ကမ္ဘာကျော် နာလန္ဒာတက္ကသိုလ်ကြီး၏ ရွှေရောင်အတိတ်ပုံရိပ်နှင့် လွမ်းမောဖွယ်ရာ

မြန်မာနိုင်ငံမှ မဇ္ဈိမဒေသသို့ လာရောက်ကြသည့် ဘုရားဖူးသူတော်စင်တို့သည် သံဝေဇနိယလေးဌာနသို့ ဘုရားဖူးလာခိုက်တွင် ရှေးဟောင်း ကမ္ဘာကျော် နာလန္ဒာတက္ကသိုလ်ကြီးသို့ မဖြစ်မနေ သွားရောက်လေ့လာကြ၏။ နာလန္ဒာတက္ကသိုလ်အသစ်ရောက်ခိုက် မြန်မာပြည်မှ ပညာသင် မြန်မာနွယ်ဖွား စာသင်သားရဟန်းတော်တို့ (ယခုနှစ် ၉၅ ပါး)အား တွေ့ဆုံးဖူးမြင်ရသောကြောင့် ပျော်ရွှင်ကြည်နူးကြရမည်ဖြစ်သော်လည်း ရှေးဟောင်း နာလန္ဒာတက္ကသိုလ်ကြီးသို့ ရောက်လျှင် သံဝေဇနိယလေးဌာနကဲ့သို့ သံဝေဂယူဖွယ်၊ လွမ်းဆွတ်ကြေကွဲဖွယ် အတိတ်က ပုံရိပ်လွှာများ တရိပ်ရိပ်မြင်ယောင်လာကြပေမည်။

မှန်ပါသည်။ အတိတ်ပုံရိပ်တို့သည် ဝမ်းမြောက်ဖွယ်၊ လွမ်းဆွတ်ဖွယ်ကောင်းသလို ကြေကွဲဖွယ် ခါးသီးလှသည့် ပုံရိပ်လွှာများလည်း ရောပြွမ်းနေတတ်ပါသည်။ လူသားအားလုံးသည် ခါးသီးဖွယ် ပုံရိပ်လွှာများကို မကြိုဆိုကြချင်သော်လည်း လက်တွေ့ဘဝတွင် ခါးသက်သက်၊ ရွံမုန်းစရာကောင်းလှသည့် ပုံရိပ်လွှာများကိုလည်း ထွေးပိုက်ထားတတ်ကြပါသည်။ တချို့သောအတိတ်ပုံရိပ် သမိုင်းကြောင်းတို့သည် တူးဆွလို့ မကုန်နိုင်အောင် များပြားကျယ်ဝန်းလှပါသည်။ ထိုမျှကျယ်ဝန်းများပြားလှသော အတိတ်သမိုင်းအထုပ်ကြီးထဲမှ စာရေးသူ လက်လှမ်းမှီသည့် ရှေးဟောင်း နာလန္ဒာတက္ကသိုလ်ကြီး၏ လွမ်းမောဖွယ်၊ ရင်ခုန်ဖွယ်၊ နှမျောတသဖွယ် နှင့် ကြေကွဲဝမ်းနည်းဖွယ်ရာများကို တင်ပြချင်ပါသည်။ စာရေးသူကိုယ်တိုင် နာလန္ဒတက္ကသိုလ်(အသစ်)မှာ ၂၀၀၈-၂၀၀၉ ခုနှစ်မှ စ၍ ယနေ့အချိန်အထိ ပါရဂူ ဒေါက်တာတန်းအတွက် သုတေသနကျမ်းစာ ရေးနေရသောကြောင့် နာလန္ဒတက္ကသိုလ်အဟောင်းရော၊ နာလန္ဒာတက္ကသိုလ်အသစ်အကြောင်းကိုပါ တစေ့တစောင်းလေ့လာဖြစ်ပါသည်။ မိမိလေ့လာမိသမျှကို ဗဟုသုတအဖြစ် ပြောဖြစ်၊ ဟောဖြစ်၊ ရေးသားဖြစ်ပါသည်။ ထို့ကြောင့် နာလန္ဒာတက္ကသိုလ်ကျောင်းသားတစ်ယောက်အနေနဲ့ နာလန္ဒာတက္ကသိုလ်ပုံရိပ်လွှာများကို ပြန်လည်ပြီး စာဖတ်သူများအား မျှဝေခံစားခြင်းပင်ဖြစ်ပါသည်။

