(၁)
အဝိဇ္ဇာ ပိတ်ကာဆို့၊ မိစ္ဆာမြို့ပြင်ပြင်၊
ဣဌာလို့ ခင်မင်လျှင်၊ လွင့်စင်မည်မလွဲ၊
အရွတ်စု အပုတ်ကောင်ကို၊ အဟုတ်ယောင် မှားဖို့ ဖန်နဲ၊
အသုဘ ရုပ်တစ္ဆေငယ်၊ မဟုတ်လေ ကိုယ်ထဲ၊
အပုပ်ရေ စွဲတရွဲဟာမို့၊ ယိုမစဲ သူ့မှာ၊
သွေးသည်းချေ ပြည် သလိပ်တွေက
တည်မဆိတ်၊ လျှမ်းပြည့်သည်သာ၊
သို့ကလောက် ရွံစရာပါကို၊လွန်တဏှာ မက်စွဲပါလို့၊
စက်ဝဲမှာတပေပေ၊ မွန်းကြပလေ၊
တဏှာဖမ်းတဲ့ အကန်းတွေမှာ၊
အပန်းမပြေ ဟိုက်မောရှာကြလေး။
တဏှာပူးတဲ့ အရူးတွေမှာ အမူးမပြေ မိုက်မောရှာကြလေး။
တဏှာလိုက်တဲ့ အမိုက်တွေမှာ၊ အဟိုက်မပြေ ပင်ပန်းရှာကြလေး။
(၂)
ကိုယ်ခန္ဓာ ကောင်ရုပ်က၊ ဟောင်ပုပ်ပုပ် နံညှီ၊
ကိုးဒွါရ ပြွန်နဒီမှာ၊ ရွံစလီပါပဲ၊
ဤကာယရုပ်အရှင်ကို၊ အဟုတ်ပင် မှတ်ကြမစဲ၊
သုသာန်နှင့် တစပြင်မှာ၊ သူသေသွင်မလွဲ၊
ချွေး မျက်ရည် နှပ်ချွဲက၊ ပြတ်မစဲ စီးယို၊
အိုင်းအနာ နူအရွဲငယ်နှင့်၊ တူတူပဲ မှတ်ကြကိုယ့်ကိုယ်၊
များတစ်စု လူဗိုလ်မှာ၊ အဟုတ်လို ထင်စွဲလို့၊
စက်ဝဲသံသရာ၊ မွန်းနစ်ကြရှာ၊
ကမ်းတဖက် ခေမာကို၊ ရောက်နိုင်ပါ ပြီဘူးကွဲ့လေး။
(၃)
နှစ်မပါ ဗလာသုံး၊ အကာဖြုန်း စင်စင်၊
မသာတုံး ပြင်ပြင်၊ ထင်မြင်ဖွယ်မှန်စွ၊
အနတ္တ ဤရုပ်ကောင်ငယ်၊ ညှီပုပ်ဟောင် ဆိုးညစ်တန်လှ၊
ခြောက်ဝတ္ထု အသားဆိုင်မှာ၊ အများပိုင်ခိုကြ၊
နာမ်ဝိညာဉ်ဆိုမျှက၊ အိုစရာ့ဖြစ်ပုံ၊
ထောင့်ငါးရာ ညစ်ကြေးတွေက၊ ရစ်အမြှေး လွှမ်းအုပ်လို့ခြုံ၊
စိုးမရ တရားစုံကို၊ ဇယားပုံ ထင်ဖွဲ့လို့၊
မြင်တဲ့အောင် မတွယ်တာ၊
ခဲသင့်လှပါ၊
ရှင်သေမင်းက အတင်းလာလျှင်၊ မငြင်းသာ ပါရချေလိမ့်လေး။
(လယ်တီဆရာတော်)
No comments:
Post a Comment