အဆိပ်လူးမြား ပစ်ခွင်းငြား၍
နှံ့ပြားခန္ဓာ ပျံ့နှံ့လာသော်
မြန်စွာသုတ်သုတ် မြားကိုထုတ်၍
မုဟုတ်အတွင်း အဆိပ်ပြင်းကို
ချက်ချင်းထုတ်ကာ ဦးစွာမဆွ
လုပ်သင့်လှလည်း
သူကတွေဝေ နေနိုင်ပေ၏။
မြားပစ်သောသူ အဘယ်လူနည်း။
သူ၏မျိုးနွယ် ဘယ်အနွယ်နည်း။
ယုတ်မြတ်အလတ် အဘယ်ဇာတ်နည်း။
ကျားမကြီးငယ် ဘယ်အရွယ်နည်း။
မြို့ရွာဒေသ အဘယ်ကနည်း။
ရှည်တိုအလတ် သုံးရပ်ခန္ဓာ ဘယ်ပုံပါနည်း။
ပစ်လာသည့်မြား ဘယ်လိုမြားနည်း။
အရှေ့အနောက် တောင်မြောက်ဝဲယာ
ဘယ်ကလာသနည်း။
မြား၏ရွယ်စား ဘယ်သို့များနည်း။
လုပ်သည့်မြားကား ဘာအသားနည်း။
ဒူးလေးဝါးကိုင်း သစ်သားကိုင်းနှင့်
ပိုးသိုင်းချည်ကြိုး သားရေကြိုးလော့။
သိချင်ရာရာ မေးပုစ္ဆာကို ဦးစွာမေးမြန်း
ထောက်စုံစမ်းကာ မျှော်မှန်းအဖြေ သိပါလေမှ
စူးဝင်သောအား ထိုသည့်မြားကို
သူကားခုမှ နှုတ်ကြပါတဲ့။
ထိုနည်းတူစွာ ဒီလူ့ရွာဝယ်
မိစ္ဆာလွဲမှား အကြံမှားကြောင့်
အမှားကိုအမှန် အမှန်ကိုအမှား ဆုပ်ကိုင်ထား၍
အဟုတ်ထင်မှတ် ရှုပ်ချင်တတ်ကြ။
စူးကပ်ဝင်လာ ကိလေသာမြား
ဆယ့်တစ်သွားကို ခုများတော့ထိ
စူး၏ရင်းတွင်း ဥာဏ်ဖြင့်ထွင်း၍
ချက်ချင်းတော့ဖြင့်
မနှုတ်နိုင်ကြသေးပါတကား။
(မေ့သားလှ- ဇလဂ္ဂ)
(05-09-2010)
(မြတ်ဗုဒ္ဓ၏ စူဠမာလုကျသုတ်ကိုမှီးပါသည်။
No. 63 of MajjhimaNikaya)
No comments:
Post a Comment