ရှေးဟောင်း နာလန္ဒာဆိုသည့်အတိုင်း အတိတ်သမိုင်းကြောင်းတို့က တော်တော်လေးကို ဆွေးမြေ့ဟောင်းနွမ်းနေပါပြီ။ မြန်မာ့ အနုပညာရှင်တို့သည်ပင် ရှေးဟောင်း ကမ္ဘာကျော်တက္ကသိုလ်ကြီး နှင့်ပတ်သက်၍ "ရာဇဂြိုဟ် ပြည်ဌာန၊ နာလန္ဒတက္ကသိုလ်" ဟု ဗုံတောက်သံများပင် သီကုံးရွတ်ဆိုခဲ့ကြဖူးသည်ကို မှတ်သားဖူးပါသည်။ အနောက် ဥရောပတွင် ရှေးအကျဆုံးဖြစ်သည့် အီတလီနိုင်ငံမှ ဘိုလော့နာ တက္ကသိုလ်ထက်ပင် ဤနာလန္ဒာတက္ကသိုလ်ကြီးက ပိုမိုရှေးကျကြောင်း မှတ်သားရပါသည်။ နာလန္ဒာတက္ကသိုလ်ကြီး၏ အတိတ်သမိုင်းစာမျက်နှာများကို လှမ်းကြည့်ရသော် နာလန္ဒာတက္ကသိုလ်ကြီး ဖြစ်လာဖို့ အစပျိုးခဲ့သူမှာ မောရိယအင်ပါယာ၊ အသောကအင်ပါယာ တို့ကို တည်ထောင်ခဲ့သူ သီရိဓမ္မာသောက မင်းကြီးဟု ဆိုလျှင် မှားမည် မဟုတ်ပေ။ ဘုရင် အသောကသည် မြတ်ဗုဒ္ဓပရိနိဗ္ဗာန်စံတော်မူပြီး နှစ်ပေါင်း ၂၀၉ နှစ်လောက်တွင်(သုံးရာခန့်လောက်တွင်) ပညာအရာမှာ အသာလွန်ဆုံး အထူးချွန်ဆုံး ဧတဒဂ်ရ လကျာင်္တော်ရံ ဓမ္မသေနာပတိ တရားစစ်သူကြီး အရှင်သာရိပုတ္တရာ မထေရ်မြတ်ကြီးအား အောက်မေ့သတိရသောအားဖြင့် အရှင်သာရိပုတ္တရာမထေရ်မြတ်၏ မွေးရပ်မြေ ဖွားတော်မူရာနှင့် ပရိနိဗ္ဗာန်စံတော်မူရာ နောက်ဆုံး မိခင် သာရီပုဏ္ဏေးမကြီးကို မှားယွင်းသောမိစ္ဆာအယူမှ သမ္မာဒိဌိအယူနှင့် အရိယာနွယ်စခန်းသို့ တက်လှမ်းစေရာ တိုက်ခန်းမှာပင် အမှတ်တရ လွမ်းစေတီတစ်ဆူနှင့် ကျောင်းတစ်ဆောင်ကို (ဤရှေးဟောင်းတက္ကသိုလ်ကြီး မတိုင်မီကပင် ယခု ရှေးဟောင်းတက္ကသိုလ်ကြီးအတွင်းမှာ) ဆောက်လုပ်လှူဒါန်းထားခဲ့သည်ဟု တိဘက်သမိုင်းဆရာ တာရာနာထ(Taranatha- a Tibetan Historian) က မှတ်တမ်းတင်ခဲ့ပေသည်။ တရုတ်ခရီးသွား ဖာဟီယန် (Fa-hien) လည်း ရာဇဂြိုဟ် ခရီးသွားစဉ် နာလန္ဒာရောက်ခိုက် အရှင်သာရိပုတ္တရာအထိမ်းအမှတ်စေတီမြတ်ကို ဖူးမျှောခဲ့သည်ဟု ဆိုပါသည်။

