လောဘဒေါသ မောဟထူပြော
ကိလေတောဝယ် နစ်မျောပေသော
အချို့အချို့သော လောကလူသား
ထိုသူများကား ဝေဒနာနှင့် တဏှာကြားမှာ
ဗျာများစွာလျှင် လှည့်ဖျားကောက်ကျစ်
လိမ်လည်ညစ်တတ် စိတ်ဓာတ်ယုတ်မာ
သိက္ခာကင်းမဲ့ ကဲ့ရဲ့ရှုတ်ချ။
ရှုတ်ချလိုလျှင် အပြစ်မြင်ကြ
အပြစ်တင်လျှင် အထင်သေးလျက်
တံတွေးခွက်တွင် ပက်လက်မှောက်ခုံ
ဒုက္ခစုံ၍ တနေ့နေ့တွင်
အသွင်တူစွာ လူယုတ်မာနှင့်
နီးစွာပေါင်းသင်း ပြုလုပ်ခြင်းကြောင့်
ခုရောနောင်ပါ အမှားသံသရာ
ပွားရန်သာတည်း။
သို့တည်းအတွက် ညဉ့်နံနက်လျှင်
အလှယိုဖိတ် မေတ္တာစိတ်ဖြင့်
ကြမ်းစိတ်တွေဝေး စိတ်ယဉ်ကျေးအောင်
ကောင်းသည့်အတိတ် ကောင်းနိမိတ်ဖြင့်
ကောင်းစိတ်ကိုဆောင် ဤလူ့ဘောင်၌
ငြိမ်းအောင်လည်းနေ အေးအောင်နေလျက်
အမှောင်မှ အလင်းဘက်သို့
သစ္စာမပျက် နေ့စဉ်ဆက်နိုင်ကြပါစေ။
သာဓုသံခြွေ မေတ္တာဝေနိုင်ကြပါစေ။
မေ့သားလှ (ဇလဂ္ဂ)
၁၃-၁-၂၀၁၁
No comments:
Post a Comment