ ဗုဒ္ဓဘဘာသာဝင်တို့သည်လည်း မေတ္တာတရားဖြင့် အခြားဘာသာဝင်တို့အပေါ် ပြုမူဆက်ဆံဖို့ တိုက်တွန်းချင်ပါသည်။ ဘာသာတရား၏ လမ်းညွှန်မှု၌ မေတ္တာဖြင့် ဆက်ဆံလျှင် အရာရာအောင်မြင်ပါသည်။

 စာရေးသူ၏အမှာစာကို ဆောင်းပါးရှင် ဇာတိမန်(တောင်ငူ) တင်ပြထားသည့် အီတာလျံဘုန်းတော်ကြီး ဦးလောကနာထ၏ အဆိုအမိန့်လေးဖြင့် မေတ္တာ၏ တန်ဖိုးကို အကဲဖြတ်နိုင်ဖို့ နိဂုံးချုပ်လိုက်ပါရစေ။။။

“ကမ္ဘာသူ ကမ္ဘာသားအပေါင်းတို့… ဘာသာတရားကို အလေးထားကြလော့ …။

စစ်ကို ဘာသာတရားက တားဆီးနိုင်သည်။ ဘာသာတရားမှတပါး စစ်မီးငြိမ်းရန် နည်းလမ်းမရှိ။ ကမ္ဘာပေါ်တွင် အအောင်နိုင်ဆုံးပုဂ္ဂိုလ်မှာ ဗုဒ္ဓသာလျှင် ဖြစ်သည်။ တုဖက်ပြိုင်ကင်းသော အောင်နိုင်သူကြီးဖြစ်၏။ အယ်လက်ဇန္ဒြား၊ ဆီဇာ၊ နပိုလီယံ စသော စစ်ဘုရင်တို့ကား ကမ္ဘာကို ဒေါသဖြင့် အုပ်စိုးသူများ ဖြစ်၏။ ဗုဒ္ဓကား ကမ္ဘာကို မေတ္တာဖြင့် အုပ်စိုးသူဖြစ်သည်။ အကျွန်ုပ်တို့ ဗုဒ္ဓလမ်းစဉ်ကို လိုက်ကြပါစို့။ ကျွန်ုပ်တို့ကိုယ်တိုင် ကျွန်ုပ်တို့အားလုံး မေတ္တာဒိုင်နမို၊ မေတ္တာဘက်ထရီ၊ မေတ္တာအသံလွှင့်ကြီးများအဖြစ် ပြောင်းလဲကာ စကြာဝဠာတစ်ခုလုံး မေတ္တာဖြင့် ဖုံးလွှမ်းကြပါစို့။ ။

  

 မေတ္တာဖြင့်

(သီတဂူ) ဒေါက်တာသုတာစာရာလင်္ကာရ(သီတဂူ ကထိက)

သီတဂူကမ္ဘာ့တက္ကသိုလ်(ရန်ကုန်)