ယင်း အရှင်သာရိပုတ္တရာအထိမ်းမှတ် ကျောင်းတော်လေးနေရာမှာပင် အေဒီ (၁) ရာစုအလွန် အေဒီ(၂) ရာစုလောက်မှာ မဟာယာန ဖီလိုဆိုဖာ ရဟန်းတော် နာဂဇုန(နာဂအဇ္ဇုန) က (Madhayamika School of Mahayana Philosophy) မဓျာမိက ဖီလိုဆိုဖီ သင်တန်းကျောင်းလေးကို စတင်ဖွင့်လှစ်ခဲ့သည်ဟု ဆိုပါသည်။ ယင်းသတင်တန်းကျောင်းလေးသည် မကြာမီ တိုးတက်ကြီးပွားလာပြီး စာသင်သားရဟန်းတော်ပေါင်း ထောင်ပေါင်းများစွာတိုးတက်များပြားလာသည့် နာလန္ဒာတက္ကသိုလ်ကြီး ဖြစ်လာသည်ဟုဆိုပါသည်။ စာသင်သားများနှင့် ဆရာများအတွက် နေထိုင်စားသောက်စရိတ်ကို တက္ကသိုလ်က တာဝန်ယူသည်။ ကုန်ကျစရိတ်အားလုံးကို ဘုရင်များနှင့် နယ်စား ရွာစားများက လှူဒါန်းကြပါသည်။ စာသင်ဆောင်များ၊ တက္ကသိုလ်လူနေ အဆောင်များ လိုလိုသေးမရှိ၊ စာကြည့်တိုက်သည်ပင် ၉ ထပ်အထိ ရှိသည်ဟု ဆိုပါသည်။

တရုတ်ဘုန်းတော်ကြီး ဟူယင်ဆန်မှတ်တမ်းအလို ပထမ ကုမာရ ဂုပ္ပတ(အေဒီ ၄၁၄-၄၅၅) မင်းသည် ပညာရေးကို အထူးအားပေးချီးမြှောက်သော သာသနာပြုမင်းတပါးပင် ဖြစ်သည်။ တက္ကသိုလ်ကြီး၏ မြေနေရာကိုလည်း မိမိ၏နန်းတော် မြေနေရာအပါဝင် အနီးပတ်ဝန်းကျင် လယ်ဧကပေါင်း များစွာကိုလည်း တက္ကသိုလ်ကျောင်းမြေအဖြစ် သတ်မှတ်လှူဒါန်းခဲ့သည်။ ယနေ့ခေတ် ရှေးဟောင်းယဉ်ကျေးမှုနှင့် သုတေသနဌာန၏ တွေ့ရှိချက်အရ (၃၄"၅၉၄) ဧက ကျယ်ဝန်းသည်ဟု သိရ၏။ တစ်ချို့က မြေဧကအကျယ် (၄၁၉) ဧက ရှိသည်ဟု ဆိုကြ၏။

အေဒီ ၆ရာစု(အေဒီ ၆၀၆ မှ အေဒီ ၆၄၇ အထိ )တွင် ပါလမင်းဆက် ဟရသျှမင်း (harsha) လက်ထက်တွင် ကျောင်းမြေနေရာများကို ထပ်ဆင့်တိုးချဲ့ကာ ကျောင်းသားနေအဆောင်ပေါင်း (၁၈၀) နှင့် ကျယ်ပြန့်သော စာသင်ခန်းများ၊ တရားဟော၊ တရားထိုင်ခန်းမကြီးများကိုလည်း တင့်တယ်ခန်းနားစွာ ဆောက်လုပ်ပေးခဲ့သလို မြေပေါက်စေတီ ပေါင်း(၁၀ )ကိုလည်း တည်ထားကိုးကွယ် ခဲ့သေးသည်။ အဆောက်အဦးများကို တည်ဆောက်ရာတွင် အောက်ခြေဖောင်ဒေးရှင်းအား ကျောက်တုန်းများဖြင့် စီထားကာ ထုထည် ကောင်းမွန်အောင် အခိုင်အမာ ပြုလုပ်ပေးထားလေသည်။ ကျောင်းသားနေအခန်းများကိုလည်း တစ်ယောက်အိပ်ခန်း နှစ်ယောက်အိပ်ခန်းများနှင့် တရားထိုင်ဖို့ ကမ္မဌာန်းကျောင်းလေးများကိုလည်း စီမံထားပေသည်။ ကျောင်းဆောင်တိုင်း၏ အလယ်ထပ်(floor)တွင် အခန်းပေါင်း လေးဆယ်အထိ ပါဝင်သည်ဟု သိရပါသည်။ ရေချိုးခန်း များကိုလည်း စာသင်ခန်း၊ တရားဟောခန်း၊ တရားထိုင်ခန်းမကြီး များဖြင့် တွဲလျှက်တည်ဆောက် ပေးထားလေသည်။ ကျောင်းဆောင်တိုင်း ကျောင်းဆောင်တိုင်း၏ အလည်တွင် (၁၂) ပေပတ်လည် ကျယ်ဝန်းသော အုတ်ရေတွင်းကြီး တစ်တွင်းကျစီ ဘေးတစ်ဘက်စီတွင် တူးထားသည်။ ကျောင်းဆောင်များ၏ ဘေးပတ်လည်တွင်လည်း အရောင်အသွေးစုံ အမျိုးအမည်စုံလင်သော ပန်းဥယာဉ်များ ၊ကြာမျိုးစုံဖူးပွင့်နေသော ရေကန်ကြီးများကိုလည်း ဖန်တီးပေးထားလေသည်။

