လူ့ရွာနေရ တဒင်္ဂတွက်
ရင်မှာကျေနပ် အနေမြတ်ဖို့
စိတ်ဓာတ်ပီတိ လွှမ်းခြုံမိလျက်
ဖြူ၏စိတ်ထား နိမ့်ပါးသူကို
မြှင့်တင်လိုသည့်
နှစ်လိုဖွယ်ရာ စေတနာနှင့်
သန့်စင်ကြင်နာ ကရုဏာဖြင့်
ဤကမ္ဘာကြီး ပိုပြီးအေးမြ ငြိမ်းချမ်းကြစေ။
ငြိမ်းချမ်းယဉ်ကျေး မွှေးလည်းမွှေးစေ။
သာယာထွန်းတောက် ပြန့်ဖြူးဖြောင့်စေ။
ပူဆာမီးတောက် ငြိမ်းအေးပျောက်စေ။
ရာသီမိုးလေ မျှလည်းမျှစေ။
ရုပ်ဝါရှု့အီ မအိုမှီမှာ
ပျိုမြစ်နုသည် မနာမှီမှာ
ချိန်ခါရက်ရှည် မသေမှီမှာ
တည်တည်ကြည်ကြည် မြင့်မြင့်မြတ်မြတ်
စိတ်ထားတတ်လျှက်
ပန်းမြတ်ထွေထွေ ကမ္ဘာမြေဝယ်
ပွင့်လည်းပွင့်စေ ကြိုင်လှိုင်ပါစေ။
ထိုက်သင့်ချိန်ခါ ဖူးပွင့်ပါစေ။
စုံဂနိုင်ခြေ တင့်တယ်ပါစေ။
တင့်တယ်သာမော ဘဝတောမှာ
သူရောငါပါ ခုရောနောင်ပါ
ငြိမ်းချမ်းသာအောင်
မေတ္တာမိုးတွေ ရွာသွန်းပါစေ။
သန့်စင်မွန်မြတ် သည်းခံတတ်ပါစေ။
ရင်မှာကျေနပ် ဖြေတတ်စရာ
တွေ့နိုင်ပါစေ တောင်းဆုခြွေ၏။။
သြော်….
လောကဌာနီ လူတို့ပြည်ဝယ်
စိတ်သည်ပဓာန သဘာဝကြောင့်
ပိယစက္ခု မြတ်နိုးမှုဖြင့်
ကြည့်ရှု့တိုင်းသာ အရာရာသည်
ဘယ်ခါမတိမ်း ဘယ်ခါမယိမ်း
အခါခပ်သိမ်း လှလိမ့်တကား။ ။
မေတ္တာဖြင့် (မေ့သားလှ-ဇလဂ္ဂ)
၂၅-၀၃-၂၀၁၁
No comments:
Post a Comment