အေဒီ ၇-ရာစုတွင် တရုတ်ဘုန်းတော်ကြီး (Xuanzang)ဟူယင်စန်၏ မှတ်တမ်းများ၌ နာလန္ဒာတက္ကသိုလ်ကြီးအကြောင်းကို အထူးတလည် ချီးမွမ်းထောမနာထားပါသည်။ သူကိုယ်တိုင် ခုနစ်နှစ်ကြာ နေထိုင်ကျောင်းတက်ခဲ့ပြီး ဟေတုဝိဇ္ဇာ(လောဂျစ်)၊ သဒ္ဒဝိဇ္ဇာ၊စိကိစ္ဆာဝိဇ္ဇာနှင့် ဝေဒကျမ်းများကို ပါရဂူမြောက် သင်ယူလေ့လာခဲ့သော တက္ကသိုလ်ကြီးဖြစ်သည်။ ပညာများသင်ယူပြီးဆုံးပြီးနောက် ဟူယင်ဆန်မထေရ်သည် အိန္ဒိယနိုင်ငံ၌ ဗုဒ္ဓဘာသာဝင်များ အားလုံးနှင့် သက်ဆိုင်သည့် သံဝေဇနိယလေးဌာန အပါအဝင် အထင်ကရ နေရာ တော်တော်များများ ကို အသေးစိတ်လေ့လာကာ မှတ်တမ်းများ ရေးသားခဲ့လေသည်။ ယင်းမှတ်တမ်းများသည် ကမ္ဘာ့သမိုင်းတွင် တန်ဘိုးမဖြတ်နိုင်လောက်အောင် ကျေးဇူးကြီးမားသလို ယနေ့မိမိတို့အပါအဝင် ဗုဒ္ဓဘာသာဝင်များအားလုံး ဖူးမျှော်နေရသော (ဖွား၊ပွင့်၊ဟော၊စံ)ဟူသည့် သံဝေဇနိယလေးဌာနအပါအဝင် အထင်ကရနေရာ တော်တော်များများကို ဟူယင်ဆန်၏ဂုဏ်ကျေးဇူးတွေကြောင့် ဖူးမျှော်နေရခြင်းဖြစ်လေသည်။

ပါလမင်းဆက် ဟရသျှမင်း၏ လက်ထက်တွင်တက္ကသိုလ်၏ ပညာရေး၊ စာပေသင်ကြားရေး၊ နေထိုင်ရေးတို့တွင် အဆင့်မြင့်ဆုံးဖြစ်ခဲ့သလို လက်အောက်ခံတက္ကသိုလ်များအဖြစ် ဝိက္ကမသီလာတက္ကသိုလ်၊ (University of Vikamasila) သြဒန္တပူရီ တက္ကသိုလ် (University of Odantapuri) ဇာဂလန္ဒတက္ကသိုလ် (university of Jagaddala) များကိုဖွင့်လှစ်ခဲ့လေသည်၊ ထိုတက္ကသိုလ်အားလုံးတို့ကို ပင်မ နာလန္ဒာတက္ကသိုလ်ကြီးကပင် တိုက်ရိုက်အုပ်ချုပ်ရလေသည်။ ယင်း ဟာရသျှမင်းသည် ဗုဒ္ဓဘာသာဝင်ဖြစ်၍ နာလန္ဒာတက္ကသိုလ်ကြီးကို အစွမ်းကုန် ချီးမြှောက်ထောက်ပံ့ခဲ့လေသည်။ အိမ်ခြေ (၂၀၀) ရှိ ရွာပေါင်း (၁၀၀)ကို တက္ကသိုလ်ကျောင်းတော်ကြီးသို့ လှူဒါန်းထားသည်။

အေဒီ(၈၁၅-၈၅၄) ဒေဝပါလမင်း၏ ကြေးပြား၌ ဆုမတြာဘုရင်က ရာဇဂြိုဟ်မြို့အနီးရှိ ရွာပေါင်း(၅၀၀)ကို နာလန္ဒာတက္ကသိုလ်ကျောင်းတော်ကြီးသို့ လှူဒါန်းခဲ့ကြောင်း ဖော်ပြထားသည်။ တက္ကသိုလ်အနီးရွာများမှ အမျိုးသမီး ၂၀၀ ခန့်ကို သီလရှင် ယောဂီဝတ်ပေးပြီး တက္ကသိုလ်ဝေယျာဝေစ္စအလုပ်အကျွေး ပြုစေသည်။ အကျဉ်းထောင်များမှ ထောင်သားများကို လွတ်ငြိမ်းချမ်းသာခွင့်ပေးကာ ကပ္ပိယအလုပ်ကျွေးထားသည်။ တက္ကသိုလ်အနီးရှိရွာများမှ ထွက်ရှိသော ကောက်ပဲသီးနှံများကို မင်းအခွန်ငွေအဖြစ် သိမ်းယူခြင်းမပြုပဲ တက္ကသိုလ်ကြီးအား လှူဒါန်းစေခဲ့လေသည်။ ထို့ကြောင့်နာလန္ဒာတက္ကသိုလ်ကြီး၏ ဂုဏ်သတင်းသည် ဂင်္ဂါမြစ်မှသည် ဘော်လဂါမြစ်ဝှမ်းသို့တိုင၊် မြောက်ဘက်၌ ဆစ်ကင်း၊ဘူတန်၊ တိဗက်၊ မွန်ဂိုလီးယား၊ ရုရှား၊ ဆိုက်ဗေးရီးယား။အရှေ့ဘက်၌ မြန်မာ၊ ထိုင်း၊လာအို၊ အင်ဒိုနီးရှား၊ကမ္ဘောဒီးယား၊ဗီယက်နမ်၊ တရုတ်၊ ကိုးရီးယား၊ ဂျပန်တို့အထိ ပြန့်နှံ့ခဲ့လေသည်။ ယနေ့အထိ အချို့နိုင်ငံများသည် ဗုဒ္ဓဘာသာနိုင်ငံများအဖြစ် ဆက်လက်တည်ရှိနေသေးသည်။ ကမ္ဘာ့သမိုင်းတွင် တရုပ်ခရီးသွား ရဟန်းတော်များအဖြစ် ထင်ရှားသည့် ဖာဟီယာန်( Fa Hien )သည်(5 th A.D )ရာစုတွင် ရောက်ရှိလာကာ အရှင်နာဂဇုန မထေရ်၏အထံ၌ တပည့်အဖြစ် ခံယူသွားဖူးသည်ဟု သိရလေသည်။ သို့သော် ဖာဟီယာန်သည် ဟူယင်ဆန် ရဟန်းတော်လောက် ကြာကြာနေထိုင် သွားခဲ.ခြင်း မရှိခဲ့ပေ။

ဤကဲ့သို့ကမ္ဘာတစ်လွှားတွင် နာလန္ဒာတက္ကသိုလ်ကြီး၏ ဂုဏ်သတင်း ကျော်ဇော်ကြီးမြတ်ရခြင်း အဓိကအကြောင်းအရင်းသည် တက္ကသိုလ်မှ ချမှတ်ပေးလိုက်သောစည်းမျဉ်းများ၊သင်ကြားပို့ချပေးသော ဘာသာရပ်များနှင့် တာဝန်ယူမူ့များကြောင့်ဖြစ်သလို တက္ကသိုလ်တခု၏ အသက်ဖြစ်သော တက္ကသိုလ်စာ ကြည့်တိုက်(Library) ၏ ဂုဏ်သတင်းကြောင့်လည်း ပါဝင်လေသည်။ စာကြည့်တိုက်တွင် ထားရှိသော ကျမ်းစာအုပ်များ၊ အတွေးအခေါ်ဆိုင်ရာကျမ်းများ၊ နည်းပညာဆိုင်ရာကျမ်းများ၊ ဆေးကျမ်းများ၊ ဝေဒကျမ်းများ၊မဟာယာန (ထေရဝါဒဆိုင်ရာ) ကျမ်းများ၊ ဟိန္ဒူကျမ်းများ၊ ဗေဒင်နက္ခတ်ကျမ်းများစသည်ဖြင့် ကျမ်းပေါင်းသိန်းသောင်းချီ၍ ရှိသည်ဟုသိရလေသည်။ ယနေ့ခေတ် ကမ္ဘာကျော် ပါဏိနီသဒ္ဒါကျမ်းကြီးသည်ပင် နာလန္ဒာတက္ကသိုလ်မှ ပေါ်ထွက်လာသည့် တန်ဘိုးမဖြတ်နိုင်သည့် ကျမ်းစာကြီးပင် ဖြစ်ပေသည်။ နာလန္ဒာတက္ကသိုလ်စာကြည့်တိုက်ကြီးကို ကမ္ဘာတစ်လွှားကနေ နာမည်ပေးကြတာကတော့ သစ္စာတရားတို့စုဝေးရာတောင်ကြီး DharGunj(Mountain of Truth)၊ ပြီးတော့ Dhamaganja (Treasury of Truth) သစ္စာတရားတို့စုဝေးရာ သိမ်းဆည်းထားရာ ဘဏ္ဍာတိုက်ကြီးဟု နာမည်အမျိုးမျိုးဖြင့် အမွှန်းတင်ခေါ်ဝေါ်ကြလေသည်။ မြေအကျယ် ၄၁၉ ဧကရှိသော နာလန္ဒာတက္ကသိုလ်ကြီး ဖျက်ဆီးခံရစဉ်က တက္ကသိုလ်စာကြည့်တိုက်ရှိ စာအုပ်များ နှင့် ကျောင်းပေါင်း ၁၈၀ တို့ မီးလောင်ရာတွင် (၉)လခန့် ကြာမြင့်သည်ဟု သမိုင်းကြောင်းအရ လေ့လာ သိရသည်။

ထိုကဲ့သို့ကမ္ဘာပေါ်တွင် ပထမဆုံးပေါ်ပေါက်လာသော တက္ကသိုလ်ကြီးအဖြစ် လူသားတို့အတွက်အမြင့်ဆုံးအတတ်ပညာရပ်တို့အား ရက်ရောစွာ (အေဒီ၅-ရာစုမှ ၁၂-ရာစုအထိ) နှစ်ပေါင်း (၇၀၀)ကျော် ပေးဆောင်ခဲ့သော ကမ္ဘာ့ဂန္ထဝင်နာလန္ဒာတက္ကသိုလ်ကြီးသည် အေဒီ ၁၂-ရာစုအကုန်တွင် တူရကီနွယ်ဖွား မူဆလင်စစ်ဗိုလ်မိုဟာမက် ဘက်ခီးယာခီးဂျီး (MuhammadBakhtiyanKhaLji)၏ စစ်သည်အလုံးအရင်းဖြင့် ဝင်ရောက်စီးနင်းကာ တက္ကသိုလ်ပိုင် ရွှေ၊ငွေ၊ကျောက်သံပတ္တမြားတို့ကို အတင်းအဓမ္မသိမ်းယူခြင်း၊ ကျောင်းဆောင်များ၊ စေတီပုထိုးများကို၊ မီးရှို့ဖျက်ဆီးခြင်း၊ ကျောင်းသားရဟန်းတော်ပေါင်း (၁၀၀၀၀)ကျော်နှင့် ဆရာပေါင်း (၃၀၀၀) ကျော်ကို အားလုံးတစ်ယောက်မကျန် ကျောင်းတံခါးပိတ်ပြီး မီးရှို့သတ်ခဲ့ကြသည်။ တက္ကသိုလ်မှပြင်ပ ဗုဒ္ဓဘာသာရဟန်းတော်မှန်သမျှကိုလည်း အရှင်လတ်လတ်ဦးခေါင်းပေါ်ရုံမြေမြုပ်ကာ ဓားသွားစက်တတ်သည့်ထွန်သွားဖြင့် နွားကမောင်းစေခြင်းများကို ရက်ရက်စက်စက်ပြုလုပ်ခဲ့လေသည်။ မည်မျှရက်စက်သည်ဆိုလျှင် ရဟန်းတော်တပါး၏ဦးခေါင်းတစ်လုံးကို ဖြတ်ယူကာဆက်သနိုင်လျှင် ငွေကြေးမည်မျှပေးမည်ဟု ကြေငြာချက်ထုတ်ထားသည်အထိ လူသားမဆန်စွာ ပြုလုပ်ခဲ့ကြောင်းကို တူရကီ ရာဇဝင်ဆရာ မိန်ဟဇဒ်(Minhazad) ရေးသားထားသော (Tavakata.1.nasiti) အမည်ရှိ စာအုပ်တွင် ဖတ်ရှု့လေ့လာရပေသည်။ အေဒီ ၁၂-ရာစု အကုန် ယခု ဗီဟာပြည်နယ်ကို မူစလင်များ သိမ်းဆည်း၍ ဗုဒ္ဓဘာသာရဟန်းတော်များ အပြောင်သုတ်သင်ရှင်းလင်းရာတွင် နာလန္ဒာတက္ကသိုလ်ကြီးမှ ရဟန်းသံဃာအများစု သတ်ခံရခြင်းဖြစ်သည်။

တစ်ချိန်က ကမ္ဘာကျော်ပြီး ဤမျှ ကြီးကျယ်ခမ်းနားသော နာလန္ဒာတက္ကသိုလ်ကြီးသည်လည်း အနိစ္စသဘောတရားကို မလွန်ဆန်နိုင်ခြေ။ ယနေ့ ခေတ်သစ်တန်ဖိုးနဲ့တိုင်းတာမယ်ဆိုရင်တော့လည်း ဘာသာတရားတစ်ခုကနေ အခြားဘာသာတရားတစ်ခုကိုကျုးကျော်စော်ကားခြင်းသည် လူ့ယဉ်ကျေးတို့၏လုပ်ရပ်မဟုတ်သလို ဘာသာတရားတိုင်းရဲ့အဆုံးအမတွေမှာ သွေဖယ်နေတဲ့အနုတ်လက္ခဏာကိုသာတွေ့ရလိမ့်မည်။ ထို့ကြောင့် ဘာသာတိုင်း၏ စံနှုန်းတွေကို အထူးတန်ဖိုးထားသင့်ပေသည်။ ဗုဒ္ဓဘာသာတို့၏ ရှေးဟောင်းအမွေနှစ်ဖြစ်သည့် ရှေးဟောင်း နာလန္ဒာတက္ကသိုလ်ကြီးကို ယခုအခါ အိန္ဒိယ အစိုးရ ယဉ်ကျေးမှုဌာနက ထိမ်းသိမ်းစောင့်ရှောက်ထားပေသည်။

ယခု ရှေးဟောင်း နာလန္ဒာတက္ကသိုလ်ကြီး အနေထားကို သွားရောက်လေ့လာကြည့်လျှင် ကျောက်လှေခါး ကျယ်ကြီးများ၊ ကျောက်လှေခါး အမြင့်ကြီးများကို တွေ့မြင်နိုင်ပေသည်။ တိုင်များ၏ အောက်ခံကိုလည်း အထူးသဖြင့် ကျောက်များကို အသုံးပြုထားပြီး ကျောက်ဆုံ ကျောက်ခွက်များကိုလည်း တွေ့မြင်နိုင်ပေမည်။

အောက်ထပ် အရှေ့ဖက်တွင် ပတ်လည် ကမ္မဌာန်းကျောင်းများ ဝိုင်းရံထားသော အထပ်ခန်းခပ်ကျယ်ကျယ် တွင် ဘုရားဆောင်အဖြစ် တွေ့ရသည်။ ထိုအဆောင်ရှေ့တွင် အုတ်ခုံအမြင့် တစ်ခုရှိသည်။ စာသင်ခန်းမဆောင်ဟုလည်း ယူဆရသည်။ တစ်ချို့ကတော့ လေးမြားအတတ်သင်ရာ ဟုလည်း ဆိုကြသေးသည်။ ရှေးဟောင်း နာလန္ဒာတက္ကသိုလ်ကြီးမှာ အဌာရသ(၁၈)ရပ်ကို သင်ကြောင်း လေ့လာသိရှိရ၍ မြားပစ်အတတ် သင်ကြားရာနေရာလည်း ဖြစ်နိုင်ပါသည်။ စာရေးသူ၏ ရှေးခေတ်တက္ကသိုလ်အကြောင်း သိကောင်းစရာ ဟူသော ဆောင်းပါးတွင်လည်း အဌာရသ(၁၈)ရပ်ကို အကြောင်းကို ရေးသားခဲ့ဖူးပါသည်။

မြန်မာနိုင်ငံမှ ဘုရားဖူးလာရောက်ကြသော ဗုဒ္ဓဘာသာဝင်တို့အား ရှေးဟောင်းနာလန္ဒာတက္ကသိုလ်ကြီးအကြောင်းကို နာလန္ဒာတက္ကသိုလ်မှာ ပညာသင်နေကြသည့် တာဝန်ကျဘုရားဖူးဂိုက် ဦးဇင်းတစ်ပါးက လိုက်လံရှင်းပြတတ်ပါသည်။ တစ်ခါတရံ နာလန္ဒာတက္ကသိုလ်အသစ်မှာ ပညာရင်နို့ သောက်စို့ အားဖြည့်ရန် ရောက်ရှိလာကြကုန်သော မြန်မာနွယ်ဖွား စာသင်သား ရဟန်းတော်တို့အား ပညာဒါနအဖြစ် လှူဒါန်းသည့် ဒါနကုသိုလ်ပွဲလေးမှာ တာဝန်ကျ ဓမ္မကထိကဆရာတော်ကလည်း ရှေးဟောင်း နာလန္ဒာတက္ကသိုလ်ကြီးအကြောင်း အချိန်ရရင် ရသလို တစေ့တစောင်း ရှင်းပြတော်မူကြပါသည်။ မြန်မာဘုရားဖူးတို့သည် ရှေးဟောင်း နာလန္ဒာတက္ကသိုလ်ကြီး အတွင်းရှိ ရှေးဟောင်းအဆောက်ဦးများကို လှည့်လည်ကြည့်ရှု့လေ့လာကြရင်း တစ်ချိန်က မီးရှို့သတ်ဖြတ်ခံရသည့် ရဟန်းတော်များအတွက် စိတ်မကောင်းဖြစ်ကြရပြီး ဘုရားဖူးခရီးစဉ်တစ်လျှောက် သူတို့ပြုလုပ်ဆည်းပူးအားထုတ်ခဲ့ရသော ကုသိုလ်ကောင်းမှု အစုစုတို့ကိုလည်း အမျှအတမ်းဝေကြပါသည်။

ဝမ်းနည်းဖွယ်တွေကို ထွေးပိုက်ရင်း စိတ်ကြည်နူးစရာအဖြစ်တော့ ပညာအရာမှာ ဧတဒဂ်ရတော်မူသော အရှင်သာရိပုတ္တရာမထေရ်မြတ်ကြီး၏ ဖွေးဖွားရာနှင့် ပရိနိဗ္ဗာန်စံတော်မူရာ အထိမ်းအမှတ်စေတီမြတ်ကြီးကို ဖူးမျှော်ကြရပေသည်။ ထို စေတီတော်ကြီးသည် သမရိုးကျ ပုံစံမဟုတ် တမူထူခြားစွာ အဆင့်ဆင့်တည်ဆောက်ထားသည်ကို တွေ့ရပါသည်။ လက်ရှိအနေထားမှာတော့ အပေါ်အမိုး ထီးတော်မရှိသော်လည်း ဆောက်ထားပုံမှာ ခမ်းခမ်းနားနားရှိပါသည်။ လှေခါးထစ်များဖြင့် အထပ်ထပ်သို့ တက်နိုင်ပါသည်။ အပေါ်ထပ်ရောက်လျှင် တက္ကသိုလ်၏ ရှု့ခင်းအလှအပကို အပေါ်စီးမှ မြင်နိုင်အောင် စီမံထားဟန်တူပါသည်။ ရှေးယခင်က တက်ခွင့်ရကြသော်လည်း ယခုအခါ တက်ခွင့်မရကြတော့၍ ဘုရားဖူးများ အောက်မှပင် ဖူးမျှော် ပူဇော်ကြရပေသည်။

အရှင်သာရိပုတ္တာမထေရ်မြတ်ကြီးသည့် မွေးကျေးဇူးဆပ်ရန် ပရိနိဗ္ဗာန်စံတော်မူခါနီးမှ သူ၏မွေးဖွားရာ တိုက်ခန်းသို့ပြန်လာတော်မူသည်။ နတ်ဗြဟ္မာများက ညအခါလာရောက်ကန်တော့ကြသည်ကို တွေ့ရသော မိစ္ဆာအယူရှိသည့် မယ်တော်ကြီးသည် ထိုအချိန်မှာ သားတော်ကို အထင်ကြီးစိတ်ဖြစ်ခဲ့ရသည်။ ထိုအခါမှ တရားဟောတော်မူခြင်းဖြင့် မယ်တော်ကြီးသည် သောတာပန်တည်သွားသည်။ အရှင်သာရိပုတ္တာမထေရ်သည် မိခင်ကြီးအား အပါယ်တံခါးပိတ်စေပြီးမှ သူမွေးဖွားခဲ့ရာ တိုက်ခန်းမှာပင် ပရိနိဗ္ဗာန်စံတော်မူလေသည်။ နောင် နှစ်ပေါင်း ၃၀၀ လောက်အကြာတွင် (ဘီစီ ၃ ရာစုတွင်) အသောကမင်းတရားကြီးက အရှင်သာရိပုတ္တရာမထေရ်အတွက် အထိမ်းအမှတ်ပြုထားသည့် လွမ်းစေတီတော်မြတ်ကို ယခုခေတ် ဘုရားဖူးလာရောက်ကြသော ဘုရားဖူးသူတော်စင်တို့သည် ရှိခိုးဦးချကာ လိုရာခရီးဆက်ကြလေတော့သည်။

မေတ္တာဖြင့်

(မေ့သားလှ-ဇလဂ္ဂ)

၃၀-၁၂-၂၀၁၁